Маъракаи иммунизатсия бар зидди бемории COVID-19 дар Тоҷикистон 51,1% иҷро гардид

Ноябрь 27, 2021 15:28

ДУШАНБЕ, 27.11.2021. /АМИТ «Ховар»/. Шумораи мақсадноки аҳолӣ, ки дар Тоҷикистон бояд бо ваксинатсия бар зидди сирояти коронавируси нави COVID-19 фаро гирифта шаванд, 5 миллиону 826 ҳазору 301 нафар мебошанд, ки аз ин шумора то санаи 27 ноябри соли равон 2 миллиону 977 ҳазору 282 нафар (51,1%) шаҳрвандони мамлакат бар зидди сирояти мазкур ваксина гирифтаанд. Инчунин, вояи дуюми ваксинаро то санаи зикргардида дар ҳудуди мамлакат 2 миллиону 578 ҳазор нафар (43,3%) гирифтаанд. Дар ин бора АМИТ «Ховар» бо истинод ба Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттило медиҳад.

Боиси хушнудист, ки шумораи мақсадноки аҳолӣ дар пойтахти кишвар-шаҳри Душанбе бо вояҳои якум ва дуюм пурра ба ваксинатсия зидди бемории коронавируси нави COVID-19 фаро гирифта шудаанд.

Ҳамин тавр, то ба ҳолати 26 ноябри соли равон аз рӯи шумораи мақсадноки аҳолӣ дар вилояти Хатлон 45,8% бо вояи якум ва бо вояи дуюм 37,5%, вилояти Суғд 43,8% бо вояи якум ва бо вояи дуюм 34,2%, ВМКБ 67,8% бо вояи якум ва бо вояи дуюм 64,9%, ноҳияҳои тобеи ҷумҳурӣ 43,0% бо вояи якум ва бо вояи дуюм 36,9% шаҳрвандон бо ваксинатсия зидди бемории COVID-19 фаро гирифта шудаанд.

Мутаассифона, дар кишвар бархе вилоятҳо ва шаҳру ноҳияҳое низ ба мушоҳида мерасанд, ки дар самти иҷроиши нақшаи бо ваксинатсия зидди сирояти коронавирус фаро гирифтани шаҳрвандон нишондоди хуб надоранд.

Махсусан, дар миёни вилоятҳо вилояти Суғд дар самти иҷроиши нақшаи мазкур аз рӯйи фоиз дар сатҳи поён қарор дорад.

Инчунин, иҷроиши нақшаи бо иммунизатсия бар зидди сирояти коронавируси нави COVID-19 фаро гирифтани шаҳрвандон аз рӯи шумораи мақсадноки аҳолӣ дар шаҳру ноҳияҳои Ҳисор, Ваҳдат, Турсунзода, Исфара, Конибодом, Панҷакент, Истаравшан, Рашт, Нуробод, Рӯдакӣ, Кушониён, Вахш, Ҷамолиддин Балхӣ, Абдураҳмони Ҷомӣ, Восеъ, Кӯлоб, Фархор, Ҳамадонӣ ва Масчоҳ дар сатҳи паст қарор дорад.

Дар ҳамин замина, Вазорати тандурустӣ ва ҳифзи иҷтимоии аҳолии Ҷумҳурии Тоҷикистон аз сокинони даъват ба амал меорад, ки дар гирифтани вояҳои ваксинаи зидди сирояти коронавирус фаъол бошанд, зеро, ягона роҳе, ки аҳолии кишварро метавонад аз гирифторӣ ба сирояти коронавирус эмин нигоҳ дорад, ин гирифани ваксинаи зидди COVID-19 шумор меравад.

АКС аз бойгонии АМИТ «Ховар»

Ноябрь 27, 2021 15:28

Хабарҳои дигари ин бахш

ДАР ТОҶИКИСТОН СУРЪАТИ ЭМГУЗАРОНӢ АЗ КОВИД-19-РО АФЗОИШ МЕДИҲАНД. Вале иҷрои нақша дар баъзе шаҳру ноҳияҳои мамлакат дар сатҳи паст қарор дорад
Роҳбари СҶТ Гебрейесус: Соли 2022 бояд анҷоми пандемияи COVID-19 гардад
Рустам Ҳайдаров: Паёми Президенти Тоҷикистон дар шароити мураккаби геополитикӣ ва геоиқтисодии ҷаҳони имрӯза ҳуҷҷати роҳнамост
Зубайдулло Давлатов, коршиноси масоили сиёсӣ: Паёми навбатии Пешвои миллат фарогири як пешниҳод, як нақшаи чорабиниҳо, як барнома, ду стратегия, ду консепсия ва даҳ супориш аст
Ба Тоҷикистон боз 2 миллиону 962 ҳазору 800 воя ваксинаи «КоронаВак» ворид гардид
ДАР ҲОШИЯИ ПАЁМИ ПРЕЗИДЕНТ. Ҳукумати ҷумҳурӣ дар якҷоягӣ бо БРСММ оид ба рушди малакаи касбии ҷавонон ва пешбурди инноватсия дар Тоҷикистон лоиҳаи нав оғоз менамояд
Имшаб ба Тоҷикистон 2 миллиону 900 ҳазор воя ваксинаи «КоронаВак» ворид мегардад
Шумораи гирифторони COVID-19 дар ҷаҳон аз 276 миллион нафар гузашт
«ДИПЛОМ МЕДИҲЕМ, ВАЛЕ КАЛЛАҲО ХОЛӢ…». Пешвои миллат Эмомалӣ Раҳмон таъкид намуданд, ки бояд аз шакли кӯҳнаи таҳсил даст кашид ва таълимро ба талаботи замони муосир мутобиқ гардонид
Президенти мамлакат Эмомалӣ Раҳмон: «Ягона роҳи муассири эмин мондан аз бемории КОВИД-19 эмгузаронӣ мебошад»
СҶТ истисно намекунад, ки штамми «омикрон» барои мағлуб кардани пандемия кумак хоҳад кард
ИМРӮЗ – РӮЗИ ЭНЕРГЕТИКҲО. Тоҷикистон аз рӯи фоизи истеҳсоли «энергияи сабз» кишвари шашуми пешсафи сайёра мебошад