Дар Малайзия имконияти сармоягузорӣ ва молу маҳсулоти Тоҷикистон муаррифӣ шуд

Декабрь 14, 2021 15:12

ДУШАНБЕ, 14.12.2021 /АМИТ «Ховар»/. Сафорати Ҷумҳурии Тоҷикистон дар Малайзия дар ҳамкорӣ бо Палатаи байналмилалии савдо ва саноати Малайзия (MICCI) 9 декабр дар шаҳри Куала- Лумпур Форуми тиҷоратӣ баргузор намуд, ки дар он зиёда аз 50 нафар соҳибкорон аз 30 ширкати малайзӣ иштирок доштанд. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.

«Ҳукумати Ҷумҳурии Тоҷикистон ба беҳдошти фазои кории соҳибкорон ва фароҳам сохтани шароити мусоид барои сармоягузорони хориҷӣ тадбирҳои ҳадафмандона андешида, рушди соҳибкорӣ ва ҷалби сармояро  самти афзалиятноки сиёсати иқтисодии кишвар эълон намудааст», — иброз намуд Сафири Тоҷикистон дар Малайзия Ардашер Қодирӣ.

Президенти Палатаи байналмилалии савдо ва саноати Малайзия Кристина Тӣ аз имконияти васеи ҳамкорӣ миёни Тоҷикистон ва Малайзия сухан гуфта, соҳибкорони малайзиро барои саҳм гузоштан дар густариши муносиботи иқтисодии ду кишвар даъват намуд.

Зикр гардид, ки Тоҷикистон омода аст барои соҳибкорони малайзӣ дар Минтақаи озоди иқтисодии шаҳри Кӯлоби Ҷумҳурии Тоҷикистон имконияти ҷудо намудани қитъаи заминро баррасӣ намояд.

Тайи солҳои охир Тоҷикистон ба рӯйхати  «Даҳ кишвари пешсафи ислоҳотгар» шомил гашта, мавқеи худро дар рейтинги «Пешбурди бизнес» аз рӯи нишондиҳандаҳои бақайдгирии тиҷорат, андозбандӣ, гирифтани қарз ва тиҷорати байналмилалӣ беҳтар карда, намояндагони  доираи  соҳибкорӣ  ва ширкатҳои Малайзия низ имкон доранд аз сабукиҳои андозбандӣ ва навъҳои ҳавасмандгардониҳои сармоягузорӣ   дар Ҷумҳурии Тоҷикистон самаранок истифода намоянд.

Сафири Тоҷикистон имконияти фарохи сармоягузорӣ ба бахшҳои гуногуни иқтисоди Тоҷикистон, аз ҷумла, гидроэнергетика ва нафту газ, саноат, истихроҷ ва коркарди маъданҳои кӯҳӣ, истеҳсол ва коркарду содироти маҳсулоти кишоварзӣ, алюминий ва сайёҳиро  ба таври муфассал муаррифӣ намуд.

Дар доираи ҳамоиши мазкур намоиши молу маҳсулот ва ҳунарҳои мардумии Тоҷикистон баргузор карда шуд, ки ҳозирин ба таъму сифати маҳсулоти тоҷикӣ баҳо баланд дода, ҷиҳати ба роҳ мондани содироти ин маҳсулот ба минтақаи Ҷанубу Шарқии Осиё мароқ зоҳир карданд.

Сафорат дар намоишгоҳ маълумотро дар бораи маҳсулот ва истеҳсолкунандагони миллӣ, намунаҳои маҳсулот аз ширкатҳои ватании ғизо ва нӯшокиҳои «Сиёма», «Баракат Исфара», «Амирӣ», «Витаминҳои Тоҷикистон», «Ширин» ва ғайра ба маърази тамошо гузошт.

 

АКСҲО: ВКХ ҶТ

Декабрь 14, 2021 15:12

Хабарҳои дигари ин бахш

Дар шаҳри Истанбул имконоти сармоягузории Тоҷикистон муаррифӣ гардид
Сироҷиддин Муҳриддин дар вохӯрии шашуми вазирони корҳои хориҷии қолаби «Осиёи Марказӣ — Чин» иштирок намуд
Ҳамкории Тоҷикистон бо Комиссияи иқтисодию иҷтимоии СММ барои Осиё ва Уқёнуси Ором баррасӣ гардид
Созмони Милали Муттаҳид (ЭСКАТО) қатъномаи Тоҷикистонро дар бораи ҳамкорӣ дар соҳаи об ва иқлим қабул кард
Президенти Пажуҳишгоҳи оби Туркия ба Конфронси байналмилалии сатҳи баланд оид ба ҳифзи пиряхҳо даъват шуд
Дар Алмато мулоқоти вазирони корҳои хориҷии Тоҷикистон ва Чин баргузор шуд
Директори генералии Созмони озуқаворӣ ва кишоварзии Созмони Милали Муттаҳид ба Тоҷикистон меояд
Сафири Тоҷикистон бо Ректори Донишгоҳи илмию технологии Амороти Муттаҳидаи Араб мулоқот намуд
Дар маҷаллаи «The Diplomatic Insight» мақолаи олимони тоҷик таҳти унвони «Эмомалӣ Раҳмон – Пешвои дипломатияи байналмилалӣ» ба нашр расид
Имконоти сайёҳии Тоҷикистон дар Ҷумҳурии Корея муаррифӣ карда шуд
Тоҷикистон ва Арабистони Саудӣ оид ба омода намудани дипломатҳои ҷавон санад ба имзо расониданд
Сафири Тоҷикистон ба Подшоҳи Баҳрайн эътимодномаи худро супорид