ФУТБОЛ. Шоми имрӯз бозии дӯстонаи дастаҳои мунтахаби Тоҷикистон ва Қазоқистон баргузор мешавад

Ноябрь 16, 2021 10:58

ДУШАНБЕ, 16.11.2021 /АМИТ «Ховар»/. Имрӯз, соати 18:00 дар варзишгоҳи «Остона-Арена»-и Қазоқистон бозии дӯстонаи  дастаи мунтахаби Тоҷикистон оид ба футбол бо дастаи мунтахаби  Қазоқистон баргузор мешавад,  иттилоъ медиҳад шореҳи варзиши АМИТ «Ховар» бо истинод ба Федератсияи футболи Тоҷикистон. 

Ба бозии дӯстонаи дарпешистода сармураббии муваққатии дастаи мунтахаби  Тоҷикистон Мубин Эргашев 21 бозингар, аз ҷумла ҳашт легионерро бо худ бурд. Ниммуҳофизатгари дастаи футболи  «Истиқлол»-и шаҳри Душанбе  Алишер Ҷалилов дар бозии дӯстона бо дастаи мунтахаби Қазоқистон сарвони дастаи мунтахаби Тоҷикистон  хоҳад буд. Ҷойнишини сарвонро дифоъгари дастаи «Бунёдкор» Давронҷон Эргашев ба зимма дорад. Барои Алишер Ҷалилови 28-сола вохӯрии дарпешистода бо Қазоқистон ёздаҳумин дидор бо пероҳани дастаи мунтахаби Тоҷикистон хоҳад буд. Дар даҳ бозии қаблӣ дар ҳайати дастаи мунтахаби Тоҷикистон Алишер Ҷалилов се гол зада буд.

Ҳайати дастаи мунтахаби Тоҷикистон барои бозии дӯстона бо дастаи  мунтахаби  Қазоқистон:

Дарвозабонҳо: Шоҳрух Қирғизбоев, Муҳриддин Ҳасанов (ҳарду – «Истиқлол»), Далер Азизов («Регар-ТадАЗ»);

Дифоъгарон: Давронҷон Эргашев («Бунёдкор», Узбекистон), Табрези Давлатмир («Нарва Транс», Эстония), Зоир Ҷурабоев («Истиқлол»), Алиҷон Кароматуллозода (КМВА), Наимҷон Иброҳимзода («Хуҷанд»), Ҳусейн Нурматов («Истаравшан»);

Ниммуҳофизатгарон: Парвизҷон Умарбоев («Локомотив», Пловдив, Булғористон), Нуриддин Давронов («Борнео», Индонезия), Эҳсони Панҷшанбе («Навбаҳор», Узбекистон), Муҳаммадҷон Раҳимов («Ордабаси», Қазоқистон), Алишер Ҷалилов, Амирбек Ҷурабоев, Шервонӣ Мабатшоев (ҳама – «Истиқлол»), Кароматулло Саидов («Хуҷанд»);

Ҳамлагарон: Шаҳром Самиев («Торпедо-БелАЗ», Беларус), Шериддин Бобоев («Пенанг», Малайзия), Манучеҳр Ҷалилов («Истиқлол»), Ҷаҳонгир Эргашев («Эсхата»).

Иҷрокунандаи вазифаи сармураббии дастаи мунтахаби Тоҷикистон: Мубин Эргашев

                                                                  АКС: ФФТ

Ноябрь 16, 2021 10:58

Хабарҳои дигари ин бахш

ФУТБОЛ. Дастаи мунтахаби Тоҷикистон дар Мусобиқаи байналмилалии «King’s Cup 2022» иштирок мекунад
ЧЕМПИОНАТИ CAFA-2022. Мунтахаби ҷавонони Тоҷикистон ҷои сеюмро гирифт
ИДИ БУЗУРГИ ТИРАМОҲ. Оғози Чемпионати ҷаҳон оид ба футбол дар Қатарро ба моҳи ноябр гузарониданд
ЧЕМПИОНАТИ CAFA-2022. Имрӯз ғолиб ва ҷоизадорони мусобиқа муайян мегарданд
ЧЕМПИОНАТИ CAFA-2022. Имрӯз дастаи ҷавонони Тоҷикистон бо дастаи Узбекистон бозӣ мекунад
Имрӯз дар Душанбе бозиҳои даври сеюми Чемпионати CAFA-2022 миёни дастаҳои мунтахаби ҷавонони то 19-сола доир мешаванд
ЧЕМПИОНАТИ CAFA-2022. Дастаи ҷавонони Тоҷикистон (U-19) мусобиқаро бо пирӯзии калон бар дастаи Афғонистон оғоз кард
Имрӯз дар Душанбе Чемпионати CAFA-2022 миёни дастаҳои ҷавонон (U-19) оғоз мегардад
Лигаи футболи Тоҷикистон ҷадвали бозиҳои даври 1/8-ниҳоии Ҷоми 2022-ро тасдиқ намуд
ЧЕМПИОНАТИ CAFA-2022. Панҷ дастаи мунтахаби Осиёи Марказӣ барои унвони беҳтарин дастаи минтақа мубориза мебаранд
ФУТБОЛ. «Истиқлол» нахустин ғолиби Ҷоми «Ҷавонӣ» гардид
ФУТБОЛ. «Истиқлол»-и Тоҷикистон бо дастаи «Андиҷон»-и Узбекистон бозии дӯстона анҷом медиҳад

Маводҳои таҳлилӣ