Кумитаи ҳифзи муҳити зист ба оилаҳои камбизоати ноҳияи Мурғоб 200 тонна ангиштсанг кумак расонд
ХОРУҒ, 03.11.2021 /АМИТ «Ховар»/. Кумитаи ҳифзи муҳити зисти назди Ҳукумати Ҷумҳурии Тоҷикистон ба оилаҳои камбизоати ноҳияи Мурғоб барои муътадил сипарӣ намудани фасли зимистон 200 тонна ангиштсанг кумак расонд, хабар медиҳад мухбири минтақавии АМИТ «Ховар».
Ин дастгирӣ на танҳо оилаҳои мазкурро аз сармои шадид дур нигоҳ медорад, балки аз сӯи дигар, ягона растании ин ноҳия бо номи терескенро аз нобудшавӣ наҷот медиҳад. Решаи растании терескен то ба якуним метр ба умқи замин меравад ва ҳангоми бориш заминро аз шусташавӣ ва лағзиш нигоҳ медорад. Дар сурати мавҷуд набудани ангиштсанг сокинони ноҳия маҷбур мешаванд, ки хонаи худро бо ин намуди растанӣ гарм кунанд.
Раиси ноҳия Ҳусния Раҷабзода бо изҳори сипос аз Кумитаи ҳифзи муҳити зист барои чунин кумаки саривақтӣ гуфт, ки “зимистони ноҳия қариб ҳафт моҳ давом мекунад ва дар баъзе аз деҳот сардии ҳаво 40-45 дараҷаро ташкил медиҳад. Мутобиқи Қарори Ҳукумати Ҷумҳурии Тоҷикистон «Дар бораи сари вақт омода намудани соҳаҳои иқтисодиёт ва иҷтимоиёти шаҳру ноҳияҳои мамлакат барои фаъолияти мунтазам ва самарабахш дар давраи тирамоҳу зимистони солҳои 2021-2022» ҳамаи муассисаҳои таълимию тандурустӣ ва фарҳангии ноҳия ба қадри имкон бо маводи сӯхт таъмин гардида, маъракаи захиракунии ангиштсанг ва ҳезум то даҳаи якуми моҳи ноябр ба охир мерасад. Кумитаи ҳифзи муҳити зист тасмим гирифтааст, ки боз ҳамин миқдор ангиштсанро ба ноҳия интиқол диҳад”.
Мурғоб яке баландтарин ва сардтарин ноҳияҳои Ҷумҳурии Тоҷикистон буда, 3600 метр аз сатҳи баҳр баланд аст ва сардии ҳаво дар водии Булункӯли он то 50 дараҷа поин мефурояд.
Пас аз таъмиру таҷдиди Неругоҳи барқи обии «Тоҷикистон» иқтидори истеҳсоли неруи барқи он аз 450 то як ҳазору 400 киловатт соат расонида шуд. Ҳамчунин дар ин ноҳия бори нахуст дар кишвар неругоҳи офтобӣ бо тавоноии 200 киловат-соат мавриди баҳрабардорӣ қарор дода шуд, ки ба рушди муназзами иқтисод ва беҳтар гардидани сатҳи зиндагии сокинони ноҳия мусоидат намуд.
АКС: АМИТ «Ховар»
Дар Австралия истифодаи шабакаҳои иҷтимоӣ барои наврасони то 16-сола манъ карда шуд
Дар Тоҷикистон лоиҳа оид ба таъмини микронутриентҳо ва иловаҳои витаминӣ ба инсон амалӣ мешавад
Ҷаласаи шашуми Шурои иттифоқҳои касабаи давлатҳои Осиёи Марказӣ баргузор гардид
Оид ба таҳкими ҳамкории бисёрҷониба дар самти муқовимат бо ҷалби ҷавонон ба гурӯҳҳои мухталифи хатарзо конференсияи байналмилалӣ доир шуд
Ҳар сол дар баъзе мавзеъҳои Бадахшон то 150 ҳолати фаромадани тарма сабт мешавад
Дар Тоҷикистон ҷарроҳони чинӣ кӯдакону наврасонро аз ташхиси ройгон гузарониданд
Дар вилояти Хатлон давоми ду рӯз бо иштироки Сарвазири Тоҷикистон беш аз 30 иншооти таъйиноти гуногун ифтитоҳ карда шуд
Тоҷикистон ва Амрико ҳамкориро дар соҳаи тандурустӣ ва ҳифзи иҷтимоӣ густариш медиҳанд
Дар ноҳияҳои Темурмалик, Восеъ, Шамсиддини Шоҳин ва шаҳри Кӯлоб бо иштироки Сарвазири Тоҷикистон иншооти таъйиноти гуногун ифтитоҳ гардид
Дар Душанбе даври ниҳоии Озмуни ҷумҳуриявии «Малакаи касбӣ» оғоз гардид
Дар Тоҷикистон барои муайян кардани иллатҳои ирсии модарзод табодули таҷриба анҷом дода шуд
МАСЛИҲАТИ МУТАХАССИС. Барои бо ангишт гарм кардани хонаҳо аз бухории махсус бояд истифода намуд
