Дар Хатлон масъалаи иҷрои барномаи ғизои мактабӣ баррасӣ шуд
ДУШАНБЕ, 9.12.2021. /АМИТ «Ховар»/. Муовини раиси вилояти Хатлон Фирӯза Шарифӣ бо намояндаи Барномаи озуқаи ҷаҳонии СММ ва стратегияи рушди устувори ғизои мактабӣ дар Ҷумҳурии Тоҷикистон дар давраи то солҳои 2027 Атҳам Мусаллам вохӯрӣ намуд. Ҷонибҳо баҳри беҳтар намудани иҷрои барнома ва таъмини ғизои мактабӣ табодули афкор намуданд, иттилоъ доданд аз мақомоти иҷроияи ҳокимияти давлатии вилояти Хатлон.
Зикр шуд, ки ҳадафи барнома аз рушди ғизои мактабӣ барои расонидани кумак ба табақаҳои осебпазири аҳолӣ иборат аст.
Зимни вохӯрӣ зикр шуд, ки дар вилоят 35 муассисаи пилотӣ таъмиру тармим шуда, бо таҷҳизоту дигар маводи зарурии ошхона таъмин карда шудаанд. Давоми соли 2021 40 фисади лавозимоти ошхона, аз ҷумла зарфҳои хӯрокхӯрӣ ва чойнӯшӣ иваз гардиданд.
Дар айни замон аз рӯи лоиҳа 41 микрогрантҳои хурд барои бунёди сохтмони гармхона, таъсиси боғҳои мевадиҳанда, заргӯшпарварӣ, мурғпарварӣ ба хотири ғанӣ гардонидани хӯроки мактаббачагон дар назди муассисаҳои таълимӣ оғоз гардида, дар ин баробар бунёди ин лоиҳаҳо аз ҷониби кумитаи падару модарон, ки дар назди муассисаҳои таълимӣ фаъолият менамоянд, дастгирӣ карда мешаванд.
Аз 767 муассисаҳое, ки шомили Барномаи умумиҷаҳонии озуқаи Созмони Милали Муттаҳид дар Ҷумҳурии Тоҷикистон мебошанд, 469 муассиса дорои 278 гектар замини ёрирасон буда, аз онҳо 158 гектарро заминҳои обӣ ва 120 гектарро заминҳои лалмӣ ташкил медиҳанд.
АКС: мақомоти иҷроияи ҳокимияти давлатии вилояти Хатлон
«ҲИКМАТИ МОДАР». Бо иштироки зиёда аз 700 нафар фаъолзанон барномаи бошукуҳи идона доир гардид
МАНЗАЛАТИ ЗАН ДАР ТОҶИКИСТОН БАЛАНД АСТ. Андешаҳо оид ба нақши занон дар таҳкими Истиқлолияти давлатӣ
Дар ноҳияи Ҷалолиддини Балхӣ ҷойгоҳи зан дар ҷомеа ва нақши оила дар таҳкими арзишҳои иҷтимоӣ баррасӣ гардид
ЗИНДАГӢ АЗ МОДАР САРЧАШМА МЕГИРАД. Дар ноҳияи Фирдавсӣ чорабинии сиёсӣ — фарҳангӣ доир гардид
«ҲИКМАТИ МОДАР». Бо мақсади арҷгузорӣ ба мақому манзалати Зан – Модар иқдоми ҷумҳуриявӣ оғоз гардид
Дар Душанбе ҳамоиши «Занону модарони тоҷик- нигини пурҷилои тоҷи миллат» баргузор гардид
Дар Тоҷикистон ҳавои моҳи аввали фасли баҳор чӣ гуна мешавад?
Наврӯз дар Тоҷикистон 20 март фаро мерасад
НАҚШИ ЗАНОН ДАР ТАҚВИЯТУ ТАҲКИМИ ХУДШИНОСИИ МИЛЛӢ. Барномаи сиёсӣ-фарҳангии аъзои ҳизби пойтахт баргузор гардид
Аз 4 то 7 март дар Тоҷикистон бориши борон пешгӯӣ мешавад
ПОЙТАХТ — ОИНАИ ДАВЛАТУ МИЛЛАТ. Чаро бархе сокинон нисбат ба иншооти сохташуда беэътиноӣ зоҳир мекунанд?
Дар фасли баҳор кадом бемориҳо авҷ мегиранд?
