ДИРЕКТОРИ ИНСТИТУТИ АСТРОФИЗИКАИ АМИТ ГУЛЧЕҲРА ҚОҲИРОВА СОҲИБИ МУКОФОТИ «СИТОРАИ ИТТИҲОД» ГАРДИД. Маросими ботантанаи ҷоизасупорӣ ба лауреатҳо пагоҳ дар Москва барпо мешавад

Декабрь 20, 2021 12:16

ДУШАНБЕ, 20.12.2021 /АМИТ «Ховар»/. Пагоҳ, 21 декабр, соати 15.00 (бо вақти Москва) дар толори калони Хонаи Пашкови шаҳри Москва маросими ботантанаи супурдани мукофотҳо ба лауреатҳои мукофотҳои «Ситораи Иттиҳод» ва «Иттиҳоди дебютӣ» баргузор мегардад. Ҳарду ҷоиза аз ҷониби Фонди байнидавлатии ҳамкории башардӯстона ва Шӯрои ҳамкории башардӯстонаи ИДМ таъсис дода шудаанд, хабар медиҳад АМИТ «Ховар» бо истинод ба маркази  матбуоти Кумитаи иҷроияи ИДМ.

«Ситораи Иттиҳод» ҷоизаи асосии Иттиҳоди Давлатҳои Мустақил барои дастовардҳои баландтарин дар соҳаи гуманитарӣ мебошад. Намояндагони 9 кишвар имсол соҳиби он гардиданд: сарояндаи опера Елчин Азизов (Озарбойҷон), ректори Донишгоҳи Русияву Арманистон Армен Дарбинян (Арманистон), як гурӯҳи физикҳо Александр Тузиков, Сергей Золотой ва Сергей Кореняко (Беларус), шоир Олжас Сулейменов (Қазоқистон), президентҳои Академияҳои миллии илмҳо Мурат Ҷуматаев (Қирғизистон) ва Ион Тигиняну (Молдавия), ректори МГИМО Анатолий Торкунов (Русия), директори Институти астрофизика Гулчеҳра Қоҳирова (Тоҷикистон), роҳбари оркестри симфонии эстрадӣ Мансур Тошматов (Узбекистон).

Ҷоизаи ҷавонони “Иттиҳоди дебютҳо” имсол барои фаъолияте дода шуд, ки ба ҳифзи хотираи пирӯзӣ дар Ҷанги дуюми ҷаҳон равона  шудаанд.

Ҷоизаҳо дар шакли омехта тақдим карда мешаванд. Лауреатҳо аз кишварҳои Иттиҳоди Давлатҳои Мустақил дар маросими онлайн ширкат хоҳанд кард. Оркестри симфонии ҷавонони ИДМ таҳти роҳбарии Ҳунарпешаи мардумии Русия Сергей Скрипка ба ифтихори онҳо дар саҳнаи Хонаи Пашков ҳунарнамоӣ мекунад. Дар маросим Сафири Ҷумҳурии Озарбойҷон дар Русия Полад Булбул оглу, Намояндаи махсуси Президенти Русия оид ба ҳамкории байналмилалии фарҳангӣ Михаил Швидкой, директори иҷроияи IFESA Анатолий Иксанов иштирок мекунанд.

                                              АКС аз бойгонии АМИТ «Ховар»

Декабрь 20, 2021 12:16

Хабарҳои дигари ин бахш

ЭЪЛОН: «ВАССОФИ ВАТАН». Барои рӯзноманигорон ва корбарони саҳифаҳои иҷтимоии шабакаҳои интернетӣ фестивал-озмун баргузор мешавад
Тандиси биринҷии чеҳраи Президенти Тоҷикистон ба Осорхонаи миллӣ супорида шуд
АЗ НАВРӮЗ ТО НАВРӮЗ. Дар Донишкадаи давлатии санъати тасвирӣ ва дизайни Тоҷикистон фестивали муд баргузор мегардад
ИМРӮЗ-РӮЗИ ҶАҲОНИИ ТЕАТР. Дар давраи соҳибистиқлолӣ дар Тоҷикистон барои пешрафти санъати касбии театрӣ шароити мусоид фароҳам оварда шуд
«САЙРИ ГУЛИ ЛОЛА». Дар Суғд Фестивали вилоятии гулҳо доир мешавад
КОНИ ЛАЗЗАТ ВА ХОНИ НЕЪМАТ. Хабарнигори АМИТ «Ховар» оид ба таомҳои наврӯзӣ дар Бадахшон маълумот ҷамъоварӣ намуд
НАВРӮЗ-МАҲБУБТАРИН ҶАШНИ МИЛЛИИ ТОҶИКОН. Суратгузориш аз таҷлили бошукуҳи ҷашни Наврӯз дар Академияи миллии илмҳои Тоҷикистон
Байни Китобхонаи миллии Тоҷикистон ва Китобхонаи оммавӣ, илмӣ-техникии шуъбаи Академияи илмҳои Русия дар минтақаи Сибир Созишномаи ҳамкорӣ ба имзо расид
Оши бурида дар Наврӯз ҳамчун рамзи умри дароз ва ҳаёти хушбахтона омода мешавад
НАВРӮЗ — ҶАШНИ ЭҲЁ. Ин ҷашни ҷаҳонӣ бунёди маънавии миллати тоҷик мебошад
МАЗМУНҲОИ НАВРӮЗӢ ДАР АШЪОРИ АҲДИ КЛАССИКИИ ФОРСУ ТОҶИК. Андешаҳои адабиётшинос дар хусус
НАВРӮЗ ДАР ЗАРАФШОН. Он бо «тухмҷангак»-и кӯдакон оғоз мегардад