Ҷаласаи гурӯҳи корӣ оид ба баҳодиҳии хавфи миллии қонунигардонии даромадҳои бо роҳи ҷиноят бадастоварда ва маблағгузории терроризм доир шуд
ДУШАНБЕ, 10.02.2022 /АМИТ «Ховар»/. Дар Бонки миллии Тоҷикистон ҷаласаи навбатии гурӯҳи корӣ оид ба баҳодиҳии хавфи миллии қонунигардонии даромадҳои бо роҳи ҷиноят бадастоварда ва маблағгузории терроризм (БХМ ҚД/МТ) таҳти роҳбарии мушовири бахши Ёрдамчии Президенти Ҷумҳурии Тоҷикистон оид ба масъалаҳои ҳуқуқии Дастгоҳи иҷроияи Президенти Ҷумҳурии Тоҷикистон Сайфиддин Сироҷзода бо иштироки намояндагони мақомоти дахлдор баргузор гардид, иттилоъ доданд ба АМИТ «Ховар» дар Бонки миллии Тоҷикистон.
Роҳбари Гурӯҳи корӣ Сайфиддин Сироҷзода иброз дошт, ки БХМҚД/МТ яке аз талаботи муҳими гурӯҳи татбиқи чораҳои молиявӣ (ФАТФ) ба ҳисоб рафта, дар он ба хавфҳои миллии кишварҳо баҳо гузошта мешавад. Аз ин рӯ, намояндагони мақомоти дахлдорро зарур аст, ки ҳангоми баҳогузорӣ хавфҳои ҷойдошта ва эҳтимолии кишвар ба инобат гирифта шаванд.
Инчунин дар ҷаласа директори Департаменти мониторинги молиявӣ ба аъзои гурӯҳи корӣ маълумот оид ба гузаронидани БХМ ҚД/МТ-и навбатӣ дар Ҷумҳурии Тоҷикистон ва рӯнамо вобаста ба рӯйхати саволномаҳоро, ки аз ҷониби коршиноси байналмилалӣ пешниҳод шудаанд, пешниҳод намуд. Роҳбарияти департамент зикр намуд, ки дар оянда вохӯрии коршиноси ҷалбшуда бо намояндагони вазорату идораҳои дахлдори ҷумҳурӣ вобаста ба масъалаҳои марбут ба баргузории БХМ ҚД/МТ-и навбатӣ дар назар дошта шудааст. Роҳбари гурӯҳи корӣ афзуд, ки нақши ҳар вазорату идора дар ҷараёни баргузории ин баҳодиҳӣ бо пешниҳоди маълумот тибқи саволномаҳо сурат гирифта, корҳо дар ин самт бояд сари вақт иҷро шаванд.
Мавриди зикр аст, ки БХМ ҚД/МТ бори нахуст дар кишварамон аз моҳи апрели соли 2015 то моҳи сентябри соли 2017 тибқи талаботи ФАТФ ва дар доираи кумаки техникии Бонки Осиёии Рушд ба Ҷумҳурии Тоҷикистон бо супориши Комиссияи доимоамалкунандаи байниидоравӣ оид ба муқовимат ба қонунигардонии (расмикунонии) даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом гузаронида шудааст.
АКС: Бонки миллии Тоҷикистон
Дар Остона Форуми соҳибкории Тоҷикистону Қазоқистон баргузор шуд
Дар оянда байни Тоҷикистон ва Амрико парвозҳои мустақими ҳавоӣ ба роҳ монда мешаванд
Ҳамкории Кумитаи рушди маҳали Тоҷикистон ва Бонки ҷаҳонӣ оид ба такмили низоми худидоракунӣ баррасӣ гардид
Таҳкими ҳамкории иқтисодию сармоягузории Тоҷикистону Ветнам баррасӣ карда шуд
Масъалаҳои тақвияти ҳамкорӣ дар самти бехатарии озуқаворӣ бо намояндагони Бонки ҷаҳонӣ баррасӣ шуданд
Байни Тоҷикистон ва Лаос масоили таҳкими ҳамкории сармоягузорӣ ва иқтисодӣ баррасӣ гардид
Ҳамкории Тоҷикистон ва Қирғизистон дар самтҳои тиҷорат, нақлиёт, сармоягузорӣ ва логистика густариш меёбад
Таҳкими ҳамкории Тоҷикистон бо ширкати «Smart Villages» -и Миср дар соҳаи инноватсия баррасӣ гардид
ҚУРБИ АСЪОР: 1 рубли русӣ аз 0.1020 то 0.1125 сомонӣ муқаррар шудааст
Вазири рушди иқтисод ва савдои Тоҷикистон дар чорабинии сатҳи баланди СПЕКА иштирок намуд
Файзиддин Қаҳҳорзода бо намояндагони Институти ҷаҳонии рушди сабз ва Комиссияи иқтисодӣ ва иҷтимоии СММ вохӯрӣ намуд
Ҷалби сармоя ба соҳаи фармасевтикаи Тоҷикистон бо иштироки сармоягузорони Чин баррасӣ гардид
