Рустам Ҷабборов барои таҳия ва эҷоди филмномаи «Ҷомӣ ва Навоӣ» ба Душанбе омад
ДУШАНБЕ, 09.11.2021 /АМИТ «Ховар»/. 8 ноябр вобаста ба таҳия ва эҷоди барномаи филми ҳунарии таърихии «Ҷомӣ ва Навоӣ» сенариянависи Ҷумҳурии Узбекистон Рустам Ҷабборов ба шаҳри Душанбе омад. Имрӯз мавсуф дар Муассисаи давлатии «Тоҷикфилм» бо роҳбарияти он, аҳли эҷод ва олимону донишмандони мамлакат мулоқот анҷом дод, ки зимни он масъалаҳои марбут ба эҷоди филмномаи «Ҷомӣ ва Навоӣ» баррасӣ шуданд, хабар медиҳад АМИТ «Ховар» бо истинод ба МД «Тоҷикфилм».
То ба имрӯз миёни гурӯҳҳои кории Тоҷикистону Узбекистон доир ба таҳия ва эҷоди ин филмномаи таърихӣ се маротиба вохӯриҳои маҷозӣ баргузор гардиданд, ки зимни онҳо доир ба зарурат, аҳамият, хусусияти вижа ва ғояи асосии филм табодули афкор сурат гирифт.
Мавриди зикр аст, ки гурӯҳи кории Ҷумҳурии Тоҷикистон иборат аз олимону донишмандони Академияи миллии илмҳои Тоҷикистон ва аҳли эҷоди Муассисаи давлатии «Тоҷикфилм» аз 10 то 15 сентябри соли 2021 барои аз наздик дидор намудан ва амиқ мавриди баррасию омӯзиш қарор додани масъалаи эҷоди сенарияи филми ҳунарии таърихии «Ҷомӣ ва Навоӣ» ба шаҳри Тошканди Ҷумҳурии Узбекистон сафар намуда буд.
Ғояи асосии филми таърихию ҳунарии «Ҷомӣ ва Навоӣ» бояд пеш аз ҳама, бозгӯйи муҳаббату самимияти ду миллати бузург дар мисоли ду чеҳраи адабиву ирфонӣ Мавлоно Абдураҳмони Ҷомӣ ва Мир Алишери Навоӣ, инчунин таҷассумгари ташаккул ва таҳаввули дӯстию бародарии ду миллати ҳамсоя дар масири таърих бошад.
АКС аз МД «Тоҷикфилм»
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир гардид
«РАҚС МОРО МУТТАҲИД МЕНАМОЯД». Таҳти чунин унвон дар Тоҷикистон фестивали байналмилалӣ доир мегардад
Дар ноҳияи Айнӣ бахшида ба зодрӯзи Қаҳрамони Тоҷикистон Садриддин Айнӣ ҳамоиши илмӣ-адабӣ баргузор гардид
ИМРӮЗ — ЗОДРӮЗИ САДРИДДИН АЙНӢ. Осори Устод Айнӣ ҳамчун сарчашмаи муҳими илмӣ ва фарҳангӣ истифода мешавад
АЙНИШИНОСЕ ПУРТАЛОШ АЗ КИШВАРИ ҲАМЗАБОН. Эҳдо ба зодрӯзи сардафтари адабиёти муосири тоҷик Садриддин Айнӣ
ИҚТИСОДИ РАҚАМӢ ВА ИННОВАТСИЯ. Дар самти рақамикунонии ёдгориҳои таърихию фарҳангӣ ҳамоиш доир шуд
«ДИДОР». Бахшида ба 35-солагии Истиқлоли давлатӣ намоиши мусаввараҳои нодир ифтитоҳ ёфт
Рӯзҳои фарҳанги Тоҷикистон дар Беларус доир мегарданд
СИМПОЗИУМИ БАЙНАЛМИЛАЛИИ ХУТАЛИ ҚАДИМ. Он таърих ва фарҳанги бостонии халқи тоҷикро ба ҷаҳониён муаррифӣ менамояд
Дабири кулли СААД дар Осорхонаи миллӣ бо таъриху тамаддуни тоҷикон шинос шуд
Дар шаҳри Бӯстон даври шаҳрии Фестивал-озмуни ҷумҳуриявии «Як матову сад ранг» баргузор гардид
Дар шаҳри Душанбе бо мақсади муаррифии дастовардҳои Тоҷикистон дар самти эҳёи ёдгориҳои таърихӣ ҳамоиш доир шуд
