Шералӣ Мирзо дар ҷаласаи Шӯрои вазирони мудофиаи кишварҳои узви ИДМ иштирок намуд
ДУШАНБЕ, 11.11.2021 /АМИТ «Ховар»/. Вазири мудофиаи Ҷумҳурии Тоҷикистон, генерал-полковник Шералӣ Мирзо дар ҷаласаи Шӯрои вазирони мудофиаи кишварҳои узви Иттиҳоди Давлатҳои Мустақил, ки 10 ноябр дар шаҳри Москва доир шуд, иштирок намуд. Дар ин бора АМИТ «Ховар» бо истинод ба Хадамоти матбуоти Кумитаи иҷроияи ИДМ хабар медиҳад.
Дар ҷаласа инчунин Раиси Шӯрои вазирони мудофиаи давлатҳои иштирокчии ИДМ, Вазири мудофиаи Русия Сергей Шойгу, Вазири мудофиаи Ҷумҳурии Озарбойҷон Зокир Гасанов, вазири мудофиаи Ҷумҳурии Арманистон Аршак Карапетян, вазири мудофиаи Ҷумҳурии Беларус Виктор Хренин, вазири дифои Ҷумҳурии Қазоқистон Мурат Бектанов, вазири мудофиаи Ҷумҳурии Қирғизистон Бактибек Бекболотов, вазири мудофиаи Туркманистон Бегенч Гундогдиев, вазири мудофиаи Ҷумҳурии Узбекистон Баҳодир Қурбонов, Раиси Кумитаи иҷроияи ИДМ Сергей Лебедев, мушовири Шӯрои вазирони дифои давлатҳои иштирокчии ИДМ Юрий Дашкин иштирок доштанд.
Тибқи рӯзномаи ҷаласа, маҷмӯи масъалаҳои рушди ҳамкории дуҷониба дар самти мудофиа ва бехатарӣ баррасӣ карда шуд.
Сардорони хадамоти низомӣ оид ба масоили ҳолати сиёсӣ-низомии ҷаҳон ва таъсири он ба бехатарии кишварҳои иштирокчии ИДМ табодули назар карданд. Таваҷҷуҳи хоса ба 30 соли таҷрибаи ҳамкорӣ дар ИДМ ва дурнамои рушди он дода шуд.
Иштирокдорони нишаст иттилоотро оид ба рушди системаҳои ҳамкории низомии вазоратҳои мудофиаи кишварҳои иштирокчии ИДМ дар самти таълимоти ҳарбӣ ва омода намудани кадрҳо, дар бораи хулосаи бозиҳои артишии байналмилалӣ-2021 ва баландбардории сатҳи касбияти низомиён, оид ба иштироки Қувваҳои мусаллаҳи Ҷумҳурии Беларус дар рушди муштараки системаи алоқаи қувваҳои мусаллаҳи кишварҳои Иттиҳод, инчунин вобаста ба гузаронидани машқҳои омӯзишии гурӯҳии компютерии ситоди низомии муштараки зиддиҳавоии кишварҳои узви ИДМ «Амнияти минтақавӣ — 2022» шуниданд.
Вазирони мудофиа ҷиҳати ба Академияи низомӣ-ҳавоии Русия ба номи профессор Н.Е.Жуковский ва Ю.А.Гагарин додани мақоми ташкилоти марказии кишварҳои иштирокчии ИДМ дар самти омода кардани кадрҳои низомӣ барои қувваҳои низомии ҳавоӣ қарор қабул карданд.
Роҳбарони вазоратҳои мудофиа фаъолияти муштараки системаи дифои ҳавоии кишварҳои узви Иттиҳоди Давлатҳои Мустақил дар соли 2022-ро тасдиқ намуда, ҳамчунин тасмим гирифтанд, ки медали «Барои саҳм дар таҳкими сулҳ» таъсис дода шавад.
Ба ғайр аз ин иштирокчиён нақшаи кори Шӯрои вазирони мудофиаи кишварҳои иштирокчии ИДМ-ро барои солҳои 2022 муайян намуда, якчанд қарорҳо қабул намуданд.
АКСҲО: хадамоти матбуоти Кумитаи ҷроияи ИДМ
Дар шаҳри Бӯстон мулоқоти гурӯҳҳои кории ҳайатҳои ҳукуматии Тоҷикистон ва Қирғизистон баргузор гардид
«МУШКИЛОТИ МУБОРИЗА БО ҶИНОЯТКОРӢ ДАР ФАЗОИ АВРУОСИЁ». Таҳти чунин унвон дар Душанбе конфронси байналмилалӣ доир шуд
Байни Тоҷикистон ва Иёлоти Муттаҳидаи Амрико Ёддошти тафоҳум оид ба ҳамкорӣ дар бораи татбиқи Низоми ҳифзшудаи муқоисавӣ ба имзо расид
Байни Ҳукумати Ҷумҳурии Тоҷикистон ва Ҳукумати Малайзия Шартнома дар бораи ёрии мутақобилаи ҳуқуқӣ оид ба парвандаҳои ҷиноятӣ ба имзо расид
Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон хабар медиҳад
Бахшида ба Рӯзи кормандони ҳифзи сирри давлатӣ озмоишгоҳи ҳифзи техникии иттилоот ва бахши хизматрасонии техникӣ ифтитоҳ ёфт
Дар шаҳри Фарғона мулоқоти роҳбарони хадамоти махсуси Қирғизистон, Тоҷикистон ва Узбекистон баргузор гардид
Бо мақсади таъмини ҳифзи сирри давлатӣ ва ҳифзи техникии иттилоот дар Тоҷикистон ҳамоиш доир шуд
Даъвати баҳорӣ ба Артиши миллӣ бо эҳсоси баланди ватандӯстӣ идома дорад
Вохӯрии навбатии гурӯҳҳои кории ҳайатҳои ҳукуматии Тоҷикистон ва Қирғизистон баргузор гардид
Ҳамкории мақомоти корҳои дохилии Тоҷикистон ва Италия тақвият меёбад
ДАЪВАТИ БАҲОРИИ ШАҲРВАНДОН. Ин маъракаи муҳими сиёсӣ дар шаҳру ноҳияҳои Тоҷикистон муташаккилона идома дорад
