Ҷабҳаи муқовимати миллии Афғонистон ба ҷанги густурда бо толибон омодагӣ мегирад
ДУШАНБЕ, 07.02.2022 /АМИТ «Ховар»/. Ҷабҳаи муқовимати миллии Афғонистон (ҶММА) таҳти раҳбарии Аҳмад Масъуд дар саросари кишвар бар зидди толибон ҷанг эълон кардааст. Дар ин бора дар суҳбат бо «Afganistan International»сардори бахши равобити хориҷии ҶММА Алӣ Майсам Назарӣ изҳори назар намуд, иттилоъ додааст 6 феврал агентии хабаргузории русии «Sputnik».
Номбурда таъкид кардааст, ки ҷангиён моҳҳои наздик ба марҳилаи фаъоли ҳамла мегузаранд. Дар баробари ин Ҷабҳа ният дорад, ки ба муқобили радикалҳо то замони пурра аз ҳокимияти онҳо озод кардани ҷумҳурӣ мубориза барад.
Ба гуфтаи Назарӣ, ҶММА ба пирӯзии худ шубҳа надорад.
Қаблан намояндаи ҷабҳа аллакай аз нақшаҳои ҷанги калон бо толибон дар мусоҳиба бо рӯзномаи белгиягии Le Sur хабар дода буд. Ҳамон вақт вай зикр карда буд, ки ҷанговарон пас аз зимистон ба ҳуҷум мебароянд.
Ҳадафи аслии сафари Назарӣ ба Аврупо муътақид кардани намояндагони ин кишварҳо ба идомаи мубориза бо терроризм буд. Вай тазаккур дод, ки ҳукумати феълии Афғонистон аз ихтилоф пора-пора шуда, он «заиф ва идоранашаванда аст».
Бинобар сардии ҳаво, ҶММА вақтҳои охир амалиёти зиёд анҷом намедиҳад. Бо вуҷуди ин, ҷангиён ба муқобили толибон устуворона муқовимат мекунанд. Чанде пеш онҳо ба ифротгароён дар вилояти Панҷшер бори дигар ҳамла карданд. Ғайр аз ин, ҷабҳа бо ҷангҷӯён дар дигар вилоятҳои Афғонистон низ меҷангид.
Дар бораи тағйироти глобалӣ дар ҷумҳурӣ дар соли 2022 қаблан сардори неруҳои вижаи ҳукумати собиқи кишвар генерал Фарид Аҳмад низ таъкид намуда буд.
Дар навбати худ коршинос оид ба Афғонистон Андрей Серенко изҳор кард, ки ҶММА ба амалиёти ҷангӣ омодагӣ мегирад ва барномаи сиёсиро фаъолона таҳия мекунад.
Ёдовар мешавем, ки пас аз тасарруфи қудрат дар ин ҷумҳурӣ аз сӯи толибон маҳз Панҷшер чанд муддат ягона вилояте буд, ки аз ҷониби ҷангҷӯён таҳти назорат қарор надошт. Дар ин вилоят Ҷабҳаи муқовимати миллӣ ташкил карда шуд, ки он ҳоло ҳам муборизаро бо тундгароён давом медиҳад.
АКС: © AFP 2021/AHMAD SAHEL ARMAN
Дар панҷ соли охир музди меҳнати амалкунандаи кормандони мақомоти ҳифзи ҳуқуқ дар Тоҷикистон 100 фоиз зиёд карда шуд
Дар Қувваҳои мусаллаҳи Тоҷикистон даври якуми таҳсил оғоз гардид
Дар Раёсати Вазорати корҳои дохилӣ дар вилояти Суғд доир ба ҳифзи ҳуқуқу манфиатҳои ноболиғон ҳамоиш доир шуд
Вазорати корҳои дохилӣ: «Ҳеҷ гоҳ корти бонкӣ ё маълумоти онро ба шахсони сеюм надиҳед»
Дар Палатаи ҳисоб оид ба сиёсати ҳуқуқии давлат дар самти пешгирӣ ва муқовимат ба экстремизм ва терроризм машварат доир шуд
Ҷаласаи Комиссия оид ба ҳолатҳои фавқулода ва мудофиаи граждании ноҳияи Шаҳринав баргузор шуд
Прокуратураи генералӣ: «Дар робита ба кушторҳои дар шаҳри Конибодом рухдода гумонбарон дастгир гардиданд»
Дар Вазорати мудофиаи Тоҷикистон оид ба ҷамъбасти даъвати тирамоҳӣ ҷаласа баргузор гардид
1500 нафар ҷавонони синни даъватии вилояти Суғд даври омӯзишии ронандагиро хатм намуданд
Дар шаҳри Бодканд вохӯрии гурӯҳҳои кории ҳайатҳои ҳукуматии Тоҷикистон ва Қирғизистон баргузор шуд
Бахшида ба Рӯзи таъсиси Воҳидҳои таъйиноти махсуси Вазорати корҳои дохилӣ ҳамоиш доир шуд
Мулоқоти ҳамраисони ҳайатҳои ҳукуматии Тоҷикистон ва Қирғизистон баргузор гардид
