ФУТБОЛ. Дастаи Тоҷикистон омодагиашро барои бозӣ бо дастаи мунтахаби Қазоқистон оғоз кард

Ноябрь 13, 2021 10:22

ДУШАНБЕ, 13.11.2021 /АМИТ «Ховар»/. Дастаи футболи мунтахаби Тоҷикистон омодагии худро ба бозии дӯстона бо дастаи мунтахаби  Қазоқистон, ки 16 ноябр дар шаҳри Нур-Султон баргузор мекунад, оғоз кард. Иҷрокунандаи вазифаи сармураббии дастаи мунтахаби Тоҷикистон Мубин Эргашев ба бозии дӯстонаи дарпешистода 21 бозингарро даъват кардааст, иттилоъ медиҳад шореҳи варзиши АМИТ «Ховар» бо истинод ба Федератсияи футболи Тоҷикистон.

Дар хайати дастаи мунтахаби Тоҷикистон тағйирот ба амал омад. Ба ҷои ҳимоятгарон Ваҳдат Ҳанонов ва Манучеҳр Сафаров, ки дар дастаи футболи «Персеполис»-и Эрон ҳастанд ва дар бозӣ бо Қазоқистон иштирок карда наметавонанд, Наимҷон Иброҳимзода аз дастаи «Хуҷанд» ва Ҳусейн Нурматов аз дастаи «Истаравшан» даъват шуданд.

Қобили зикр аст, ки бозии дӯстона миёни дастаҳои мунтахаби Қазоқистон ва Тоҷикистон 16 ноябр, соати 19:00 дар варзишгоҳи «Остона-Арена»-и шаҳри Нур-Султон баргузор мешавад.

Ҳайати дастаи мунтахаби Тоҷикистон барои бозии дӯстона бо дастаи мунтахаби Қазоқистон:

Дарвозабонҳо: Шоҳрух Қирғизбоев, Муҳриддин Ҳасанов (ҳарду – «Истиқлол»), Далер Азизов («Регар-ТадАЗ»);

Дифоъгарон: Давронҷон Эргашев («Бунёдкор», Узбекистон), Табрези Давлатмир («Нарва Транс», Эстония), Зоир Ҷурабоев («Истиқлол»), Алиҷон Кароматуллозода (КМВА), Наимҷон Иброҳимзода («Хуҷанд»), Ҳусейн Нурматов («Истаравшан»);

Ниммуҳофизатгарон: Парвизҷон Умарбоев («Локомотив», Пловдив, Булғористон), Нуриддин Давронов («Борнео», Индонезия), Эҳсони Панҷшанбе («Навбаҳор», Узбекистон), Муҳаммадҷон Раҳимов («Ордабаси», Қазоқистон), Алишер Ҷалилов, Амирбек Ҷурабоев, Шервони Мабатшоев (ҳама – «Истиқлол»), Кароматулло Саидов («Хуҷанд»);

Ҳамлагарон: Шаҳром Самиев («Торпедо-БелАЗ», Беларус), Шериддин Бобоев («Пенанг», Малайзия), Манучеҳр Ҷалилов («Истиқлол»), Ҷаҳонгир Эргашев («Эсхата»).

Иҷрокунандаи вазифаи сармураббии дастаи мунтахаби Тоҷикистон: Мубин Эргашев

                                             АКС аз Федератсияи футболи Тоҷикистон

Ноябрь 13, 2021 10:22

Хабарҳои дигари ин бахш

ЧЕМПИОНАТИ CAFA-2024. Имрӯз дастаҳои мунтахаби ҷавонони Тоҷикистон ва Узбекистон барои ҷойи сеюм байни ҳам бозӣ мекунад
Футзалбозони тоҷик бо дастаҳои мунтахаби Испания ва Нидерланд бозиҳои дӯстона анҷом медиҳанд
ЧЕМПИОНАТИ CAFA-2024. Дастаи мунтахаби ҷавонони Тоҷикистон бар Афғонистон ғолиб омад
Лигаи Олӣ ва Лигаи якуми Тоҷикистон беҳтарин бозингар ва беҳтарин мураббии моҳи июнро муайян намуданд
Таътили тобистона дар Чемпионати Тоҷикистон-2024 байни дастаҳои Лигаи олӣ фаро расид
ҶОМИ МЕРДЕКА-2024. Дастаи мунтахаби Тоҷикистон дар ин мусобиқот иштирок менамояд
ҶОМИ ҶАҲОН-2024. Дастаи мунтахаби футзали Тоҷикистон омодагиҳоро ба ин мусобиқот оғоз кард
ФУТБОЛ. Машғулиятҳои омӯзишӣ аз рӯйи барномаи иҷозатномаи «В» ба охир расид
ҶОМИ ОСИЁ-2025. Моҳи сентябр марҳилаи интихобии мусобиқа баргузор мешавад
ҶОМИ ОСИЁ-2025. Дастаи наврасони Тоҷикистон дар гурӯҳи «J» қарор гирифт
ҶОМИ ҶАҲОН-2026. Имрӯз дастаи мунтахаби Тоҷикистон бо тими миллии Покистон бозӣ мекунад
ҶОМИ ҶАҲОН-2026. Дастаи мунтахаби Тоҷикистон аз тими миллии Урдун мағлуб шуд