Дар вилояти Хатлон даъвати тирамоҳӣ натиҷагирӣ ва баҳорӣ ба нақша гирифта шуд

Январь 13, 2022 09:40

ДУШАНБЕ, 13.01.2022 /АМИТ «Ховар»/. Комиссариати ҳарбии вилоят фаъолияти худро дар асоси талаботи Фармони Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Фармони Вазири мудофиаи Ҷумҳурии Тоҷикистон ба роҳ монда, то давраи ҳисоботӣ нақшаи даъватро 100,1 фоиз иҷро намуд. Вале ҳоло ҳам дар самти ҷалби ҷавонон ба сафи Қувваҳои мусаллаҳи кишвар мушкилиҳо зиёданд. Мо  танҳо дастҷамъона ва бо бурдани корҳои фаҳмондадиҳӣ миёни ҷавонони синни  хизматӣ метавонем дар ин раванд саҳм гузорем. Ин нуктаро  муовини Раиси вилояти Хатлон Акрам Сулаймонзода 12 январ зимни баргузории  ҷаласаи корӣ оид ба натиҷагирӣ аз даъвати тирамоҳии ҷавонон, сафарбарӣ ба сафи Қувваҳои мусаллаҳи кишвар ва нақша барои даъвати баҳорӣ баён дошт. Дар ин бора аз шуъбаи иттилоотию таҳлилии дастгоҳи раиси вилояти Хатлон ба АМИТ «Ховар» хабар доданд.

Дар кори ҷаласа комиссари ҳарбии вилоят, прокурори ҳарбии гарнизони Бохтар, комиссарони ҳарбии шаҳру ноҳияҳои минтақаи Бохтар, кормандони мақомоти қудратӣ, мудирони шуъбаву сохторҳои дахлдори вилоятӣ, муовинони раисони шаҳру ноҳияҳои минтақаи Бохтар иштирок намуданд.

Дар ҷараёни ҷаласа зикр шуд, ки Прокуратураи ҳарбии гарнизони Бохтар вобаста ба ҳолати риоя ва иҷрои талаботи Қонуни Ҷумҳурии Тоҷикистон «Дар бораи уҳдадориҳои ҳарбӣ ва хизмати ҳарбӣ» ва фармони Президенти Ҷумҳурии Тоҷикистон ва дигар санад ва оиномаҳои корӣ ҳангоми гузаронидани таҳлилҳо аз рӯи аризаҳои шикоятии сокинон якчанд далели қонунвайронкуниҳоро дар ҳайати комиссияҳои даъватии шаҳру ноҳияҳо ошкор намуд. Ҳамзамон  нисбат ба афсарон ва дигар нафароне, ки ҳангоми даъвати ҷавонон ба сафи қувваҳои мусаллаҳи кишвар қонунро вайрон кардаанд, тибқи талаботи қонунҳои амалкунанда тадбирҳои мушаххас андешида шуданд.

Ҳамчунин пешниҳод гардид, ки барои шавқманд намудани ҷавонону наврасон дар муассисаҳои таълимии вилоят омӯзиши фанни омодагии дифои ҳарбӣ ба таври зарурӣ ба роҳ монда шавад.

Муовини раиси вилоят ба комиссари ҳарбии вилоят, прокурори ҳарбии гарнизони Бохтар, комиссарони ҳарбии шаҳру ноҳияҳои минтақаи Бохтар, кормандони мақомоти қудратӣ, мудирони шуъбаву сохторҳои дахлдори вилоятӣ, муовинони раисони шаҳру ноҳияҳо дастур дод, ки ба маъракаи даъвати баҳории ҷавонон ба сафи қувваҳои мусаллаҳи кишвар таваҷҷуҳи ҳамаҷониба зоҳир намуда, ташаббускор шудаванд. Ҳамчунин дар ҳудуди маҳал бо ҷавонон корҳои фаҳмондадиҳӣ бурда,  суҳбату вохӯриҳоро дар ин самт зиёд намоянд.

 

АКС аз шуъбаи иттилоотию таҳлилии дастгоҳи раиси вилояти Хатлон

Январь 13, 2022 09:40

Хабарҳои дигари ин бахш

ПОСДОРОНИ СУЛҲИ ТОҶИКИСТОН АЗ ҚАЗОҚИСТОН БАРОМАДАНД. Онҳо курсантҳои тоҷикро, ки барояшон вақти таътил аст, бо худ гирифтанд
Фармондеҳи қӯшунҳои Ҳавзаи марказии низомии Русия фармондеҳи нави пойгоҳи ҳарбӣ дар Тоҷикистонро муаррифӣ намуд
КДАМ ҶТ: Тоҷикистон аз Пекин ҷиҳати баргузории бехатар ва муваффақонаи Олимпиада қатъиян пуштибонӣ мекунад
Тоқаев изҳор дошт, ки хуруҷи неруҳои СААД аз Қазоқистон пас аз ду рӯз оғоз мешавад
Вазири корҳои хориҷии Чин ба пешгирии ҷанг дар Осиёи Марказӣ даъват намуд
ВКХ Қазоқистон аз иштироки масъулони бетартибиҳо дар амалиёти ҷангӣ хабар дод
Сардори Раёсати МТС: Ҳадаф аз ирсоли неруҳои посдори сулҳи СААД ин таъмини амният ва осудагии аҳолии осоиштаи Қазоқистон аст
ВКД ҚАЗОҚИСТОН ХАБАР МЕДИҲАД. Зимни амалиёт беш аз 3 ҳазор нафар боздошт ва 26 нафар ҷинояткорон маҳв карда шуданд
Президенти Қазоқистон эълом дошт, ки тартиботи конститутсионӣ дар кишвар барқарор шуд
Дабири кулли СААД дар бораи он ки неруҳои посдори сулҳ дар Қазоқистон чӣ кор хоҳанд кард, изҳори назар намуд
Дар Душанбе соли 2022 «Соли танзим ва риояи қоидаҳои ҳаракат дар роҳ» эълон карда шуд
Дар Қувваҳои Мусаллаҳи Тоҷикистон соли хониш оғоз гардид

Хабарҳои муҳимтарин

Маводҳои таҳлилӣ