«АРТИШИ МИЛЛӢ – КАФИЛИ ИСТИҚЛОЛИ ДАВЛАТӢ». Таҳти чунин унвон дар ноҳияи Ашт маҳфили илмӣ – адабӣ доир шуд
ДУШАНБЕ, 16.02.2022. /АМИТ «Ховар»/. 15 феврал ба истиқболи 29-умин солгарди Рӯзи Қувваҳои мусаллаҳи Тоҷикистон дар толори Кумитаи иҷроияи Ҳизби Халқии Демократии Тоҷикистон дар ноҳияи Ашт таҳти унвони «Артиши миллӣ – кафили Истиқлоли давлатӣ» маҳфили илмӣ – адабӣ баргузор гардид. Дар ин бора ба мухбири АМИТ «Ховар» дар Мақомоти иҷроияи ҳокимияти давлатии ноҳияи Ашт хабар доданд.
Дар маҳфили илмӣ – адабӣ намояндагони Шӯрои вилоятии Ҳаракати ваҳдати миллӣ ва эҳёи Тоҷикистон, ректори Донишгоҳи давлатии ҳуқуқ, бизнес ва сиёсати Тоҷикистон Муъмин Шарифзода, раиси Кумитаи иҷроияи Ҳизби Халқии Демократии Тоҷикистон дар ноҳия Хушнуд Каримзода, раиси Шӯрои собиқадорони ҷангу меҳнати ноҳия Зафар Мамадҷонов, аъзои ноҳиявии Шӯрои Ҳаракати ваҳдати миллӣ ва эҳёи Тоҷикистон, фаъолон, собиқадорони хизмати давлатӣ, занони касбу кори гуногун, собиқадорони хизмати ҳарбӣ ва падару модарони аскарон ширкат варзиданд.
Дар ҷараёни баргузории маҳфили илмӣ – адабӣ иштирокдорон дар бобати садоқат ба Ватан, худшиносиву хештаншиносӣ маърӯза карда, аз ҷониби хонандагони муассисаҳои таълимии ноҳия шеърҳо дар васфи Ватан, сулҳ ва Пешвои миллат қироат карда шуданд.
Дар ин рӯз ҳамчунин раиси ноҳия Шӯҳрат Муҳаммадзода ва ректори Донишгоҳи давлатии ҳуқуқ, бизнес ва сиёсати Тоҷикистон Муъмин Шарифзода ба қисмҳои ҳарбии Вазорати мудофиаи Ҷумҳурии Тоҷикистон ва Сарраёсати Қӯшунҳои сарҳадии Кумитаи давлатии амнияти миллии Ҷумҳурии Тоҷикистон рафта, бо афсарону сарбозон ва ҳайати шахсӣ мулоқоти судманд анҷом дода, бо шароити будубош ва хизматии афсарону сарбозон аз наздик шинос гардиданд.
Бахшида ба 29-умин солгарди Рӯзи Артиши миллӣ барои афсарону сарбозон ва ҳайати шахсии қисмҳои ҳарбии мазкур дастурхони идона ороста шуд.
Инчунин аз ҷониби маъмурияти Донишгоҳи давлатии ҳуқуқ, бизнес ва сиёсати Тоҷикистон барои истироҳату фароғати афсарону сарбозони қисмҳои ҳарбӣ тӯби футбол, шашка, туҳфаҳои хотиравӣ ва китобҳои бадеӣ тақдим карда шуданд.
АКСҲО: Мақомоти иҷроияи ҳокимияти давлатии ноҳияи Ашт
Прокурорҳои генералии Тоҷикистон ва Узбекистон масоили муқовимат ба ҷинояткории фаромиллиро баррасӣ намуданд
10 РӮЗИ АМАЛИЁТИ ШАРТИИ «ТАСМАИ БЕХАТАРӢ» ВА «СКУТЕР». Зиёда аз 1000 ҳолати риоя нагардидани қоидаҳои ҳаракат дар роҳ ошкор гардид
Прокурори генералии Тоҷикистон дар ҷаласаи 6-уми прокуророни генералии давлатҳои аъзои СҲИ иштирок намуд
Ҷаласаи навбатии Кумитаи сардорони ситоди Қувваҳои Мусаллаҳи кишварҳои ИДМ баргузор гардид
БОВАРӢ БА ФОЛБИНУ СОҲИР МЕТАВОНАД БА АҚЛ ВА ФИКРИ ИНСОН ЗАРАР РАСОНАД. Ва ё чаро одамон ба фолбинҳо бовар мекунанд?
ҚОИДАҲОИ ҲАРАКАТ ДАР РОҲРО РИОЯ НАМОЕД! Бо иштироки мототсикл ва скутер 140 ҳодисаи роҳу нақлиёт сабт гардидааст
Ҷаласаи Мушовараи якҷояи вазоратҳои корҳои дохилии Ҷумҳурии Тоҷикистон ва Федератсияи Россия баргузор гардид
Дар Душанбе ҷаласаи ҳамоҳангсози сохторҳои қудратӣ ва мақомоти ҳифзи ҳуқуқ доир гардид
Ҷаласаи комиссияи даъвати ҷумҳуриявӣ оид ба омодагӣ ба даъвати тирамоҳии хизмати ҳарбӣ доир шуд
Наҷотдиҳандагони Тоҷикистон дар тамринҳои байналмилалии ҷустуҷӯӣ ва наҷотдиҳӣ дар Британияи Кабир иштирок намуданд
Gallup: Тоҷикистон аз ҷиҳати амну субот ва эътимоду боварии шаҳрвандон ба мақомоти ҳифзи ҳуқуқ дар ҷойи якум қарор гирифт
Тоҷикистон ба даҳгонаи давлатҳои амнтарини ҷаҳон шомил шуд
