ТАСС: Вазорати маориф ва илми Тоҷикистон ба Русия пешниҳод намудааст, ки китобҳои дарсии забони русиро ба мактабҳо мутобиқ созад
ДУШАНБЕ, 11.11.2021. /АМИТ «Ховар»/. Муовини аввали Вазири маориф ва илми Ҷумҳурии Тоҷикистон Муҳаммаддовуд Саломиён ба ҳамкорони рус пешниҳод кардааст, ки барои таҳия ва мутобиқсозии китобҳои дарсии забони русӣ барои мактабҳо ва донишгоҳҳои Тоҷикистон гурӯҳи корӣ таъсис диҳанд. Тавре хабаргузории ТАСС иттилоъ додааст, дар ин бора дар ҷараёни мизи мудаввар таҳти унвони “Вазъият ва дурнамои ҳамкории башардӯстона миёни Тоҷикистон ва Русия: маориф, илм, фарҳанг”, ки дирӯз, 10 ноябр тавассути видеоконфронс дар чаҳорчӯби Анҷумани ҳафтуми байнипарлумонии Тоҷикистон ва Русия баргузор шуд, пешниҳод манзур шудааст.
«Вазорати маориф ва илми Тоҷикистон пешниҳод мекунад, ки масъалаҳои дастрасии китобхонаҳои электронии мактабҳои Федератсияи Русия, инчунин дастрас намудани намунаҳои электронии китобҳои дарсӣ ба забони русӣ барои мутобиқсозӣ ва нашри минбаъдаи онҳо дар ҷумҳурӣ баррасӣ шаванд», — гуфт Саломиён.
Вай афзуд, ҳамчунин пешниҳод шудааст, ки як гурӯҳи кории дуҷониба оид ба мутобиқсозӣ ва таҳияи силсилаи маҷмӯаҳои таълимию методии забони русӣ барои низоми таҳсилоти умумии Тоҷикистон таъсис дода шавад. Муовини вазир тавзеҳ дод, ки дар Тоҷикистон 38 мактаби русӣ фаъолият мекунанд, 173 мактаб синфҳои русӣ доранд, барои онҳо китобҳо нашр шудаанд, ки аз ҷониби русшиносони маъруф, муаллифони Донишгоҳи Санкт-Петербург омода шудаанд ва курсҳои такмили ихтисос барои баланд бардоштани сатҳи тахассуси муаллимони забон ва адабиёти рус гузаронда мешаванд.
Ба гуфтаи ӯ, Вазорати маориф ва илм таҳияи барномаҳои муштараки таълимӣ миёни донишгоҳҳои омӯзгории Тоҷикистон ва Русияро ба мақсад мувофиқ медонад, ки метавонанд барои роҳандозии сатҳи баландтари муносибатҳо миёни кафедраҳои тахассусӣ замина фароҳам оваранд.
«Мо изҳори омодагии худро барои таҳияи барномаҳои дудипломӣ дар соҳаҳои педагогӣ изҳор менамоем», — хулоса кард муовини аввали вазир.
Дар ҳамин ҳол Саломиён таъкид намуд, ки низоми маорифи Тоҷикистон дар ҳолати ислоҳот қарор дорад. Мавсуф мушкилоти асосии системаи маорифро дар саросари ИДМ, ки дар натиҷаи равандҳои ҷаҳонишавӣ, аз қабили рушди технологияҳо, навоварӣ дар бархӯрдҳо ба раванди таълим ва равиши бисёрзинагӣ дар таълим ба вуҷуд омадаанд, зикр намуд.
АКС: Вазорати маориф ва илми Ҷумҳурии Тоҷикистон
Дар Душанбе ҳамкории илмии Академияи миллии илмҳои Тоҷикистон ва Донишгоҳи Акитаи Ҷопон баррасӣ шуд
Дар Донишгоҳи техникии Тоҷикистон даври аввали Озмуни ҷумҳуриявии «Илм-фурӯғи маърифат» баргузор шуд
Донишкадаи давлатии фарҳанг ва санъати Тоҷикистон бо 4 муассисаи таҳсилоти олии Узбекистон ҳамкорӣ мекунад
«ШОҲРОҲИ БУЗУРГИ АБРЕШИМ». Тоҷикистон барои иштирок дар ин намоиши байналмилалӣ омодагии ҷиддӣ мебинад
Дар Душанбе конференсияи ҷумҳуриявӣ оид ба ҳифзи ёдгориҳои таърихию фарҳангӣ доир гардид
Дар Душанбе бо иштироки олимону зиёиёни Тоҷикистон ва Узбекистон конференсияи байналмилалӣ баргузор шуд
Дар доираи Ҳафтаи илм оид ба мероси уран дар Осиёи Марказӣ конфронси байналмилалӣ баргузор гардид
ИМРӮЗ-РӮЗИ ҶАҲОНИИ ҲИФЗИ ЁДГОРИҲОИ ТАЪРИХИЮ ФАРҲАНГӢ. Дар Тоҷикистон зиёда аз 100 ёдгории таърихиву фарҳангӣ тармиму барқарор гардид
Дар Қасри фарҳанги ноҳияи Варзоб ба алоқамандони синамо филми ҳунарии «Таҳаввулот» намоиш дода шуд
Ҳамкории Академияи миллии илмҳои Тоҷикистон ва муассисаҳои илмии Чин густариш меёбад
Маърифати ҳуқуқӣ ва экологӣ — омили ободкориву созандагӣ. Эҳдо ба Рӯзи пойтахти Тоҷикистон
