Дар ноҳияҳои Сангвору Лахш ва шаҳри Турсунзода ҷашни Садаро таҷлил намуданд
ЛАХШ, 25.01.2022 /АМИТ «Ховар»/. Дар шаҳри Турсунзода ва ноҳияҳои Сангвору Лахш иди Сада бо риояи суннатҳои аҷдодӣ ва шукӯҳу шаҳомати хосса таҷлил гардид. Фаъолону кишоварзон ва дигар сокинон дар макони баргузории ин чорабиниҳо гулхан афрӯхта, дар атрофи он бо хурсандӣ давр зада, омодагии худро ба давраи муҳайё сохтани шароит барои кишту кори баҳорӣ иброз доштанд, хабар медиҳад мухбири минтақавии АМИТ «Ховар».
Дар маросими таҷлили ин ҷашни таърихӣ намоишгоҳҳои идонаи иборат аз маҳсулоти кишоварзӣ, ниҳол, гулу буттаҳо, тухмии зироати кишоварзӣ, олоти меҳнати марди деҳқон, маҳсулоти ҳунарҳои мардумӣ ва анвои гуногуни хӯрокҳои миллӣ ташкил шуданд, ки аз меҳнати содиқонаву софдилонаи кишоварзони шаҳри Турсунзода ва ноҳияҳои Лахшу Сангвор дарак медиҳанд.
Масъулини мақомоти иҷроияи ҳокимияти давлатии шаҳри Турсунзода гуфтанд, ки ҷашни Сада аз ҷовидонии хуршеди оламтоб башорат дода, ифодаи пайванди зиндагии инсонҳо бо табиат, давраи омодагӣ ба истиқболи баҳору Наврӯз, инчунин омодагӣ ба кишту кори баҳорӣ ва дигар корҳои кишоварзӣ мебошад.
Хушбахтона, соли 2021 кишоварзони шаҳри Турсунзода ба андозаи беш аз як миллиард сомонӣ маҳсулоти кишоварзӣ истеҳсол намуданд, ки нисбат ба соли гузашта беш аз 200 миллион сомонӣ зиёд мебошад. Дар ин давра зиёда аз 29 ҳазор тонна маҳсулот, аз ҷумла 24 ҳазор тонна ангур ба мамлакатҳои дуру наздик содирот гардид, ки нисбат ба ҳамин давраи соли гузашта 23 ҳазор тонна зиёд аст.
Раиси ноҳияи Сангвор Маҳмадшоҳ Давлатзода ба хабарнигори АМИТ «Ховар» Субҳониддини Маҳмуд изҳор дошт, ки «Мояи шодмонист, ки кишоварзони ноҳия имсол низ ҷашни расмии Садаро бо дастовардҳои ҷолиби меҳнатӣ пешвоз мегиранд. Кишоварзӣ дар ноҳияи Сангвор соҳаи асосӣ ва афзалиятнок ба ҳисоб рафта, зиёда аз 70 фоизи аҳолии қобили меҳнат дар соҳаи кишоварзӣ фаъолият мекунанд. Хушбахтона, маҷмӯи маҳсулоти кишоварзии ноҳия соли 2021 ба 218,8 миллион сомонӣ баробар гардид, ки ин нишондиҳанда нисбат ба соли 2020 12 миллиону 900 ҳазор сомонӣ зиёд мебошад».
АКСҲО: мақомоти иҷроияи шаҳру ноҳияҳои Лахш, Турсунзодаю Сангвор
Аз 1 январ раёсат дар Шуро оид ба авиатсия ва истифодаи фазои ҳавоии ИДМ ба Тоҷикистон гузашт
Дар «Саноатсодиротбонк» оид ба нуктаҳои Паёми Президенти Тоҷикистон ба Маҷлиси Олӣ ҳамоиш доир шуд
Ҳаҷми истеҳсоли маҳсулоти саноатӣ дар Минтақаи озоди иқтисодии «Панҷ» ба 17 миллион сомонӣ баробар гардид
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
Дар Ишкошим зеристгоҳи барқии «Қозидеҳ» ба истифода дода мешавад
Дар Вазорати рушди иқтисод ва савдо оид ба иҷрои супоришҳои Президенти Тоҷикистон дар Паём ба Маҷлиси Олӣ ҷаласа доир шуд
