ҲУҚУҚҲОИ ХУДРО ҲИМОЯ КУНЕД! Дар барномаи «Рӯҳафзо»-и Радиои «Ховар» масъалаи ҳуқуқи инсон аз нигоҳи равоншинос баррасӣ мешавад

Декабрь 7, 2021 10:22

ДУШАНБЕ, 07.12.2021 /АМИТ «Ховар»/. «Эъломияи умумии ҳуқуқи инсон» барҷастатарин санад дар таърихи инсоният  ба шумор меравад ва то ҳанӯз ягон санад чунин баҳои баландро сазовор нагаштааст.  Дар ҳамин Эъломия муқаррар гардидааст, ки меҳвари асосии ҳуқуқу озодиҳои инсон эътирофи қадру қимати шахсият мебошад, ки он ба тамоми  инсоният хос буда, ҳуқуқи баробар ва дахлнопазирии онҳо асоси озодӣ, адолат ва сулҳи умум аст.

Ҷумҳурии Тоҷикистон аз рӯзҳои аввали истиқлолияти худ ба ҳаёти ҷомеаи байналмилалӣ фаъолона ҳамроҳ шуд. Ҳифзи ҳуқуқу озодиҳои асосии инсон афзалияти сиёсати давлатӣ арзёбӣ гашт. Конститутсияи Тоҷикистони соҳибистиқлол инсон, ҳуқуқу озодиҳои ӯро ба сифати арзиши олӣ эътироф намуда, муқаррар намуд, ки онҳо муайянкунандаи мақсад, мазмун ва татбиқи қонунҳо, фаъолияти ҳокимияти конунгузор ва иҷроия буда, ба воситаи ҳокимияти судӣ таъмин мешаванд.

«Ҳуқуқи инсон замоне поймол мешавад, ки агар ӯ ҳуқуқи худро надонад ва онро ҳимоя карда натавонад», изҳор медорад равоншинос  Марям Давлатова ва илова мекунад, ки  «дар сурате қонун ба ҳимояи шахс мебарояд, ки агар ӯ ба қонун ё ҳуқуқшинос муроҷиат намояд».

Чӣ  бояд кард, то шахс ҳуқуқҳои худро шиносад, дар рӯҳияи  худдифоӣ аз ҳуқуқҳои худ бузург шавад ва ба дигарон дар ин самт кумак карда тавонад?… Ба ин ва дигар  паҳлуҳои масъалаҳои ҳуқуқӣ равоншинос Марям Давлатова дар барномаи «Рӯҳафзо», ки ба ифтихори Рӯзи байналмилалии ҳуқуқи инсон омода гардидааст,  посух мегӯяд.

Ин барномаро метавонед  имрӯз,  соати 14:30 (асл) ва такроран соати 20:30 аз Радиои «Ховар» бишнавед. Бозпахши барнома   10 декабр- дар Рӯзи байналмилалии ҳуқуқи инсон  соатҳои 09:30, 14:30 ва 20:30 сурат мегирад.

Декабрь 7, 2021 10:22

Хабарҳои дигари ин бахш

Дар барномаи «Сарват»-и Радиои «Ховар» масъалаи дастгирии молиявӣ барои мутобиқшавӣ ба тағйирёбии иқлим шарҳ дода мешавад
Дар барномаи «Сарват»-и Радиои «Ховар» ду Даҳсолаи байналмилалии амали марбут ба об шарҳ дода мешаванд
Барномаи таҳлилии «Сарват»-и Радиои «Ховар» паҳлӯҳои ҳуқуқии истифодаи обро тавзеҳ медиҳад
Дар барномаи «Сарват»-и Радиои «Ховар» мушкилоти ҷаҳонии обу иқлим баррасӣ мешаванд
Имрӯз — Рӯзи байналмилалии дарёҳо. Барномаи навбатии «Сарват»-и Радиои «Ховар» ба ин мавзӯъ бахшида мешавад
ВАО ва муаммоҳои экологӣ. Баррасии мавзӯъ дар барномаи таҳлилии «Сарват»-и Радиои «Ховар»
Аҳамияти эълони Соли байналмилалии ҳифзи пиряхҳо. Шарҳи мавзӯъ дар барномаи таҳлилии «Сарват»-и Радиои «Ховар»
Соли 2021 — яке аз ҳафт соли гармтарин дар таърих. Шарҳи мавзӯъ дар барномаи таҳлилии «Сарват»-и Радиои «Ховар»
Барномаи «Сарват»-и Радиои «Ховар» роҳҳои мутобиқшавӣ ба шароити тағйирёбии иқлимро шарҳ медиҳад
Нақши захираҳои обии Тоҷикистон дар рушди соҳаи сайёҳӣ. Шарҳи мавзӯъ дар барномаи «Сарват» – и Радиои «Ховар»
Талоши табибон дар мубориза бо бемории COVID-19. Мавзӯъро барномаи «Дармон»-и Радиои «Ховар» шарҳ медиҳад
Чаро соли 2022 дар мубориза бо тағйирёбии иқлим марҳилаи муҳим хоҳад буд? Шарҳи мавзӯъ дар барномаи «Сарват» – и Радиои «Ховар»