ЭҲТИЁТ БОШЕД! Роҳи мошингарди «Рӯшон – Бартанг» муваққатан баста шуд
ДУШАНБЕ, 07.01.2022 /АМИТ «Ховар»/. Бориши барф ва баъдан обшавии он сабаби фаромадани тарма гардида, дар натиҷа шоҳроҳи 92-километраи Рӯшон-Бартанг, ки тавассути деҳаи Савноби ноҳияи Рӯшони ВМКБ мегузарад, баста шуд, иттилоъ медиҳад Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон.
Тавре манбаъ хабар медиҳад, 6 январ борону барфи пуршиддат сабаби фаромадани тарма ва мушкил гардидани ҳаракати нақлиёт дар шоҳроҳи «Рӯшон-Бартанг» гардиданд.
Барои рафъи оқибатҳои тармафароӣ дар ин минтақа кормандони хадамоти роҳи Вазорати нақлиёт бо ҷалби техникаи махсус фаъолият бурда истодаанд. Корҳои тозакунии роҳи мошингард идома дошта, роҳ муваққатан баста шудааст.
Ёдовар мешавем, ки хавфи тармафароӣ ва резиши санг дар мавзеъҳои кӯҳии мамлакат боқӣ мемонад.
Дар робита ба ин, Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон бори дигар аз сокинон даъват мекунад, ки боэҳтиёт бошанд ва ҳушёриро аз даст надиҳанд.
АКС аз бойгонӣ
Дар хоҷагиҳои кишоварзии Ҳисор маъракаи пахтачинӣ оғоз гардид
Дар Иссиқкӯл Бозиҳои XXIV байналмилалии варзишии кишварҳои ИДМ ва СҲШ баргузор мешаванд
Имрӯз дар водиҳои Тоҷикистон ҳаво то 38 дараҷа гарм мешавад
Дар Мастчоҳ вохӯрии вакили Маҷлиси намояндагон бо интихобкунандагон доир шуд
Мутахассисони алоқа «таҳаввулоти рақамӣ» пешбинӣ менамоянд
Олимони тоҷик аз қитъаҳои заминҳои таҷрибавӣ дар Яғноб ҳосили хуб гирифтанд
Имрӯз дар ноҳияҳои кӯҳии Тоҷикистон ҳаво то 30 дараҷа гарм мешавад
Дар шаҳри Бӯстон бахшида ба соли нави таҳсил ҳамоиш доир шуд
Дар ноҳияи Рӯдакӣ сохтмони муассисаи томактабии «Ёсуман» ба анҷом расид
Бахшида ба Рӯзи дониш дар Донишкадаи кӯҳию металлургии Тоҷикистон ҳамоиш баргузор шуд
МАЪРИФАТ — ПОЙДОР, ИЛМУ АДАБ — УСТУВОР. Дар ноҳияи Ёвон Рӯзи дониш ва Дарси сулҳ таҷлил гардид
Имрӯз дар шаҳри Душанбе ҳаво то 35 дараҷа гарм мешавад
