Агентии назорати маводи нашъаовар соли 2021 дар Тоҷикистон пеши роҳи фаъолияти 3 гурӯҳи мутташакили ҷиноятиро гирифт
ДУШАНБЕ, 19.02.2022/АМИТ «Ховар»/. Соли 2021 Агентии назорати маводи нашъаовари назди Президенти Ҷумҳурии Тоҷикистон фаъолияти 47 гурӯҳи ҷиноятиро дар ҳайати 107 нафар ошкор ва 3 гурӯҳи муташаккили ҷиноятиро дар ҳайати 4 нафар қатъ гардонид. Дар ин бора зимни нишасти матбуотӣ 17 феврал директори Агентӣ Ҳабибулло Воҳидзода иттилоъ дод.
Таҳлили натиҷаҳои фаъолияти Агентӣ нишон медиҳад, ки соли 2021 159 ҷинояти вобаста ба маводи нашъаовар ошкор гардиданд, ки ин нисбат ба соли 2020 15 ҷиноят ё 10,4 фоиз зиёд мебошад.
Бино ба гуфтаи Ҳабибулло Воҳидзода, аз ин шумора 101 ҷиноят оид ба муомилоти ғайриқонунии воситаҳои нашъадор ё моддаҳои психотропӣ бо мақсади фурӯш, 27 ҷиноят оид ба муносибати ғайриқонунӣ бо воситаҳои нашъадор ё моддаҳои психотропӣ, 1 ҷиноят оид ба фасодхона, 14 ҷиноят оид ба қочоқи маводи нашъадор ва боқимондаро дигар ҷиноятҳои вобаста ба маводи нашъаовар ташкил медиҳанд.
«Дар ин давра аз ҷониби Агентӣ 134 парвандаи ҷиноятӣ нисбат ба 198 нафар ба судҳо ирсол гардида, ба молу мулки ҷинояткорон ба маблағи 344 ҳазору 200 сомонӣ ҳабс гузошта шуд», — тазаккур дод ӯ.
Тавре директори Агентӣ зикр кард, соли гузашта 289 ҳодисаи ҳуқуқвайронкунии маъмурӣ ошкор ва 315 нафар ба ҷавобгарии маъмурӣ кашида шуда, аз онҳо 235 ҳазору 422 сомонӣ ба буҷети давлат ҷарима ситонида шуд.
Дар ин давра ҳамчунин 20 нафар шахсони дар кофтукови ҷиноятӣ қарордошта дастгир карда шуданд.
Дар умум соли 2021 аз ҷониби мақомоти ҳифзи ҳуқуқ ва сохторҳои қудратии Ҷумҳурии Тоҷикистон 24 118 ҷинояти умумӣ ба қайд гирифта шуд, ки нисбат ба соли 2020 2,8 % ё 658 ҷиноят зиёд мебошад.
Аз шумораи умумии ҷиноятҳои бақайдгирифта 707 ҷиноят марбут ба маводи нашъадор мебошанд, ки дар қиёс ба соли 2020 1 фоиз ё 7 ҷиноят зиёд ба қайд гирифта шудааст. Аз шумораи умумии ҷиноятҳои дар ҷумҳурӣ бақайдгирифта 2,9 фоизро ҷиноятҳои мухаддиротӣ ташкил медиҳанд.
АКС: АМИТ «Ховар»
СААД баимзорасии Шартнома байни Тоҷикистон ва Қирғизистон дар бораи сарҳади давлатиро истиқбол менамояд
Барои кормандзанони мақомоти корҳои дохилӣ барномаи идонаи бошукуҳ доир гардид
Дар Душанбе ҷаласаи Комиссияи даъвати ҷумҳуриявӣ баргузор шуд
Котиби Шурои амнияти Ҷумҳурии Тоҷикистон бо Директори Кумитаи иҷроияи Сохтори минтақавии зиддитеррористии СҲШ мулоқот намуд
«БЕҲТАРИН РАСМИ МОДАР ВА ДУХТАР БО ЛИБОСИ МИЛЛӢ». Таҳти ин унвон озмун баргузор мегардад
Сарфармондеҳи Олии Қувваҳои Мусаллаҳ: «Артиши миллии Тоҷикистон ба яке аз рукнҳои муҳимми давлатдории навини тоҷикон мубаддал гардидааст»
ИМРӮЗ — РӮЗИ ТАЪСИСИ ҚУВВАҲОИ МУСАЛЛАҲИ ТОҶИКИСТОН. Давлат бо Артиши миллӣ муқтадиру пойдор мемонад
СИПАҲСОЛОРИИ ПЕШВОИ МИЛЛАТ. Артиши миллӣ — артиши дар ибтидо пароканда ва номукаммале, ки имрӯз ба қувваи бузург ва ифтихори тоҷикон табдил ёфтааст
ҶОННИСОР, ШАБЗИНДАДОР ВА БОИСИ ИФТИХОР! Имрӯз Артиши миллии Ҷумҳурии Тоҷикистон сипари боэътимоди давлат ва миллат аст
ЗАНОНИ НИЗОМИПӮШ. Дар баробари зан-модар будан масъулияти ҳимояи Ватанро низ бар дӯш доранд
Эмомалӣ Раҳмон: «Ҳимояи Ватан ва ҳаёти осоиштаи мардум барои ҳар ҷавонмарди бонангу номус вазифаи муқаддас ва пуршараф ба ҳисоб меравад»
Дар шаҳри Бишкек ҷаласаи муштараки ҳайатҳои ҳукуматии Тоҷикистону Қирғизистон оид ба делимитатсия ва демаркатсияи сарҳади давлатӣ баргузор шуд
