«Соро компания» ғолиби Лигаи касбии футзали Тоҷикистон-2021 гардид

ДУШАНБЕ, 01.11.2021 /АМИТ «Ховар»/. Дастаи  футзали «Соро компания»-и шаҳри  Душанбе ғолиби Лигаи касбии футзали Тоҷикистон-2021 гардид. Дастаи  мазкур  маротибаи сеюм унвони чемпиони Тоҷикистонро сазовор шуд. «Соро компания» қаблан солҳои 2018 ва 2019 сазовори медалҳои тилло шуда буд, иттилоъ медиҳад шореҳи варзиши АМИТ «Ховар» бо истинод ба Федератсияи футболи Тоҷикистон.       

Дастаи   футзали  «Соро компания»-и шаҳри  Душанбе дар бозии панҷуми даври финалӣ бар дастаи   «Сипар»-и  шаҳри Хуҷанд бо ҳисоби 2:1 пирӯз шуд. Голҳои дастаи  ғолибро Файзалӣ Сардоров ва Пайрав Воҳидов ба нишон расониданд.

Медалҳои нуқраи Лигаи касбии футзали Тоҷикистон-2021 насиби футболбозони «Сипар»-и шаҳри Хуҷанд  ва медалҳои биринҷӣ насиби дастаи  «Пойтахт»  гардид.

                                                                               АКС: Федератсияи футболи Тоҷикистон