Дар Душанбе Олимпиадаи даставии «Истеъдод» ҷараён дорад
ДУШАНБЕ, 19.02.2022 /АМИТ «Ховар»/. Рӯзи дуюм аст, ки бахшида ба «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф», солҳои 2020-2040 дар шаҳри Душанбе аз ҷониби Муассисаи давлатии «Маркази дарёфт ва рушди истеъдодҳои назди Сарраёсати маорифи шаҳри Душанбе» Олимпиадаи даставии «Истеъдод» ҷараён дорад, иттилоъ доданд ба АМИТ «Ховар» дар Сарраёсати маорифи шаҳри Душанбе.
Олимпиадаи мазкур бо пайгирӣ аз сиёсати маорифпарваронаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва дастгирии Мақомоти иҷроияи ҳокимияти давлатии шаҳри Душанбе гузаронида мешавад.
Ҳадаф аз баргузории олимпиада — ин ҳавасманд намудани хонандагон ба омӯзиши амиқи фанҳои дақиқ ва дарёфту рушди қобилияти онҳо, миёни хонандагон тарғиб ва паҳн намудани донишҳои илмӣ – амалӣ аз фанҳои табиӣ – риёзӣ, рушди қобилияти зеҳнӣ ва эҷодии онҳо, ташвиқи хонандагони боистеъдод ба корҳои илмӣ, таҳқиқотӣ ва ихтироъкорӣ, ташаккули тафаккури илмӣ ва мантиқии хонандагон, бедор намудани завқи онҳо дар ҳалли масъалаҳои ғайриодӣ ва мусоидат намудан ба хонандагон дар интихоби бошууронаи касб ҷиҳати идомаи таҳсил дар зинаҳои минбаъдаи таҳсилот ба ҳисоб меравад.
Ёдовар мешавем, ки Олимпиадаи даставии «Истеъдод» соли дуюм аст, ки аз ҷониби Муассисаи давлатии «Маркази дарёфт ва рушди истеъдодҳои назди Сарраёсати маорифи шаҳри Душанбе» миёни хонандагони муассисаҳои таълимии пойтахт ба роҳ монда мешавад.
Дар олимпиадаи мазкур хонандагони синфҳои 7-11 муассисаҳои таълимии шаҳри Душанбе иштирок доранд. Аз ҳар ноҳияи пойтахт ду даста, 6 нафар хонанда аз литсей ва гимназияҳо (дастаи аввал) ва 6 нафар хонанда аз муассисаҳои таҳсилоти миёнаи умумӣ (дастаи дуюм) иштирок доранд, ки дар умум 48 нафарро ташкил медиҳад. Ҳар як иштирокчии даста аз 6 фан (математика, физика, химия, биология, технологияи иттилоотӣ ва география) иштирок менамояд.
Дар рӯзи аввали олимпиада аз ҷониби иштирокчиён масъалаҳое, ки қобилияти донишҳои зеҳнӣ талаб менамоянд, ҳал карда шуданд. Дар рӯзи дуюм супоришҳое, ки донишҳои назариявӣ талаб менамоянд, иҷро мегарданд.
Олимпиада аз рўйи натиҷаҳои ҳар як давр ҷамъбаст гардида, дастаи ғолиб аз рўйи натиҷаҳои ниҳоии холҳо муайян карда мешавад.
Хонандагоне, ки холҳои баланд ба даст меоранд, бо медал, диплом ва туҳфаҳои хотиравӣ аз ҷониби Сарраёсати маорифи шаҳри Душанбе ва Муассисаи давлатии “Маркази дарёфт ва рушди истеъдодҳои назди Сарраёсати маорифи шаҳри Душанбе” дар маросими ҷоизасупории ғолибони даври сеюми (шаҳрии) олимпиадаҳои фаннии хонандагони муассисаҳои таълимии шаҳри Душанбе қадрдонӣ карда мешаванд.
АКС: Сарраёсати маорифи шаҳри Душанбе








Намоишномаи «Робиаи Балхӣ» дар Фестивали байналмилалии театрӣ дар Москва ба саҳна гузошта шуд
Дар Душанбе даври ҷумҳуриявии озмуни «Библиомарафон» баргузор гардид
Дар Бохтар даври вилоятии Озмуни ҷумҳуриявии «Ҳунарманди сол» баргузор шуд
Ҳунармандони тоҷик дар Фестивали сеюми ҷаҳонии фарҳангии Карочӣ иштирок намуданд
Китоби «Забони миллат — ҳастии миллат»-и Президенти Тоҷикистон бо нуҳ забони хориҷӣ тарҷума ва нашр карда шуд
Ҳамкории Осорхонаи миллӣ бо муассисаҳои соҳавии Ҷумҳурии Корея густариш меёбад
Дар шаҳри Хуҷанд Фестивали оши палав ҷамъбаст шуд
Беҳтарин китобҳои тозанашри Тоҷикистон дар намоишгоҳи байналмилалӣ пешниҳод гардид
Дар Қазон масъалаи баргузории Рӯзҳои фарҳанги Тоҷикистон дар Тотористон баррасӣ гардид
Доир ба саҳми таърихии Борбади Марвазӣ конфронси байналмилалӣ баргузор мешавад
«ДОИРАБАЗМ». Дар Душанбе даври ниҳоии Озмуни ҷумҳуриявии созҳои зарбӣ баргузор мешавад
Нахустнамоиши филми муштараки Тоҷикистону Узбекистон «Дурахши ахтарон: Ҷомӣ ва Навоӣ» баргузор шуд






