Тоҷикистон ва Узбекистон масъалаи барқарорсозии ҳаракати автобусҳоро баррасӣ намуданд
ДУШАНБЕ, 17.01.2022 /АМИТ «Ховар»/. Дар Тошканд ҷаласаи навбатии комиссияи муштараки ҳамлу нақли байналмилалии автомобилии Тоҷикистон ва Узбекистон баргузор гардид, хабар медиҳад АМИТ «Ховар» бо истинод ба Вазорати нақлиёти Ҷумҳурии Тоҷикистон.
Ҷаласа таҳти раёсати муовини Вазири нақлиёти Тоҷикистон Шоиста Саидмуродзода ва муовини Вазири нақлиёти Узбекистон Абусамад Муминов баргузор гардида, ҷонибҳо вазъи ҳамкории дуҷониба ва бисёрҷонибаро дар соҳаи нақлиёти автомобилии байналмилалӣ баррасӣ намуданд. Ҳамчунин дар ҷаласа ҷараёни иҷрои созишномаҳои баимзорасида дар ин самт мавриди баррасӣ қарор гирифта, ҷонибҳо доир ба барқарор намудани ҳаракати автобусҳо байни ду кишвар, ки бар асари пандемияи коронавирус мутаваққиф шуда буд, табодули афкор намуданд. Ҳамчунин дурнамои рушди долони нақлиётии Узбекистон-Тоҷикистон-Чин матраҳ гардид.
Дар ҷаласа масоили ҳамкории минбаъдаи судманд миёни ду давлат дар мавриди нақлиёти автомобилӣ ва интиқоли бор, ташкили интиқоли мусофирон тавассути автобусҳо, лоиҳаи Протокол оид ба даровардани тағйиру иловаҳо ба Созишнома миёни давлатҳо оид ба ҳамлу нақли автомобилӣ, табодули таҷриба дар соҳаи нақлиёти автомобилӣ ва ғайра баррасӣ гардиданд.
Ёдовар мешавем, ки ҳаракати автобусҳо миёни Тоҷикистон ва Узбекистон 15 майи соли 2018 пас аз 26 соли таваққуф барқарор гардид. Аммо аз 16 марти соли 2020 ба далели пандемияи коронавирус Узбекистон ҳаракати нақлиётро аз кишварҳои дигар ба қаламраваш маҳдуд кард ва аз 1 сентябри соли 2021 тадриҷан ба лағви маҳдудият шурӯъ намуд.
Моҳи октябри соли гузашта пас аз танаффус бар асари пандемия автобусҳои ширкати нақлиётии Тоҷикистон «Asian Express» ҳамарӯза дар хатсайри Хуҷанд – Тошканд – Хуҷанд ҳаракат мекунанд.
АКС: Вазорати нақлиёти ҶТ
Дар Тоҷикистон беш аз 19 ҳазор тонна гӯшти паранда истеҳсол гардидааст
Дар ноҳияи Ҷалолиддини Балхӣ пахтачинӣ оғоз ёфт
Дороиҳои «Саноатсодиротбонк» дар нимсолаи якуми соли 2025 афзоиш ёфтааст
Муовини Сарвазири Тоҷикистон дар ноҳияи Мастчоҳ бо кишти такрорӣ ва нашъунамои пахта шинос шуд
Буфатима Турганбоева: «Грантҳои президентӣ имкон медиҳанд, ки занони соҳибкор дар рушди саноатикунонии Тоҷикистон саҳм гузоранд»
НИШАСТИ МАТБУОТӢ. «Амонатбонк» ба муштариён беш аз 1 миллиард сомонӣ қарз пешниҳод намудааст
НИШАСТИ МАТБУОТӢ. Аз ҷониби судҳои иқтисодӣ, коллегияҳои кассатсионию назоратӣ ва Раёсати Суди Олии иқтисодӣ 1924 парванда баррасӣ гардид
НИШАСТИ МАТБУОТӢ. Дар Шаҳринав дар шаш моҳ ду корхонаю коргоҳи истеҳсолӣ ба истифода дода шуд
Дар шаҳри Кӯлоб ҳаҷми умумии маҳсулоти кишоварзӣ ба беш аз 382 миллион сомонӣ расид
Оид ба роҳҳои баланд бардоштани ҳосилнокии картошка дар минтақаҳои доманакӯҳ ҳамоиши ҷумҳуриявӣ доир шуд
Қабули Қатъномаи СММ оид ба зеҳни сунъӣ дастоварди муҳими байналмилалии Тоҷикистон дар соҳаи инноватсия ва технологияҳои рақамӣ аст
НИШАСТИ МАТБУОТӢ. Сомонаҳои 45 мақомоти давлатӣ ба «Интернет портали ягонаи давлатӣ — «eHukumat.tj» пайваст карда шудаанд
