Хабарнигори АМИТ «Ховар» дар Русия бо мукофоти соҳавии Вазорати меҳнат, муҳочират ва шуғли аҳолӣ қадрдонӣ гардид
ДУШАНБЕ, 25.01.2022. /АМИТ «Ховар»/. Хабарнигори Агентии миллии иттилоотии Тоҷикистон «Ховар» дар Федератсияи Русия Садбарг Боқиева бо мукофоти соҳавии «Аълочии Вазорати меҳнат, муҳоҷират ва шуғли аҳолии Ҷумҳурии Тоҷикистон» қадрдонӣ карда шуд(ДАР АКС).
Мукофоти мазкур имрӯз зимни ҳамоиши расмӣ, ки дар Вазорати меҳнат, муҳоҷират ва шуғли аҳолии Ҷумҳурии Тоҷикистон бахшида ба Рӯзи кормандони соҳаи меҳнат ва ҳифзи иҷтимоии аҳолӣ баргузор шуд, тақдим гардид.
Вазири меҳнат, муҳоҷират ва шуғли аҳолӣ Ширин Амонзода зикр кард, ки дар даврони 30 соли Истиқлоли давлатӣ ислоҳоти соҳаҳои фаъолияти вазорат гузаронида шудаанд, ки барои рушд ва сифатан беҳтар гардидани заминаҳои меъёрии ҳуқуқӣ, сатҳи зиндагии аҳолӣ, муносибатҳои меҳнатӣ ва дигар хизматрасониҳо муосидат намуд.
Таъкид гардид, ки ҳадафҳои минбаъдаи вазорат ба рушди самтҳои фаъолият равона шуда, аз Паёми навбатии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон манша мегиранд, ки фароҳам овардани заминаҳои мусоид барои таъмини шуғли пурмаҳсул аз ҷумлаи онҳо буда, айни замон лоиҳаи Консепсияи шуғли пурмаҳсул дар Ҷумҳурии Тоҷикистон барои давраи то соли 2040 таҳия гардидааст, ки барномаҳои миёнамуҳлати татбиқи он барои зина ба зина баланд бардоштани сатҳи зиндагии аҳолӣ заминаҳои воқеӣ фароҳам меоварад.
Дар ҳамоиш бахшида ба Рӯзи кормандони соҳаи меҳнат ва ҳифзи иҷтимоии аҳолӣ барои ноил гардидан ба дастовардҳо ва комёбиҳои хизматӣ як гурӯҳ кормандон низ бо мукофотҳои соҳавӣ қадрдонӣ карда шуданд.
АКС: Вазорати меҳнат, муҳоҷират ва шуғли аҳолии ҶТ
«ЯК МАТОВУ САД РАНГ». Фестивал-озмун имкон медиҳад, ки арзишҳои фарҳанги миллӣ ҳифз ва тарғиб карда шаванд
РӮЗИ БАЙНАЛМИЛАЛИИ ҲАДЯИ КИТОБ. Фаъолияти хуби китобхонаҳо воситаи муҳими китобхон шудани ҷомеа мегардад
ИҚДОМИ «ТОҶИКОНА МЕПӮШЕМ!». Ба либоси миллӣ – мероси аҷдодонамон арҷ мегузорем
Дар Хуҷанд масъалаи эҳё ва рушди ҳунарҳои бадеии халқӣ баррасӣ гардид
«ДИРӮЗ, ИМРӮЗ ВА ФАРДОИ ФАРҲАНГИ ТОҶИК». Таҳти чунин унвон дар Душанбе конференсияи ҷумҳуриявӣ доир гардид
Дар Тоҷикистон Озмуни ҷумҳуриявии «Роҳнамои беҳтарин» баргузор мешавад
Дар Давҳа намоиши ҳунарҳои мардумӣ ва барномаи консертии Рӯзҳои фарҳанги Ҷумҳурии Тоҷикистон доир гардид
Дар Давлати Қатар Рӯзҳои фарҳанги Ҷумҳурии Тоҷикистон идома доранд
Таҳти унвони «Робиаи Балхӣ — нахустбонуи соҳибдевони адабиёти тоҷику форс» конференсияи байналмилалӣ баргузор мешавад
Фаъолияти инноватсионӣ-методии китобхонаҳоро қонунгузории Ҷумҳурии Тоҷикистон чӣ гуна муқаррар намудааст?
«ҶАВОНОН — ЗИДДИ ТЕРРОРИЗМ». Таҳти ин унвон дар Осорхонаи миллӣ намоиши асарҳои рассомони ҷавон оғоз шуд
ПАЁМЕ, КИ НАВИДИ ПИРӮЗИҲОСТ. Иҷрои дастурҳои он роҳнамои миллати тоҷик барои фатҳи қуллаҳои нави армонҳои миллӣ аст
