Дар ноҳияи Данғара Фестивал-намоиши чорвои зотӣ баргузор шуд

Декабрь 6, 2021 13:43

ДУШАНБЕ, 06.12.2021 /АМИТ  «Ховар»/. Бо мақсади рушди соҳаи чорводорӣ, зиёд намудани хоҷагиҳои зотпарварӣ, афзоиш додани чорвои зотӣ 4 декабр дар ноҳияи Данғараи вилояти Хатлон Фестивал-намоиши чорвои зотӣ гузаронида шуд, хабар доданд ба АМИТ  «Ховар» аз Кумитаи бехатарии озуқавории назди Ҳукумати Ҷумҳурии Тоҷикистон.

Дар Фестивал аз ҷониби чорводорони шаҳру ноҳияҳои вилоят беш аз 1000 сар чорвои калони шохдори зотӣ ва моли майда муаррифӣ карда шуд, ки намояндагони мақомоти иҷроияи ҳокимияти вилояти Хатлон, ноҳияи Данғара, Вазорати кишоварзии Ҷумҳурии Тоҷикистон, Кумитаи бехатарии озуқавории назди Ҳукумати Ҷумҳурии Тоҷикистон аз ин намоиши чорвои зотӣ дидан карда, бо дастоварду муваффақияти чорводорон, инчунин бо моҳӣ ва парандаҳои самти гӯштӣ ва тухмдеҳ шинос шуданд.

Ҳадафи асосии ташкил намудани Фествал-намоиши чорвои зотӣ- ин муаррифии чорвои зотии дар мамлакат парваришёбанда, тақвият бахшидани ҳамкории хоҷагиҳои зотпарварӣ ва дар ин замина ҳавасмандии аҳолӣ дар самти парвариши чорвои зотӣ маҳсуб мешавад.

Мавриди зикр аст, ки дар шаҳру ноҳияҳои вилояти Хатлон тавассути ташкили ферма ва комплексҳои чорвопарварӣ чорвои хушзоти калони тоҷикии навъҳои сиёҳ-ало, зотҳои шведӣ, сментал ва гӯсфанди зоти тоҷикӣ, ҳисорӣ, қароқулӣ, маҳинпашм ва ғайраро парвариш менамоянд.

Ҳоло дар вилояти Хатлон саршумори чорвои калони шохдор қариб ба 1 млн сар ва чорвои майда қариб ба 2 млн 500 сар расидааст. Мутахассисони соҳа бар он назаранд, ки дар шароити имрӯза барои пурра таъмин намудани аҳолӣ бо гӯшту шир бояд чорводорон бештар ба парвариши чорвои зотӣ рӯ оваранд, зеро чорвои зотӣ назар ба чорвои каммаҳсул аз чанд омил, аз ҷумла вазни зиёд, қомати баланд ва ширдеҳ будани модаговҳо бартарияти зиёд дорад.

Ташкили намоиши чорвои зотӣ аҳамияти калон дошта, имконият фароҳам меоварад, ки хоҷагиҳои зотпарварии мамлакат ба ҳам оянд ва аз таҷрибаи ҳамдигар баҳравар гарданд.

Бояд гуфт, ки соҳаи чорводорӣ дар мамлакат яке аз соҳаи асосии таъмини амнияти озуқаворӣ ба шумор рафта, рушди он аз масъулияти баланди мутахассисон ва олимони соҳа вобастагии калон дорад. Аз ин рӯ, саҳми Кумитаи бехатарии озуқаворӣ дар самти хушзоткунии чорво дар мамлакат назаррас буда, корҳои назоратиро оид ба рушди соҳаи зотпарварӣ дар фаъолияти хоҷагиҳои зотпарварии ҷумҳурӣ вобаста ба парвариш, нигоҳубин ва солимии ҳама намуди зотҳои ҳайвоноти кишоварзии дар ҷумҳурӣ парваришёбанда мунтазам ба роҳ мемонад.

Дар фарҷом барои иштироки фаъолона дар Фестивал-намоиши чорвои зотии вилояти Хатлон роҳбарони хоҷагиҳои чорвопарварӣ, фермаҳо бо диплом, ифтихорномаҳо ва туҳфаҳои Кумитаи тадорукот қадрдонӣ карда шуданд.

АКСҲО: Кумитаи бехатарии озуқаворӣ

Декабрь 6, 2021 13:43

Хабарҳои дигари ин бахш

Дар минтақаи саноатии шаҳри Гулистон қубурҳои полиэтиленӣ ва ноқилҳои барқӣ истеҳсол мешавад
Дар корхонаҳои саноатии Бадахшон имсол ба маблағи қариб 40 миллион сомонӣ маҳсулот истеҳсол карда шудааст
Сайёҳон бештар ба тамошои ёдгориҳои таърихии Тоҷикистон мароқ зоҳир менамоянд
Ҳайати Тоҷикистон дар Форуми байналмилалии сатҳи баланд оид ба сиёсати сайёҳӣ иштирок намуд
Тавассути нақлиёти автомобилӣ қариб 24,5 миллион тонна бор ва 232,6 миллион нафар мусофир интиқол дода шуд
Дар Душанбе вохӯрии минтақавии ниҳодҳои пешбарандаи содироти мамлакатҳои Осиёи Марказӣ баргузор шуд
Ҳайати Тоҷикистон бо раиси Бонки миллии Швейтсария роҳҳои тақвияти ҳамкориро баррасӣ намуд
Ҳайати Тоҷикистон дар мулоқот бо намояндагони Хазинаи Байналмилалии Асъор масъалаҳои марбут ба низоми бонкиро баррасӣ намуд
Саҳми Бонки ҷаҳонӣ дар татбиқи ислоҳоти сохтории иқтисодиёти Тоҷикистон назаррас арзёбӣ гардид
Намоишгоҳи молу маҳсулоти корхонаҳои саноатии Узбекистон дар маркази ЭКСПО-и шаҳри Душанбе то 21 апрел идома меёбад
Дар қаламрави Тоҷикистону Узбекистон қариб 400 корхонаи муштарак фаъолият менамояд
Дар вилояти Хатлон татбиқи 368 лоиҳа ба маблағи 8,5 миллиард сомонӣ пешбинӣ шудааст