Варзишгарони тоҷик дар Чемпионати Осиё оид ба бокс миёни 16 давлат сабқат менамоянд

ДУШАНБЕ, 20.01.2022. /АМИТ «Ховар»/. Аз 21 то 30 январ дар шаҳри Тошканди Узбекистон бори аввал Чемпионати Осиё оид ба бокс миёни ҷавонони то 22-сола баргузор мегардад, ки дар он варзишгарони марду зан аз 16 давлат, аз ҷумла ҷумҳуриҳои Тоҷикистон, Узбекистон, Тайиланд, Ҷопон, Филиппин, Муғулистон, Қирғизистон ва Малайзия  иштирок менамоянд, иттилоъ медиҳад АМИТ «Ховар» бо истинод ба сомонаи Кумитаи миллии олимпии Тоҷикистон.

Дастаи мунтахаби Тоҷикистон оид ба бокс дар ҳайати 19 нафар (14 мард, 5 зан) ба Тошканд сафарбар гардид.

Варзишгаронро дар ин сафар мураббиён Мирзо Шамсиев, Парвиз Ахмедов, Носирҷон Азимов, Эмомалӣ Малаев, Хуршед Абдуллоев, Асомиддин Бурҳонов, Равшан Ёқубов ҳамроҳӣ мекунанд.
Ҳамчунин довари дараҷаи байналмилалӣ аз Тоҷикистон Акмалҷон Абдуллоев барои ҳакамии муҳорибаҳо ба ин мусобиқа даъват шудааст.

АКС аз Кумитаи миллии олимпии Тоҷикистон