Барномаи давлатии тарбия, интихоб ва ҷобаҷогузории кадрҳои роҳбарикунанда аз ҳисоби занону бонувони болаёқат барои солҳои 2023–2030 дар амал татбиқ мешавад
ДУШАНБЕ, 14.02.2022 /АМИТ «Ховар»/. Соли 2021 Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар Паёми навбатӣ аз 21 декабри соли 2021 ба Кумитаи кор бо занон ва оилаи назди Ҳукумати Ҷумҳурии Тоҷикистон супориш дода буданд, ки бо мақсади муайян намудани дурнамои фаъолияти занону бонувон дар иқтисоди миллӣ Стратегияи миллии фаъолгардонии нақши занон дар ҷомеа таҳия ва ба тасвиб расонида шавад. Тибқи дастуру супориши мазкур, соли гузашта ин стратегия барои солҳои 2021-2030 ва нақшаи амали он барои солҳои 2021- 2025 ба имзо расонида шуд. Дар ин бора имрӯз Раиси Кумитаи кор бо занон ва оилаи назди Ҳукумати Ҷумҳурии Тоҷикистон Ҳилолбӣ Қурбонзода зимни нишасти матбуотӣ ба хабарнигорон иттилоъ дод.
Мавсуф афзуд, ки ҳамзамон Пешвои миллат муҳтарам Эмомалӣ Раҳмон дар Паёми навбатӣ супориш дода буданд, ки аз ҷониби Кумитаи кор бо занон ва оилаи назди Ҳукумати Ҷумҳурии Тоҷикистон «Барномаи давлатии тарбия, интихоб ва ҷобаҷогузории кадрҳои роҳбарикунанда аз ҳисоби занону бонувони болаёқат барои солҳои 2023–2030» таҳия ва ба Ҳукумати мамлакат пешниҳод карда шавад. Дар айни замон барномаи мазкур аз ҷониби Кумита таҳия ва дар ҷаласаи васеъ бо иштироки намояндагони вазорату идораҳои дахлдор баррасӣ гардида, дар мувофиқа бо вазорату идораҳои Ҷумҳурии Тоҷикистон қарор дорад.
«Мо кӯшиш менамоем, ки дар муҳлати муайянгардида ин барномаро бо лоиҳаи қарор ба Ҳукумати Ҷумҳурии Тоҷикистон пешниҳод намоем»,-гуфт Раиси Кумитаи кор бо занон ва оила.
Ҳилолбӣ Қурбонзода зикр кард, ки айни замон давраи дуюми «Барномаи давлатии тарбия, интихоб ва ҷобаҷогузории кадрҳои роҳбарикунанда аз ҳисоби занону бонувони болаёқат барои солҳои 2023–2030» дар амал татбиқ гардида истода, мо барои амалӣ намудани давраи сеюм супориш гирифтем.
Дар доираи татбиқи барномаи мазкур чорабиниҳои гуногун аз ҷониби Кумита дар ҳамкорӣ бо Агентии хизмати давлатӣ, Академияи идоракунии давлатӣ гузаронида мешаванд.
Тибқи маълумоти Агентии хизмати давлатӣ, айни ҳол дар ҷумҳурӣ шумораи умумии хизматчиёни давлатӣ зиёда аз 18 ҳазор буда, 24,1 фоизи онро занон ва кадрҳои роҳбарикунанда 19,4 дарсадро ташкил медиҳанд, ки нисбат ба соли гузашта зиёд мебошад.
«Дар доираи татбиқи барнома мо дар якҷоягӣ бо Маркази миллии тестии назди Президенти Ҷумҳурии Тоҷикистон вобаста ба сатҳи фарогирии духтарон ба мактабҳои олӣ тадқиқот гузаронидем. Дар натиҷа маълум шуд, ки агар соли 2017 шумораи занону духтарони ба мактабҳои олии касбӣ барои таҳсил фаро гирифта 35 фоизро ташкил медод, ҳоло ин теъдод ба 45 фоиз расидааст.
Ҳамзамон агар соли 2017 6657 нафар занону бонувон ба ҳайси роҳбарони муассисаҳои гуногун фаъолият доштанд, имрӯз шумораи онҳо ба 10 ҳазору 950 адад расидааст»,- изҳор намуд Раиси Кумитаи кор бо занон ва оилаи назди Ҳукумати Ҷумҳурии Тоҷикистон Ҳилолбӣ Қурбонзода.
АКС: АМИТ «Ховар»
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
Пагоҳ дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
«Бисоз Life»: 2,5 маротиба бештар суҳбат намоед!
Имрӯз дар Тоҷикистон борон ва барф дар назар аст
Вобаста ба таҳким бахшидани ҳамкории милитсия бо ҷомеа дар ноҳияи Ёвон ҳамоиши маърифатӣ-ҳуқуқӣ доир гардид
Агентии амнияти химиявӣ, биологӣ, радиатсионӣ ва ядроӣ ҳамкориро бо Маркази ҷумҳуриявии илмии саратоншиносӣ тақвият мебахшад
Имрӯз дар баъзе ноҳияҳои Тоҷикистон барф меборад
Дар Боку таҳкими ҳамкории Тоҷикистон ва Донишгоҳи Академияи дипломатии Озарбойҷон дар соҳаи маориф ва илм баррасӣ шуд
