М. Сафолзода: «Иқдомоти созандаи Президенти Тоҷикистон дар ҷустуҷӯи роҳҳои нави бурунрафт аз қазияи Афғонистон босамар, мубрам ва прагматикианд»

Ноябрь 16, 2021 08:17

ДУШАНБЕ, 16.11.2021 /АМИТ «Ховар»/. Бо ибтикороти Президенти Тоҷикистон муҳтарам Эмомалӣ Раҳмон бо такя ба мушкилоти мавҷудаи Афғонистон ва таҳлили фарогири вазъ дар ин кишвар, иқдомоти ҷустуҷӯи роҳҳо ва усулҳои нави бурунрафт аз қазия пешниҳод карда мешаванд. Агар ин нуктаро бо як ҷумла баён намоем, метавон гуфт, аз таҳлилҳои иқдомоти созандаи Президенти Ҷумҳурии Тоҷикистон муҳтарам Эмомалӣ Раҳмон бояд чунин натиҷагирӣ кард, ки онҳо босамар, мубрам ва прагматикӣ мебошанд. Ин нуктаро зимни суҳбат бо мухбири АМИТ «Ховар» олими шарқшиноси тоҷик, коршиноси равобити байналмилалӣ Муҳаммадӣ Сафолзода иброз дошт.

Мавсуф зикр намуд, ки арзишҳои стратегияҳои сиёсати хориҷии Ҷумҳурии Тоҷикистон, ки аз ҷониби Сарвари давлати Тоҷикистон муҳтарам Эмомалӣ Раҳмон иброз гаштаанд, дар он зоҳир мегарданд, ки онҳо дар баробари асосҳои консептуалӣ ва усулҳои ҳамбастагӣ  ба тамоми давлатҳо, пеш аз ҳама, ба робитаҳои созанда бо кишвари Афғонистон равона карда шудаанд. Дар он кишвар мардуми азияткашидаи он ба сулҳ ва суботи деринтизор зарурати бештар доранд.

«Воқеаҳои охири солҳои 90-уми асри гузашта, ки ба барқарории сулҳ ва субот дар Ҷумҳурии Тоҷикистон иртибот доранд ва он сулҳи деринтизор таҳти унвони “Созишномаи умумии истиқрори сулҳ ва ризоияти миллӣ дар Тоҷикистон”, ки 27 июни соли 1997 дар шаҳри Москва ба имзо расидааст, аз ҷумлаи пояҳои бунёдиеанд, ки дар заминаи ҷараёни суратгирифтаи онҳо усулҳо ва асосҳои консептуалии стратегияи сиёсати хориҷии кишвар таҳким ёфтаанд ва маҷмуан, бо ном ва кору пайкори Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон тавъам мебошанд. Маҳз ҳамин иқдомҳо буданд, ки сабаби боло рафтани имиҷи байналмилалии мамлакат ва ҷалби фаъолонаи вай дар чаҳорчӯби созмонҳои минтақавӣ ва байналмилалӣ вобаста ба ҳалли масъалаҳо ва қазияҳои сатҳи ҷаҳонӣ гаштанд»,-тазаккур дод ӯ.

Мавриди зикр аст, ки дар баробари ҳамкории башарӣ-иқтисодӣ, Сарвари давлати Тоҷикистон ба ҷалби таваҷҷуҳи ҷомеаи байналмилалӣ ба қазияи Афғонистон таваҷҷуҳи махсус равона месозанд. Дар робита ба ин, дар баромадҳо ва иқдомоти созандаи Сарвари давлати Тоҷикистон Эмомалӣ Раҳмон, ки аз минбарҳои баланди созмонҳои бонуфузи байналмилалӣ, ба мисли СММ, САҲА, СҲИ сурат мегиранд, аз ҷомеаи байналмилалӣ даъват ба амал оварда мешавад, то дар ҳалли қазияи Афғонистон таваҷҷуҳи бештар зоҳир намоянд.

«Бо ибтикороти Президенти Тоҷикистон муҳтарам Эмомалӣ Раҳмон маҳз бо такя ба мушкилоти мавҷудаи Афғонистон ва таҳлили фарогири вазъ дар ин кишвар», иқдомоти ҷустуҷӯи роҳҳо ва усулҳои нави бурунрафт аз қазия пешниҳод карда мешаванд. Агар ин нуктаро бо як ҷумла баён намоем, метавон гуфт, ки аз таҳлилҳои иқдомоти созандаи Президенти Ҷумҳурии Тоҷикистон муҳтарам Эмомалӣ Раҳмон бояд чунин натиҷагирӣ кард, ки онҳо босамар, мубрам ва прагматикӣ мебошанд», — изҳор дошт коршинос.

