Дар Қазоқистон 1822 парвандаи ҷиноӣ оид ба терроризм, куштор ва дигар далелҳо боз шудааст

Январь 24, 2022 13:07

ДУШАНБЕ, 24.01.2022 /АМИТ «Ховар»/. Дар Қазоқистон дар робита ба рӯйдодҳои моҳи январ 1822 парвандаи ҷиноӣ боз шуда, 116 адади он ба прокуратураҳо оид ба парвандаҳои махсус ирсол шудаанд. Тавре АМИТ «Ховар» хабар медиҳад, иттилои мазкурро Вазорати корҳои дохилии Қазоқистон ироа кардааст.

Парвандаҳои ҷиноӣ оид  ба терроризм, куштор, зӯроварӣ нисбат ба мансабдорони давлатӣ, авбошӣ ва ҳамла ба биноҳои давлатӣ боз шудаанд.

Қаблан Президенти Ҷумҳурии Қазоқистон Қосим-Жомарт Токаев бо намояндагони Прокуратураи генералӣ, Кумитаи амнияти миллӣ, Вазорати корҳои дохилӣ ва Вазорати мудофиа ҷаласаи муштарак баргузор намуд.

Бино ба иттилои хадамоти  матбуоти президенти Қазоқистон, Қосим-Ҷомарт Токаев рӯзи шанбеи 22 январ бо раҳбарони дастгоҳи президент, шӯрои амният, прокуратураи генералӣ, кумитаи амнияти миллӣ, вазоратҳои корҳои дохилӣ ва мудофиа мулоқот анҷом дод. Ба сарвари давлат доир ба ҷараёни иҷрои супоришҳои қаблан додашуда ҷиҳати ба эътидол овардани вазъ дар кишвар маълумот пешниҳод гардид.

«Вазири корҳои дохилӣ Ерлан Тургумбоев ба президент дар бораи ҷараёни чорабиниҳои фаврӣ-профилактикии «Қонун ва тартибот» дар тамоми минтақаҳои кишвар ҳисобот дод. Мусодираи аслиҳае, ки ғайриқонунӣ дар дасти аҳолӣ нигоҳ дошта мешавад, давом дорад. Ба иттилои ин ниҳод, аз рӯи далелҳои терроризм, куштор, зӯроварӣ нисбат ба мансабдорони давлатӣ, авбошӣ, ҳамла ба биноҳои давлатӣ ва дигар ҷиноятҳо дар маҷмӯъ 1822 парвандаи ҷиноӣ оғоз гардида, 116 парвандаи ҷиноятӣ ба прокуратураҳо оид ба парвандаҳои махсус ирсол карда шудаанд», — гуфта мешавад дар изҳороти хадамоти матбуот.

Ёдовар мешавем, ки дар аввали соли равон, 2 январ дар яке аз кишварҳои узви СААД- Қазоқистон эътирозҳо ба вуқӯъ пайвастанд, ки баъдан ба бетартибӣ ва ҳамла ба ниҳодҳои давлатӣ табдил шуданд. Мақомоти интизомӣ дар Қазоқистон баъди бетартибиҳо қариб 8 ҳазор нафарро боздошт карданд.

                                              АКС аз манбаъҳои боз

Январь 24, 2022 13:07

Хабарҳои дигари ин бахш

Ҷавонон бояд қарзи шаҳрвандӣ — таҳсили илму дониш ва саҳмгузорӣ дар пешрафти Ватанро софдилона иҷро намоянд
Тоҷикистон дар мубориза бо қочоқ ва муомилоти ғайриқонунии маводи нашъаовар нақши калидӣ дорад
Ҳайати Тоҷикистон дар чорабиниҳои канорӣ дар доираи иҷлосияи 67-уми Комиссияи Созмони Милали Муттаҳид оид ба воситаҳои нашъадор иштирок намуд
Дар Вена ҳамкории Тоҷикистон бо Чин ва Эрон дар мубориза бо муомилоти ғайриқонунии маводи нашъадор баррасӣ шуд
Ҷаласаи гурӯҳҳои кории ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон баргузор гардид
Ҳайати Тоҷикистон дар чорабинии канории Қазоқистон дар Вена иштирок намуд
Дар Вена оид ба сиёсати зиддимухаддиротии Ҷумҳурии Тоҷикистон маълумот дода шуд
Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир гардид
Тарбияи ватандӯстӣ — омили муттаҳидии миллат дар мубориза бар зидди ифротгароӣ ва хурофотпарастӣ
Ҳайати Тоҷикистон дар иҷлосияи 67-уми Комиссияи Созмони Милали Муттаҳид оид ба воситаҳои нашъадор дар Вена иштирок дорад
14 МАРТ-ИДИ КАСБИИ КОРМАНДОНИ ПРОКУРАТУРА. Давоми 32 сол фаъолияти ин ниҳоди давлатӣ ба таври назаррас тақвият ёфт
Эмомалӣ Раҳмон: «Хурофот хатарест, ки ба имрӯзу ояндаи Тоҷикистон ва минтақа таҳдиди ҷиддӣ дорад»