4 нафар соҳибмулкон барои додани иҷозати воридшавии ноболиғон ба бозиҳои зараровари компютерӣ ҷаримабандӣ гардиданд

Декабрь 7, 2021 09:12

ДУШАНБЕ, 07.12.2021. /АМИТ «Ховар»/. Нисбат ба 4 нафар соҳибмулкони марказҳои компютерии шаҳри Душанбе, ки ба ноболиғон иҷозаи воридшавӣ ва машғул шудан ба бозиҳои зараровари компютериро додаанд, протоколҳои ҳуқуқвайронкунии маъмурӣ тартиб дода шуда, бо қарори суд ба  ҳар кадоме ҷазо дар намуди ҷарима ба андозаи 4 нишондиҳанда барои ҳисобҳо таъйин карда шуд, хабар медиҳад АМИТ «Ховар» бо истинод ба Раёсати Вазорати корҳои дохилӣ дар шаҳри Душанбе.

«Гарчанде маъмурони маркази компютерии пойтахт — Одинаев Бахтиёр Алишерович, соли таваллудаш  10.08.1995, истиқоматкунандаи шаҳри Душанбе, кӯчаи Амиршоев, Ҷумаев Афзалшоҳ Сайфуллоевич, соли  таваллудаш 24.11.1996, истиқоматкунандаи шаҳри Душанбе, кӯчаи Бадахшонб, Раҳимов Хушбахтҷон Комилович, соли  таваллудаш 26.04.1999, истиқоматкунандаиш шаҳри Душанбе кӯчаи Н.Қарабоев ва  Мирзораҳимов Азимҷон Абдуҷалолович, соли  таваллудаш 01.02.1999, истиқоматкунандаи шаҳри Душанбе, кӯчаи Нодира расман огоҳонида шуда бошанд ҳам хилофи қонунгузорӣ амал намуда, ба ноболиғон иҷозаи воридшавӣ ва машғул шудан ба бозиҳои зараровари компютериро додаанд»,-афзуд манбаъ.

Кормандони мақомоти милитсияи шаҳри Душанбе бо мақсади пешгирии воридшавии ноболиғон ба марказҳои бозиҳои компютерӣ ва сар задани ҳодисаҳои номатлуб ба таври ҳамешагӣ корҳои фаҳмондадиҳӣ ва рейду амалиётҳои санҷиширо роҳандозӣ намуда, ҳамзамон ба таври расмӣ маъмурон ва соҳибмулкони интернет-кафеҳо ҷиҳати роҳ надодани ноболиғон огоҳонида шудаанд. Вале мушоҳида ва натиҷаи рейдҳои санҷишӣ нишон медиҳанд, ки ҳанӯз ҳам баъзе аз соҳибмулкони марказҳои бозиҳои компютерӣ танҳо бо мақсади ба даст овардани маблағ монеи воридшавии ноболиғон нагардида, наврасонро ба интернет-кафе роҳ медиҳанд, ки дар натиҷа  онҳо вақти пурқиммати худро ба амалу кирдори ношоям сипарӣ намуда, дар дарсҳо иштирок намекунанд.

АКС: Раёсати Вазорати корҳои дохилӣ дар шаҳри Душанбе

Декабрь 7, 2021 09:12

Хабарҳои дигари ин бахш

«ИТТИҲОД-2022». Имрӯз маросими пӯшидашавии машқҳои муштарак миёни Узбекистон ва Тоҷикистон доир мегардад
Вобаста ба марги муҳоҷири меҳнатӣ дар шаҳри Москва: шарҳи Сафорати Тоҷикистон
Дабири кулли СММ башариятро аз афзоиши хатари яроқи ҳастаӣ ҳушдор дод
Ҳабибулло Воҳидзода: Дар ноҳияҳои наздисарҳадии Тоҷикистон бо Афғонистон беш аз се тонна маводи нашъаовар мусодира гардид
Ҷаласаи Кумитаи зиддитеррористии Шӯрои амнияти СММ дар Ҳиндустон баргузор мегардад
Чин моҳи август раёсати Шӯрои амнияти Созмони Милали Муттаҳидро бар уҳда мегирад
Нақши Тоҷикистон дар мубориза бо муомилоти ғайриқонунии маводи нашъаовар дар минтақа муҳим арзёбӣ шуд
НЭНСИ ПЕЛОСӢ БА ТАЙВАН ОМАД. Сафири ИМА ба Вазорати корҳои хориҷии Чин даъват шуд
ИМА изҳор доштанд, ки ҳаққи гузаронидани амалиёти зиддитеррористӣ дар Афғонистонро нигоҳ медоранд
АЗ-ЗАВОҲИРӢ ДАР АФҒОНИСТОН КУШТА ШУД. Байден амалиёти ИМА-ро барои нобуд кардани роҳбари «Ал-Қоида» комилан муваффақона хонд
АРТИШИ МАРДУМИИ ОЗОДИХОҲИ ЧИН 95-СОЛА ШУД. Имрӯз ҶМЧ солгарди таъсиси қувваҳои мусаллаҳашро таҷлил менамояд
Густариши ҳамкории Тоҷикистон ва Ҷопон доир ба мубориза бар зидди ҷинояткории фаромиллӣ баррасӣ гардид

Маводҳои таҳлилӣ