Далер Ҷумъа дар нишасти Шӯрои энергетикии барқи ИДМ ширкат намуд

Декабрь 30, 2021 12:20

ДУШАНБЕ, 30.12.2021 /АМИТ «Ховар»/.  28 декабр дар сиғаи  видеоконфронс нишасти 59-уми Шӯрои энергетикии барқи ИДМ (ШЭБ ИДМ) баргузор гардид, ки дар он Вазири энергетика ва захираҳои оби Тоҷикистон Далер Ҷумъа (ДАР АКС) ва дигар роҳбарони мақомоти миллии соҳаи энергетика ва ширкатҳои барқии кишварҳои узви ИДМ иштирок намуданд. Дар ин бора АМИТ «Ховар» бо истинод ба хадамоти матбуоти Кумитаи иҷроияи ИДМ хабар медиҳад.

Дар нишаст аъзои ШЭБ ИДМ аз Ҷумҳурии Озарбойҷон, Ҷумҳурии Арманистон, Ҷумҳурии Беларус, Ҷумҳурии Қазоқистон, Ҷумҳурии Қирғизистон, Федератсияи Русия, Ҷумҳурии Тоҷикистон, Туркманистон, Ҷумҳурии Узбекистон ширкат намуданд.

Аз ҷониби Кумитаи иҷроияи ИДМ дар ҷаласаи ШЭБ ИДМ директори департаменти ҳамкории иқтисодӣ Михаил Мискин, сардори раёсати сиёсати пуливу қарзӣ Аладдин Қулӣ-Зода ва мушовири департаменти ҳамкории иқтисодӣ Андрей Ивлиев ҳузур доштанд.

Нишастро Президенти ШЭБ ИДМ, Вазири энергетики Федератсияи Русия Николай Шулгинов роҳбарӣ намуд. Ӯ оид ба иқлим ва таъсири он ба иқтисодиёти кишварҳои узви ИДМ ҳарф зад.

Раиси Шӯрои ҳамоҳангсозӣ дар назди ШЭБ ИДМ Павел Сниккарс оид ба тавозуни ояндаи энергетикӣ маърӯза намуда, ҷонибдорӣ ва дастгириҳои Федератсияи Русияро ҷиҳати рушди манбаъҳои барқароршавандаи энергия ва нақшаҳои ҷорӣ намудани иқтидорҳои нави истеҳсолӣ махсус таъкид намуд.

Мавзӯи марказии мулоқот баҳси декарбонизатсияи соҳаи энергетика гардид. Дар нишаст зарурати таҳияи воситаҳои ҳавасмандгардонии декарбонизатсия ва идоракунии партофти партовҳои газҳои парникиро дар энергетикаи барқӣ баррасӣ намуданд. Изҳороти якҷояи аъзои ИДМ дар бораи рӯзномаи ҷаҳонии иқлим ва сиёсати имрӯзаи давлатҳои узви ИДМ дар соҳаи марбута қабул карда шуд.

Иштирокчиёни вохӯрӣ дурнамои ҳамкорӣ дар соҳаи гидроэнергетика ва эҳёи иқтидори сармоягузории маҷмуи захираҳои энергетикӣ дар Осиёи Марказиро баррасӣ карданд.

Як силсила ҳуҷҷатҳое, ки дар ҷараёни ҷаласаи Шӯрои ҳамоҳангсози ШЭБ ИДМ 15 декабри соли ҷорӣ омода шуда буданд, қабул шуданд.

Нишасти навбастии 60-уми ШЭБ ИДМ дар назар аст, ки моҳҳои май-июни соли 2022 дар Ҷумҳурии Қазоқистон дар шакли ҳузурӣ баргузор шавад.

АКС: Хадамоти матбуоти Кумитаи иҷроияи ИДМ

Декабрь 30, 2021 12:20

Хабарҳои дигари ин бахш

Масъалаҳои баргузории Форуми B5+1 дар Душанбе баррасӣ шуданд
Тоҷикистон ба Конвенсияи СММ оид ба мубориза бо биёбоншавӣ пешниҳод намуд, ки соли 2027 миссияи техникӣ ташкил карда шавад
Бо сабаби фаъолият накардани корхонаи «Хишти Тоҷикобод» сокинон ин масолеҳи сохтмониро аз Душанбе ва Ваҳдат бо роҳкирои гарон ворид менамоянд
Дар Минтақаи озоди иқтисодии «Ишкошим» ба маблағи беш аз 1 миллион сомонӣ кору хизматрасонӣ анҷом дода шуд
Дар доираи ҷаласаи 45-уми пленарии ГАО ҳамоиш баргузор гардид
Тоҷикистон барои мубориза бо тағйирёбии иқлим ва ҳифзи пиряхҳо иқдомҳои мушаххасро тақвият мебахшад
Душанбе мизбони конференсияи миллӣ ва Намоишгоҳи технологияҳои рақамӣ дар соҳаи кишоварзӣ мегардад
Тоҷикистон ва Озарбойҷон ҳамкориро дар соҳаи ҳифзи муҳити зист тақвият медиҳанд
Дар Душанбе ҷаласаи 45-уми пленарии ГАО оғоз шуд
Раванди татбиқи низоми электронии сертификатсияи фитосанитарӣ дар Тоҷикистон баррасӣ гардид
Ҳамкории Палатаи ҳисоби Тоҷикистон ва Додгоҳи ҳисоби Туркия густариш меёбад
«ПАРДОХТИ ЯГОНАИ КОММУНАЛӢ». Низоми нав пардохтро барои сокинон осонтар, равшантар ва шаффофтар мегардонад