Академияи идоракунии давлатӣ бо 24 муассисаи таҳсилоти олии касбии мамлакатҳои Осиё ва Аврупо ҳамкорӣ ба роҳ мондааст
ДУШАНБЕ, 15.02.2022 /АМИТ «Ховар»/. Ҷиҳати баланд бардоштани сифати таълиму тарбия ва хизматрасонии таълимӣ-методӣ, идоракунии маъмурии донишҷӯ ва корманд, ташкили дурусти кор дар сохторҳо, дастрасӣ ба маълумоти дақиқ, таъмини шаффофият ва осон намудани кори кормандону омӯзгорон дар назди раёсати таълим шуъбаи автоматикунонии низоми таълим ва тестӣ ташкил карда шудааст, ки раванди автоматикунонии низоми таълими Академияро идора, назорат ва пеш мебарад, зикр намуд имрӯз зимни нишасти матбуотӣ ректори Академияи идоракунии давлатии назди Президенти Ҷумҳурии Тоҷикистон Абдухалил Ғафурзода.
Абдухалил Ғафурзода иброз дошт, ки соли 2021 дар Академияи идоракунии давлатӣ зинаи таҳсили магистратураи «Мактаби давлатдории Эмомалӣ Раҳмон» барои хизматчиёни давлатӣ ба фаъолият оғоз намуд. Дар он 46 нафар хизматчиёни давлатӣ ҳамчун магистранти зинаи магистратура таҳсил менамоянд. Зинаи магистратураи «Мактаби давлатдории Эмомалӣ Раҳмон» айни замон дар ду ихтисос «Идораи давлатӣ» ва «Сиёсати беруна ва дипломатия» бо забонҳои тоҷикӣ, англисӣ ва русӣ раванди таҳсилро ба роҳ мондааст.
Густариши робита ва ҳамкорӣ бо муассисаҳои таҳсилоти олии хориҷи мамлакат яке аз самтҳои дигари коргузории Раёсат ба шумор рафта, соли 2021 Академия бо 8 муассисаи олии хориҷӣ созишномаи ҳамкорӣ ба имзо расонидааст. Айни замон Академияи идоракунии давлатӣ бо 24 муассисаи таҳсилоти олии касбии мамлакатҳои Осиё ва Аврупо ҳамкорӣ ба роҳ мондааст.
Зикр гардид, ки давоми соли сипаришуда 8 нафар унвонҷӯи Академия рисолаҳои номзадии худро бо муваффақият дифоъ намуда, ҳамчунин 3 нафар кормандону омӯзгорон диссертатсияҳои докторӣ омода намуда, ба пешдифоъ пешниҳод намуданд.
Дар Академия Маркази иҷтимоии шахсони имконияташон маҳдуд ҷиҳати мусоидат ба амалишавии ҳуқуқҳои иҷтимоӣ, иқтисодӣ, фарҳангӣ ва сиёсии шахсони имконияташон маҳдуд таъсис дода шудааст. Раёсати Академия дар доираи дастуру ҳидоятҳои Пешвои миллат муҳтарам Эмомалӣ Раҳмон пайваста ба ятимон, нафарони имконияташон маҳдуд ва ашхоси камбизоат кумак менамояд.
Академия аз аввали соли 2019 ба сифати барандаи бурсияи байналмилалии «DECIDE» дар доираи барномаи «Erasmus+» бо муассисаҳои илмӣ ва таҳсилоти олии касбии кишварҳои Осиёи Марказӣ ва Иттиҳоди Аврупо лоиҳаи муштаракро барои дастгирии афроди имконияташон маҳдуд таҳти унвони «Рушди хизматрасонӣ ба ашхоси имконияташон маҳдуд» роҳандозӣ менамояд.
АКСҲО: АМИТ «Ховар»
Дар Душанбе ҷаласаи Шурои тандурустии кишварҳои аъзои Иттиҳоди Давлатҳои Мустақил доир мегардад
Дар назди Кумита оид ба таҳсилоти ибтидоӣ ва миёнаи касбӣ маҳфили «Фурӯғи субҳи доноӣ китоб аст» таъсис ёфт
Мавҷудияти деворҳои ҳимоявӣ дар шоҳроҳи Душанбе-Чанок ҷони нафарони зиёдро наҷот додааст
«ЗАНОН ВА ПАЁМ». Дар Хатлон 50 ҳазор занон дар соҳаи маориф фаъолият менамоянд
Дар роҳҳои кӯҳию наздикӯҳии Тоҷикистон хатари лағжиши тарма ва резиши сангу рег пешбинӣ мешавад
Ҳавои моҳи январи имсола нисбат ба соли 2024 гармтар пешгӯйӣ мешавад
Чаро ғизои дар ҳавопаймо дастрас маззаи хӯроки маъмулиро надорад?
ИНТИХОБОТИ ВАКИЛОНИ ХАЛҚ-2025. Интихобот ифодаи рушди демократия мебошад
БАРДОШТ АЗ ПАЁМ. Ҳар давлати миллӣ ба сифати арзишҳои миллӣ, пеш аз ҳама, забонро мавриди пуштибонӣ ва ҳимоя қарор медиҳад
ДАСТОВАРДИ ТАБИБОНИ ТОҶИК. Бори аввал дар самти бемории рагҳои мағзи сар ҷарроҳӣ ба тариқи эндоскопӣ гузаронида шуд
«МАҚОМИ ЗАНОН ДАР МЕҲВАРИ ПАЁМ». Дар шаҳри Душанбе ҳамоиши занону духтарон баргузор гардид
