Конститутсияи Тоҷикистон иродаи олии халқ,- бардошт аз конференсия дар Кумитаи кор бо ҷавонон ва варзиш
ДУШАНБЕ, 05.11.2021 /АМИТ «Ховар»/. Бахшида ба Рӯзи Конститутсияи Ҷумҳурии Тоҷикистон имрӯз бо ташаббуси Кумитаи кор бо ҷавонон ва варзиши назди Ҳукумати мамлакат таҳти унвони «Конститутсияи Ҷумҳурии Тоҷикистон- иродаи халқ дар роҳи давлатсозии миллӣ» Конференсияи ҷумҳуриявии амалию назариявӣ баргузор шуд.
Дар конференсияи мазкур Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Абдулло Раҳмонзода иброз дошт, ки мо насли ҷавони мамлакат ифтихорманд аз онем, ки бо ҳидоятҳои хирадмандонаи Пешвои миллат муҳтарам Эмомалӣ Раҳмон халқи тоҷик 6 ноябри соли 1994 санади тақдирсози миллӣ- Конститутсияи Ҷумҳурии Тоҷикистонро бори аввал тариқи раъйпурсии умумихалқӣ қабул намуд. Имрӯз бо итминон метавон гуфт, ки Конститутсияи Тоҷикистон иродаи олии халқ дар роҳи бунёди давлати навини миллат аст.
«Пешвои миллат муҳтарам Эмомалӣ Раҳмон иброз доштаанд, ки «халқе, ки дар замираш бунёдкориву созандагӣ сабт шудааст, ба ояндаи нек умед баста метавонад. Конститутсияи кишвари мо аз замири халқ рӯидааст ва он моро ба ояндаи нек роҳнамоӣ мекунад». Воқеан, вақт собит намуд, ки Конститутсияи давлати мо ифодагари орзуву ормони чандҳазорсолаи мардуми тоҷик буда, дар меъёрҳои он рӯҳияи чандинасраи миллӣ инъикос ёфтаанд. Зеро ин санади олии давлатдорӣ аз фарҳанги пурғановату таърихи қадимаи миллат сарчашма гирифтааст»,- гуфт Абдулло Раҳмонзода.
Ҳамчунин дар ҳавоиш зикр шуд, ки Пешвои миллат муҳтарам Эмомалӣ Раҳмон моҳияти сиёсию иҷтимоӣ ва таърихии Конститутсияро чун ҳуҷҷати тақдирсози миллат ба хубӣ дарк карда, онро сарчашма ва бақои давлату миллат арзёбӣ карданд. Аз ҷумла, 23 апрели соли 2014 дар Паёми худ ба Маҷлиси Олии Ҷумҳурии Тоҷикистон бори дигар таъкид намуданд, ки «Конститутсия барои аз байн бурдани хатаре, ки ба истиқлолияти давлатӣ таҳдид мекард, шароити зарурии ҳуқуқӣ муҳайё карда, барои аз нобудӣ наҷот додани давлати тозаистиқлоли тоҷикон ва аз парокандагӣ раҳоӣ бахшидани миллати тоҷик асос гузошт. Ҷиҳати расидан ба Ваҳдати миллӣ таҳкурсии устувор гардид ва дар он марҳалаи ҳассоси таърихӣ барои гузоштани асосҳои аркони давлатдории тоҷикон нақши тақдирсозу ҳалкунанда бозид».
Конститутсияи Ҷумҳурии Тоҷикистони соҳибистиқлол дар дебочаи худ халқи Тоҷикистонро қисми ҷудонашавандаи ҷомеаи ҷаҳон эълон намуда, масъулияти таърихии онро дар назди наслҳои гузаштаву имрӯза ва оянда муайян намуд. Мақсади таърихии худро дар баробари таъмини соҳибихтиёрии давлати худ ва рушду камоли он, муқаддас донистани озодӣ ва ҳуқуқи ҳар шахс, таъмин ва кафолати баробарӣ ва дӯстии тамоми хадқу миллатҳо, инчунин аз бунёди ҷомеаи адолатпарвар арзёбӣ намуд.
Ҳамчунин раиси Кумита оид ба тартиботи ҳуқуқӣ, мудофиа ва амнияти Маҷлиси намояндагони Маҷлиси Олии Ҷумҳурии Тоҷикистон Рустам Шоҳмурод, муовини директори Маркази миллии қонунгузории назди Президенти Ҷумҳурии Тоҷикистон Фарҳод Маҳмадшозода доир ба ҷанбаҳои сиёсиву ҳуқуқӣ ва таърихи Конститутсияи Ҷумҳурии Тоҷикистон ибрози андеша намуданд.
АКСҲО аз Кумитаи кор бо ҷавонон ва варзиш
«МАКТАБИ МОДАРОН». Дар шаҳру ноҳияҳои вилояти Хатлон ҳамоиши тарғиботӣ доир мегардад
Дар шаҳри Хоруғ ҷашни Сада бо русуми аҷдодӣ таҷлил гардид
3 феврал дар Кумитаи меъморӣ ва сохтмон, Агентии назорати маводи нашъаовар, Агентии «Тоҷикстандарт» ва корхонаи «Тоҷиксуғурта» нишасти матбуотӣ баргузор мегардад
Имрӯз дар Тоҷикистон ҳаво абрнок мешавад
Имрӯз дар Вазорати маориф ва илм, Кумитаи рушди маҳал, Кумитаи дин, танзими анъана ва ҷашну маросим ва Маркази миллии қонунгузорӣ нишасти матбуотӣ баргузор мегардад
Байни Институти илмӣ-тадқиқотии сайёҳӣ ва соҳибкорӣ ва Иттифоқи дӯстии Роҳи абрешим дар Тоҷикистон шартномаи ҳамкорӣ ба имзо расид
Ҳавопаймо дар наздикии фурудгоҳи Вашингтон ба дарё афтод
Имрӯз дар Тоҷикистон ҳавои бебориш пешгӯӣ мешавад
ҚОНУНИ ТАНЗИМИ ТОҶИКИСТОН-НАМУНА БАРОИ ИБРАТ. Дар Қирғизистон барои исрофкорӣ дар тӯю маросими дафн ҷарима ситонида мешавад
