Фарҳод Раҳимӣ: Барои дифои рисолаи илмӣ ва соҳиби унвони илмӣ шудан ҳуҷҷатгузорӣ монеа буда наметавонад
ДУШАНБЕ, 11.02.2022 /АМИТ «Ховар»/. Комиссияи олии атестатсионии назди Президенти Ҷумҳурии Тоҷикистон зиёда аз панҷ сол мешавад, ки фаъолият дорад. Санадҳои меъёрӣ-ҳуқуқӣ пурра аз ҷониби Ҳукумати мамлакат ба тасдиқ расида, олимон дар чаҳорчӯби ҳамин санадҳо фаъолият мекунанд. Талабот ба омода кардани рисолаи номзадӣ ва докторӣ аслан- ин пешдифоъ, дифоъ, омода кардани рисола, авторефират, чопи 3 мақола барои номзадӣ ва 15 адад барои доктори илм шудан дар маҷаллаҳои эътирофшуда мебошад. Ин матлабро Президенти АМИТ Фарҳод Раҳимӣ дар посух ба суоли рӯзноманигорон вобаста ба монеаҳои расмию ғайрирасмӣ дар мавриди ҳимояи рисолаҳои илмӣ аз ҷониби пажӯҳишгарон баён дошт.
Ҳамчунин зимни нишаст аз ҷониби рӯзноманигорон суол дода шуд, ки оё имкон мавҷуд аст, ки ҳуҷҷатгузорӣ ва шартҳои ҳимояи рисолаҳои номзадӣ ва докторӣ камтар карда шаванд?
«Ин талабот танҳо дар Ҷумҳурии Тоҷикистон мавҷуд нест, балки дар сатҳи ҷаҳонӣ чунин аст. Ҳангоме ки Ҷумҳурии Тоҷикистон ба як нафар диплом медиҳаду эътироф мекунад, ки кори илмӣ — таҳқиқотии анҷомдодаи муҳаққиқ ҷавобгӯи он аст, ки ин нафар соҳиби унвон ё дараҷаи илмӣ гардад ва бояд дар ҷаҳон пазируфта шавад, пас барои пазируфтан талабот ҳамин аст. Он нафаре, ки барои ҳимояи рисола ва соҳиби унвони дараҷаи илмӣ шудан талош мекунад, барояш ҳуҷҷатгузорӣ монеа буда наметавонад. Олиме, ки кори илмӣ — таҳқиқотии худашро шахсан навишта бошад, омода кардани ҳуҷҷат ҳамагӣ як ҳафтаи вақташро мегирад»,-посух дод Фарҳод Раҳимӣ .
-Баъзан ба мушоҳида мерасад, ки бидуни ҳимоя ба бархе нафарон унвони илмӣ дода мешавад,-изҳори нигаронӣ намуданд рӯзноманигорон дар нишасти мазкур
Вобаста ба ин масъала Президенти АМИТ Фарҳод Раҳимӣ гуфт, ки пештар дар баъзе самтҳои илм, аз ҷумла варзиш, санъат ва фарҳанг чунин ҳолатҳо буданд, ки бе дифои рисола унвони дотсент ва профессор дода мешуданд. Аммо тибқи талаботи имрӯза, ки мувофиқ ба санадҳои меъёрӣ-ҳуқуқӣ муқаррар гардидааст, бе дифои рисолаи докторӣ додани унвони дотсентӣ ва профессорӣ ғайриимкон аст.
АКС аз бойгонии АМИТ «Ховар»
Даври ниҳоии Озмуни ҷумҳуриявии «Донандаи беҳтарини асарҳои Пешвои миллат» оғоз гардид
ЗАБОН–САДОИ ХОТИРАИ МИЛЛАТ. Мулоҳизаҳои академик Фарҳод Раҳимӣ ба ифтихори Рӯзи забони давлатӣ
Президенти Тоҷикистон: «Мутахассисони соҳа бояд, ки истилоҳоти дурусту фаҳмо ва мувофиқ ба мазмуну муҳтавои соҳаҳои гуногунро барои истифода пешниҳод намоянд»
ЗАБОНИ МОДАРИИ МО—ЗАБОНИ ШИРИНУ ШЕВО ВА ШОИРОНАИ ТОҶИКӢ! Иқтибосҳо аз суханрониҳои Президенти Тоҷикистон Эмомалӣ Раҳмон
«ҶАҲОНИ РАССОМ». Дар Осорхонаи миллии Тоҷикистон намоиши асарҳои Дӯст Азизов ташкил гардид
Дар Душанбе Рӯзҳои синамои Қирғизистон доир мегарданд
Дар Осорхонаи миллии Тоҷикистон барои омӯзгорон сайри идонаи осорхонавӣ ташкил гардид
«НАМАКДОНИ МИЛЛАТ КАФИ ДАСТИ ӮСТ!». Таҳти чунин унвон китоби Давлат Сафар рӯнамоӣ гардид
ЗАБОН ВА 35 СОЛИ ИСТИҚЛОЛ. Бахшида ба Рӯзи забони давлатӣ конференсияи илмӣ-амалии ҷумҳуриявӣ доир шуд
Барои Сарвазири Тотористон ва ҳамроҳонаш сайри осорхонавӣ ташкил гардид
Вазирони корҳои дохилии ИДМ аз Осорхонаи миллии Тоҷикистон боздид намуданд
Ҳайати Донишкадаи давлатии фарҳанг ва санъати Тоҷикистон дар Фестивали байналмилалии донишҷӯёни ИДМ иштирок намуд
