Дар Вазорати рушди иқтисод ва савдо оид ба шарҳи ҷанбаҳои иқтисодии Паёми Пешвои миллат ҳамоиш доир шуд
ДУШАНБЕ, 4.01.2022. /АМИТ «Ховар»/. Имрӯз дар Вазорати рушди иқтисод ва савдо оид ба шарҳи ҷанбаҳои иқтисодии Паёми Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии кишвар аз 21 декабри соли 2021 ҳамоиш баргузор гардид. Дар он роҳбарият, раиси кумита оид ба иқтисод ва молияи Маҷлиси намояндагони Маҷлиси Олии Ҷумҳурии Тоҷикистон Машраб Файзуллозода, кормандони дастгоҳи марказии вазорат ва Маркази миллии патенту иттилоот ширкат варзиданд, иттилоъ доданд аз Вазорат ба мухбири АМИТ «Ховар».
Вазири рушди иқтисод ва савдо Завқӣ Завқизода баён дошт, ки Паёми Президенти Ҷумҳурии Тоҷикистон муҳтарам Эмомалӣ Раҳмон барномаи рушди кишвар барои 5 соли оянда мебошад, зеро дар он ҳадафу афзалият ва дурнамои нишондиҳандаҳои асосии рушди соҳаҳои иқтисоди миллӣ муайян гардидаанд. Аз ҷумла, дар ин давра рушди иқтисодӣ на кам аз 7 фоиз таъмин гардида, беш аз 500 ҳазор ҷойҳои нави корӣ таъсис ёфтанд. Даромади пулии аҳолӣ беш аз 2 баробар зиёд мегардад, ҳиссаи табақаи миёнаи аҳолӣ ба 45 фоиз расонида шуда, дар натиҷа сатҳи камбизоатӣ то 15 фоиз коҳиш дода мешавад. Зимни ирои Паёми навбатӣ солҳои 2022–2026 Солҳои рушди саноат эълон карда шуданд.
Раиси кумита оид ба иқтисод ва молияи Маҷлиси намояндагони Маҷлиси Олии Ҷумҳурии Тоҷикистон Машраб Файзуллозода иброз намуд, ки Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар рушди соҳаҳои иҷтимоӣ, бахусус маориф, тандурустӣ ва ҳифзи иҷтимоӣ ва ба ин васила беҳтар намудани неруи зеҳнию инсонии кишвар нақши муҳим мебозад.
Зикр гардид, ки дар Паёми Пешвои миллат муҳтарам Эмомалӣ Раҳмон ба вазорату идораҳои дахлдор, аз ҷумла Вазорати рушди иқтисод ва савдо ҷиҳати пешгирии таъсири хавфҳои эҳтимолӣ ба иқтисоди миллӣ ва таъмини рушди иқтисодии устувори кишвар, истифодаи самараноку оқилонаи имконияту захираҳои мавҷуда ва дарёфти сарчашмаҳои нави рушди иқтисодӣ, баланд бардоштани қобилияти рақобати истеҳсолоти ватанӣ, ҷалби сармоя ва татбиқи стратегияву барномаҳои давлатӣ вазифагузориҳо карда шудааст.
Роҳбарият ва кормандони вазорат бо масъулияти баланд тасмим гирифтанд, ки Паёми роҳбари давлатро сармашқи фаъолияти худ қарор дода, ҷиҳати иҷрои сифатнок ва саривақтии нақшаи чорабиниҳои Паём чораҷӯӣ намоянд.
АКС аз Вазорати рушди иқтисод ва савдои ҶТ
КАМ АСТ Ё ЗИЁД? Тоҷикистон дар се моҳи аввали соли равон 600 тонна моҳӣ истеҳсол намудааст
БА ИСТИҚБОЛИ 25-СОЛАГИИ ВАҲДАТИ МИЛЛӢ. Қитъаи роҳи Шкев-Қалъаихум ба истифода дода мешавад
Дар Тоҷикистон барои соҳибкорони инфиродии тибқи патент ё шаҳодатнома фаъолияткунанда тартиби нави андозбандӣ муқаррар гардид
«Моликияти зеҳнӣ ва ҷавонон: Инноватсия барои ояндаи беҳтар». Таҳти чунин унвон дар Душанбе ҳамоиш доир шуд
Татбиқи «Барномаи рушди нақлиёти барқӣ дар Ҷумҳурии Тоҷикистон барои солҳои 2022-2026» истифодаи электромобилҳоро афзоиш медиҳад
ПАНҶСОЛАИ РУШДИ САНОАТ. ҶДММ «Тоҷфилиз» дар се моҳ ба маблағи зиёда аз 2 миллион сомонӣ маҳсулот истеҳсол намуд
ТАЪМИНИ АМНИЯТИ ОЗУҚАВОРӢ. Дар Маркази назорати давлатии санитарию эпидемиологии Суғд бо масъулини соҳаи савдо мулоқот доир шуд
«Somon Air» дар масири Душанбе-Алмато-Душанбе ҳафтае ду маротиба парвоз анҷом медиҳад
Дар Душанбе дурнамои нишондиҳандаҳои рушди соҳаҳои воқеии иқтисоди миллӣ баррасӣ гардид
Дар ноҳияи Ҷалолиддини Балхӣ вобаста ба содироти маҳсулоти кишоварзӣ ҷаласа доир шуд
Дар Душанбе рушди ҳамкории мутақобилан судманди Тоҷикистон ва Дафтари Швейтсария оид ба ҳамкории иқтисодӣ баррасӣ гардид
НАМОИШГОҲИ «ИННОПРОМ.Осиёи Марказӣ». Дар он маҳсулот ва хизматрасонии 28 корхонаи Тоҷикистон ба намоиш гузошта шудааст
