Дар Душанбе доир ба сайёҳии ҷамоавӣ чун самти афзалиятноки рушди соҳа дар Тоҷикистон машварат доир шуд
ДУШАНБЕ, 02.12.2021 /АМИТ «Ховар»/. «Сайёҳии ҷамоавӣ ҳамчун самти афзалиятноки рушди сайёҳӣ дар Ҷумҳурии Тоҷикистон»-таҳти ин унвон дар Вазорати рушди иқтисод ва савдои Ҷумҳурии Тоҷикистон машварати омӯзишӣ доир гардид, хабар доданд ба АМИТ «Ховар» аз Вазорати рушди иқтисод ва савдо.
Ҳамоиш бо ташаббуси Вазорати рушди иқтисод ва савдои Ҷумҳурии Тоҷикистон ва Кумитаи рушди сайёҳии назди Ҳукумати Ҷумҳурии Тоҷикистон дар ҳамкорӣ бо Агентии Ҷопон оид ба ҳамкории байналмилалӣ (JICA) ташкил гардида, дар он намояндагони бахшҳои сайёҳии шаҳри Душанбе ва шаҳру ноҳияҳои тобеи ҷумҳурӣ иштирок намуданд.
Дар машварат муовини якуми Вазири рушди иқтисод ва савдои Ҷумҳурии Тоҷикистон Ашурбой Солеҳзода дар бораи тиҷоратигардонии имконияти бештари сайёҳӣ ва тарғиби анъанаҳову ҳунарҳои мардумӣ сухан намуд.
Аз ҷониби намояндаи Кумитаи рушди сайёҳӣ мавзӯъҳои нақши туризми ҷамоавӣ дар рушди миллӣ, иқтидори сайёҳии ҷамоавӣ дар Ҷумҳурии Тоҷикистон: ҷолибият, фоида, бозори хидматрасонӣ ва рушди сайёҳӣ дар маҳалҳо мавриди омӯзишу баррасӣ қарор гирифт.
Мавриди зикр аст, ки тавассути чунин омӯзишҳо иштирокчиён бо нозукиҳои муносибат ва муошират бо меҳмонону сайёҳон ва пазироии онҳо шинос гашта, донишу маърифати хешро баланд мебардоранд. Аз тарафи дигар, иштирокдорон донишу малака ва маҳорати хешро дар маконҳои зарурӣ зимни фаъолияти кориашон мавриди истифода қарор медиҳанд.
Иштирокдорони ҳамоиш саволу ҷавоб намуда, пешниҳодҳои худро дар мавриди баланд бардоштани саҳми саёҳати ҷамоавӣ манзур карданд.
АКСҲО: Вазорати рушди иқтисод ва садои ҶТ
«НАВРӮЗ-МЕРОСИ ФАРҲАНГИИ САЙЁҲӢ». Дар доираи ин фестивал имконияти сайёҳӣ ва фарҳанги миллии тоҷикон муаррифӣ карда шуд
ҶУФТБАРОРОН. Ин маросим дар Наврӯз аз оғози кишту кори баҳорӣ башорат медод
РАВАНДИ ОБИ ДУШАНБЕ. Ҷомеаи ҷаҳон аз Конфронси оби СММ-2023 интизориҳои зиёд дорад
«НАВРӮЗ-МЕРОСИ ФАРҲАНГИИ САЙЁҲӢ». Имрӯз дар шаҳри Душанбе фестивал доир мешавад
Дар ноҳияи Шаҳринав намоиши техникаи кишоварзӣ гузаронида шуд
Дар хоҷагиҳои деҳқонии Конибодом кишти чигит оғоз ёфт
Дар Бонки миллии Тоҷикистон Наврӯзро чун арзиши олии башарӣ таҷлил намуданд
«НАВРӮЗ-МЕРОСИ ФАРҲАНГИЮ САЙЁҲӢ». Пагоҳ дар Душанбе фестивали байналмилалӣ баргузор мешавад
Тоҷикистон дар Намоишгоҳи байналмилалии сайёҳии «MITT – 2023» иқтидори сайёҳии худро муаррифӣ намуд
Намояндагони Тоҷикистон дар Симпозиуми гуногунии биологӣ дар Чин иштирок менамоянд
Имрӯз вохӯрии роҳбарони мақомоти сайёҳии давлатҳои узви Созмони ҳамкории Шанхай доир шуд
Дар Хатлон Фонди дастгирии соҳибкорӣ ва телефони боварӣ барои муроҷиати соҳибкорон ташкил карда мешавад
