Дар ВКД оид ба тақвият бахшидани ҳамкории судманд дар самти пешгирии савдои одамон мулоқот доир шуд
ДУШАНБЕ, 15.12.2021 /АМИТ «Ховар»/. 14 декабр муовини Вазири корҳои дохилии Ҷумҳурии Тоҷикистон, генерал-майори милитсия Бароталӣ Ҳамидзода бо гузоришгари вежаи СММ оид ба савдои одамон Сиобан Муллалӣ вохӯрӣ доир намуд, хабар медиҳад АМИТ «Ховар» бо истинод ба Вазорати корҳои дохилии Ҷумҳурии Тоҷикистон.
Дар ҷараёни вохӯрӣ ҷонибҳо оид ба масъалаҳои ҳамкорӣ дар самти пешгирии савдои одамон ва муҳоҷирати ғайриқонунӣ табодули афкор намуданд.
Зикр гардид, ки Ҷумҳурии Тоҷикистон ҷиҳати самаранок ба роҳ мондани муқовимат ба савдои одамон мунтазам тадбирҳои ҳуқуқиву ташкилии зарурӣ меандешад.
Бо мақсади ташкили муқовимат ба савдои одамон, ҳифз ва расонидани кумак ба қурбониёни савдои одамон ва тавонбахшии онҳо соли 2014 Қонуни Ҷумҳурии Тоҷикистон «Дар бораи муқовимат ба савдои одамон ва расонидани кумак ба қурбониёни савдои одамон» қабул карда шуд.
Ҳамзамон бо Қарори Ҳукумати Ҷумҳурии Тоҷикистон «Нақшаи миллии муқовимат ба савдои одамон дар Ҷумҳурии Тоҷикистон барои солҳои 2019-2021» тасдиқ гардид, ки ин иқдоми хайрхоҳона ва башардӯстона аз таваҷҷуҳу ғамхориҳои Президенти Ҷумҳурии Тоҷикистон муҳтарам Эмомалӣ Раҳмон ва қонунгузории мамлакат нисбат ба шаҳрвандон шаҳодат медиҳад.
Аз ҷониби Вазорати корҳои дохилии Ҷумҳурии Тоҷикистон бо мақсади баланд бардоштани савияи дониш, малакаи касбии кормандони мақомоти корҳои дохилӣ ва дигар сохторҳои ҳифзи ҳуқуқ дар самти муқовимат ба савдои одамон дар Академияи ВКД курсҳои махсус ва мунтазами такмили ихтисос ба роҳ монда шудаанд.
АКС: ВКД ҶТ
Хадамоти давлатии оташнишонӣ кафили бехатарии мардуми Тоҷикистон аст. Ба ифтихори иди касбии кормандони соҳа
Аз 26 то 29 июл дар баъзе кӯчаҳо ва хиёбони Рӯдакии пойтахт ҳаракати воситаҳои нақлиёт маҳдуд карда мешавад
НИШАСТИ МАТБУОТӢ. Дар бозорҳои истеъмолии Тоҷикистон беш аз 107 ҳазор килограмм маҳсулоти бесифат ва хавфнок нобуд карда шуд
Бо иштироки ҳайати роҳбарикунандаи Вазорати мудофиаи Тоҷикистон ҷамъомадӣ таълимӣ-методӣ доир гардид
Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон хабар медиҳад
Дар вилояти Суғд кӯшиши интиқоли 70 кг маводи нашъадор пешгирӣ гардид
Дар Озмуни байналмилалии нозирони навраси ҳаракат 7 даста аз давлатҳои ИДМ иштирок менамояд
Вобаста ба малакаи амалии кӯдакон оид ба бехатарии ҳаракат дар роҳ конфронси байналмилалӣ доир шуд
Нақшаи Барномаи муштараки «Тағйири низомҳои озуқаворӣ барои беҳтар намудани сифати ғизо» қабул шуд
Ҳайати Тоҷикистон дар ҷаласаи Маҷмаи умумии фавқулодаи Созмони байналмилалии мудофиаи гражданӣ иштирок намуд
Ташаккули дониши кӯдакон оид ба бехатарии ҳаракат дар роҳ дар конфронси байналмилалӣ баррасӣ мегардад
Дар Қазоқистон ҷаласаи роҳбарони мақомоти корҳои дохилии пойтахтҳои давлатҳои аъзои ИДМ доир шуд
