Дар Тошканд Форуми ҷавонони Осиёи Марказӣ доир мешавад
ДУШАНБЕ, 27.12.2021. /АМИТ «Ховар»/. Тибқи нақшаи кории Агентии кор бо ҷавонони Узбекистон моҳи марти соли 2022 дар шаҳри Тошканд Форуми ҷавонони Осиёи Марказӣ доир мегардад.
Дар ин бора 26 декабр зимни вохӯрии муовини Раиси Кумитаи ҷавонон ва варзиши назди Ҳукумати Ҷумҳурии Тоҷикистон Дилноза Аҳмадзода бо муовини Директори Агентии кор бо ҷавонони Ҷумҳурии Узбекистон Дилноза Каттахонова дар шаҳри Тошканд изҳори назар карда шуд.
Вохӯрии мазкур дар ҳошияи баргузории Форуми ҷумҳуриявии ҷавонони Узбекистон – 2021 доир шуда, дар кори он ҳайати Тоҷикистон бо иштироки масъулини Кумитаи кор бо ҷавонон ва варзиш ва Иттифоқи ҷавонони Тоҷикистон ширкат варзиданд, иттилоъ доданд аз бахши таҳлил ва иттилооти Кумитаи кор бо ҷавонон ва варзиши назди Ҳукумати Ҷумҳурии Тоҷикистон.
Ҷонибҳо вобаста ба тақвияти фаъолият дар самти ҷавонон ва ҳадафмандии форуми мазкур ибрози назар намуда, ҳамзамон доир ба табодули таҷриба ва амалигардонии роҳу механизмҳои нави татбиқи сиёсати давлатии ҷавонон суҳбати самимӣ анҷом доданд.
Зикр шуд, ки миёни Иттифоқи ҷавонони Тоҷикистон ва Иттифоқи ҷавонони Узбекистон расман соли 2017 Ёддошти тафоҳуми ҳамкорӣ дар самти кор бо ҷавонон ба имзо расида, дар доираи он тадбирҳои муҳим пайваста амалӣ карда мешаванд.
Зимни вохӯрӣ гуфта шуд, ки дар муҳлати кӯтоҳтарин ба имзо расонидани Созишномаи ҳамкорӣ дар самти кор бо ҷавонон миёни Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Агентии кор бо ҷавонони Ҷумҳурии Узбекистон аз ҷониби роҳбарони аввали ин ду ниҳоди муҳими давлатӣ дар самти кор бо ҷавонон ва инчунин нақшаи чорабиниҳои мушаххасу мақсаднок манфиатнок мебошад.
АКСҲО: Кумитаи кор бо ҷавонон ва варзиши назди Ҳукумати ҶТ
Ҳайати Тоҷикистон бо раванди навсозии хизматрасонии давлатии Молдова шинос гардид
Ҳайати Тоҷикистон дар Конфронси шарҳи Конвенсияи СММ дар Камбоҷа иштирок дорад
Дар Тоҷикистон амалиёти навбатии «Муоинаи техникӣ» гузаронида мешавад
35-СОЛАГИИ ИСТИҚЛОЛИ ДАВЛАТӢ. Дар Мастчоҳ кӯдакистон, Қасри ҷавонон ва бинои нави беморхона ба истифода дода мешавад
«БЕҲТАРИН ОИЛАИ ҲУНАРМАНД». Таҳти ин унвон озмуни ҷумҳуриявӣ баргузор мегардад
Дар Тоҷикистон дар ҷашни 20-солагии Истиқлолияти давлатӣ дарозтарин парчам омода гардид
«БОНУИ ҲУНАР». Дар Душанбе 30 нафар занону духтарон ба касбомӯзӣ ҷалб гардиданд
Кормандони Хадамоти назорати давлатии тандурустӣ ва ҳифзи иҷтимоии аҳолӣ Рӯзи Парчами давлатиро бошукуҳ таҷлил намуданд
«НАҚШИ ҲИЗБИ ХАЛҚИИ ДЕМОКРАТИИ ТОҶИКИСТОН ДАР ТАШАККУЛИ ДАВЛАТДОРИИ МИЛЛӢ». Таҳти ин унвон конференсияи байналмилалӣ доир шуд
Кумитаи ҳолатҳои фавқулода ва мудофиаи гражданӣ аз омадани сел дар баъзе минтақаҳои Тоҷикистон ҳушдор медиҳад
Дар шаҳри Омск Форуми 4-уми сарварони ҷавони Русия ва давлатҳои Осиёи Марказӣ оғоз ёфт
Ҷумҳурии Тоҷикистон 67-умин давлат дар самти манъи ҷазои ҷисмонӣ нисбат ба кӯдак гардид