Олими тоҷик  ҳамчунин гуфт, ки хизматҳои бузурги Сарвари давлати Тоҷикистон Эмомалӣ Раҳмон баҳри қатъи ҷанги шаҳрвандӣ ва барқарор намудани сулҳи фарогир дар арсаи байналмилалӣ бориз арзёбӣ мегардад. Ҷумҳурии Тоҷикистон ба шарофати сиёсати мутавозин ва дақиқ санҷидашудаи «дарҳои кушод» дар баробари дӯстони анъанавӣ ва шарикони худ теъдоди зиёди кишварҳо ва созмонҳоро ба самти фазои ҳамкорӣ ҷалб кард. То ба имрӯз тақрибан 150 кишвари ҷаҳон Тоҷикистонро ба таври расмӣ шинохта, бо 130-тои он  равобити дипломатӣ барқарор карда шудааст. Сиёсати «дарҳои кушод» ба Тоҷикистон имкон дод, ки мавқеи худро дар сафҳои ҷомеаи байналмилалӣ тавсеа ва таҳким бахшад, дар ҷустуҷӯи қазияҳои сатҳи ҷаҳонӣ ҳамкорӣ ва иштирок намояд, ба таври фаъол ва самарабахш бо аксарияти мамлакатҳои ҷаҳон бо дарназардошти манофеи миллии худ ҳамкории мутақобила ба роҳ монда, айни замон тавозуни манфиатҳои худ ва умумиро дар сиёсати хориҷӣ таъмин созад.

АКС аз бойгонии  АМИТ «Ховар»

Ноябрь 16, 2021 08:17

Хабарҳои дигари ин бахш

ДАР ТОҶИКИСТОН СУРЪАТИ ЭМГУЗАРОНӢ АЗ КОВИД-19-РО АФЗОИШ МЕДИҲАНД. Вале иҷрои нақша дар баъзе шаҳру ноҳияҳои мамлакат дар сатҳи паст қарор дорад
Рустам Ҳайдаров: Паёми Президенти Тоҷикистон дар шароити мураккаби геополитикӣ ва геоиқтисодии ҷаҳони имрӯза ҳуҷҷати роҳнамост
Зубайдулло Давлатов, коршиноси масоили сиёсӣ: Паёми навбатии Пешвои миллат фарогири як пешниҳод, як нақшаи чорабиниҳо, як барнома, ду стратегия, ду консепсия ва даҳ супориш аст
Ба Тоҷикистон боз 2 миллиону 962 ҳазору 800 воя ваксинаи «КоронаВак» ворид гардид
ДАР ҲОШИЯИ ПАЁМИ ПРЕЗИДЕНТ. Ҳукумати ҷумҳурӣ дар якҷоягӣ бо БРСММ оид ба рушди малакаи касбии ҷавонон ва пешбурди инноватсия дар Тоҷикистон лоиҳаи нав оғоз менамояд
Имшаб ба Тоҷикистон 2 миллиону 900 ҳазор воя ваксинаи «КоронаВак» ворид мегардад
Шумораи гирифторони COVID-19 дар ҷаҳон аз 276 миллион нафар гузашт
«ДИПЛОМ МЕДИҲЕМ, ВАЛЕ КАЛЛАҲО ХОЛӢ…». Пешвои миллат Эмомалӣ Раҳмон таъкид намуданд, ки бояд аз шакли кӯҳнаи таҳсил даст кашид ва таълимро ба талаботи замони муосир мутобиқ гардонид
Президенти мамлакат Эмомалӣ Раҳмон: «Ягона роҳи муассири эмин мондан аз бемории КОВИД-19 эмгузаронӣ мебошад»
ИМРӮЗ – РӮЗИ ЭНЕРГЕТИКҲО. Тоҷикистон аз рӯи фоизи истеҳсоли «энергияи сабз» кишвари шашуми пешсафи сайёра мебошад
Президенти Тоҷикистон Эмомалӣ Раҳмон таъсиси ҳукумати фарогири манфиатҳо ва намояндагони ҳамаи қавму миллатҳоро дар Афғонистон бори дигар таъкид намуданд
Эмомалӣ Раҳмон: «Аз 1 июли соли 2022 музди меҳнати кормандони мақомоти ҳокимият ва идоракунии давлатӣ 20 фоиз зиёд карда шавад»