Шӯрои собиқадорони вилояти Суғд барои дар рӯҳияи садоқат ба Ватан тарбия намудани ҷавонон мақоми шоиста дорад
ДУШАНБЕ, 27.12.2021 /АМИТ «Ховар»/. Дар партави дастуру ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мақомоти иҷроияи ҳокимияти давлатии вилояти Суғд баҳри баланд бардоштани сатҳу сифати зиндагии мардум, бахусус нафақагирон ва собиқадорони ҷангу меҳнат пайваста ғамхорӣ зоҳир менамояд. Ин нуктаро 25 декабр Раиси вилояти Суғд Раҷаббой Аҳмадзода зимни мулоқот иброз намуд, хабар дод корманди хадамоти матбуоти раиси вилоят Андар Раҳмонӣ ба АМИТ «Ховар».
Раиси вилоят зикр кард, ки сиёсати иҷтимоии Ҳукумати Ҷумҳурии Тоҷикистон асосан ба самти ҳифзи ҳуқуқҳои иҷтимоӣ, иқтисодии табақаҳои калонсоли ҷомеа, собиқадорони ҷангу меҳнат равона гардида, қабулу татбиқи қонуну қарор, амру супоришҳои Пешвои миллат оид ба беҳдошти сатҳи ҳифзи иҷтимоии насли калонсол, бахусус собиқадорони меҳнат исботи ин гуфтаҳост.
Раҷаббой Аҳмадзода доир ба фаъолияти Шӯрои собиқадорони вилоят гуфт, ки Шӯрои мазкур бо дастгирии Мақомоти иҷроияи ҳокимияти давлатии вилояти Суғд фаъолият намуда, дар гиромидошт, ҳифзи иҷтимоӣ ва хизматрасонии тиббии собиқадорони ҷангу меҳнат ва тарбияи насли наврас дар рӯҳияи садоқат ба Ватану ватандорӣ, меҳнатдӯстӣ, густариши ифтихори миллӣ ва худогоҳиву худшиносӣ мақоми шоиста дорад.
Шӯрои собиқадорони вилоят 18 ташкилоти шаҳриву ноҳиявӣ, ташкилоти собиқадорони Кумитаи давлатии амнияти миллӣ, Раёсати корҳои дохилӣ ва хизматчиёни ҳарбии вилояти Суғд ва 290 ташкилоти ибтидоии собиқадоронро муттаҳид менамояд. Бештар аз 2800 нафар фаъолон вазифаҳои ҷамъиятиро дар Шӯрои собиқадорон иҷро менамоянд.
Ёдовар мешавем, ки дар арафаи ҷашни Ғалаба аз ҷониби мақомоти иҷроияи ҳокимияти давлатии вилоят ба иштирокчиёни ҷанг, ҳамсарони саробонашон дар xанг ҳалокшуда – 4 ҳазор сомонӣ, ба собиқадорони ақибгоҳи солҳои ҷанг 2 ҳазор сомонӣ, ҳамагӣ ба 221 нафар 502 ҳазор сомонӣ кумакпулии яквақта пардохт карда шуд. Ба ин нафарон аз мақомоти иҷроияи ҳокимияти давлатии шаҳру ноҳияҳои вилоят низ кумакпулиҳо пардохта шуда буд.
Дар мулоқот чанд нафар собиқадорони меҳнат сухан гуфта, аз рушди босуботи кишвар ва талошҳои Пешвои миллат муҳтарам Эмомалӣ Раҳмон ёдовар шуда, барои таваҷҷуҳ ва ғамхориҳо ба роҳбарияти давлату Ҳукумат изҳори миннатдорӣ намуданд.
Дар охир ба собиқадорони ҷангу меҳнат туҳфаҳои идона супорида шуданд.
АКС: хадамоти матбуоти Раиси в. Суғд
МАСЛИҲАТИ МУТАХАССИС. Барои бо ангишт гарм кардани хонаҳо аз бухории махсус бояд истифода намуд
Ҳайати Тоҷикистон бо раванди навсозии хизматрасонии давлатии Молдова шинос гардид
Ҳайати Тоҷикистон дар Конфронси шарҳи Конвенсияи СММ дар Камбоҷа иштирок дорад
Дар Тоҷикистон амалиёти навбатии «Муоинаи техникӣ» гузаронида мешавад
35-СОЛАГИИ ИСТИҚЛОЛИ ДАВЛАТӢ. Дар Мастчоҳ кӯдакистон, Қасри ҷавонон ва бинои нави беморхона ба истифода дода мешавад
«БЕҲТАРИН ОИЛАИ ҲУНАРМАНД». Таҳти ин унвон озмуни ҷумҳуриявӣ баргузор мегардад
Дар Тоҷикистон дар ҷашни 20-солагии Истиқлолияти давлатӣ дарозтарин парчам омода гардид
«БОНУИ ҲУНАР». Дар Душанбе 30 нафар занону духтарон ба касбомӯзӣ ҷалб гардиданд
Кормандони Хадамоти назорати давлатии тандурустӣ ва ҳифзи иҷтимоии аҳолӣ Рӯзи Парчами давлатиро бошукуҳ таҷлил намуданд
«НАҚШИ ҲИЗБИ ХАЛҚИИ ДЕМОКРАТИИ ТОҶИКИСТОН ДАР ТАШАККУЛИ ДАВЛАТДОРИИ МИЛЛӢ». Таҳти ин унвон конференсияи байналмилалӣ доир шуд
Кумитаи ҳолатҳои фавқулода ва мудофиаи гражданӣ аз омадани сел дар баъзе минтақаҳои Тоҷикистон ҳушдор медиҳад
Дар шаҳри Омск Форуми 4-уми сарварони ҷавони Русия ва давлатҳои Осиёи Марказӣ оғоз ёфт
