Маркази миллии тестӣ: Нишондиҳандаи иштироки довталабон дар имтиҳонҳои соли 2021 нисбат ба давраи 2015-2020 пасттар аст
ДУШАНБЕ, 16.02.2022 /АМИТ «Ховар»/. Аз шумораи умумии довталабони азқайдгузаштаи дорои таҳсилоти миёнаи умумии синфи 11, ибтидоӣ ва миёнаи касбӣ соли 2021 дар ду даври имтиҳонҳо (асосӣ ва иловагӣ) 81712 нафарашон иштирок намуданд, ки ин аз шумораи умумии довталабон 89,27 фоизро ташкил медиҳад. Нишондиҳандаи иштироки довталабони мазкур дар имтиҳонҳои соли 2021 нисбат ба ҳамин нишондиҳандаи солҳои 2015-2020 пасттар аст. Инчунин нишондиҳандаи иштироки довталабони мазкур дар имтиҳонҳои соли 2021 нисбат ба нишондиҳандаи соли 2020, ки дар муқоиса бо ҳамаи солҳои баргузории ИМД баландтарин мебошад, 5,69 фоиз паст гардидааст.
Дар ин бора директори Маркази миллии тестии назди Президенти Ҷумҳурии Тоҷикистон Хуршед Икромӣ имрӯз зимни нишасти матбуотӣ ба хабарнигорон иттилоъ дод.
Ҳамчунин гуфта шуд, ки шумораи умумии комбинатсияи ихтисосҳое, ки тибқи нақшаи қабули тасдиқгардида барои қабули донишҷӯён ба муассисаҳои таълимӣ дар заминаи таҳсилоти умумии синфи 11 соли равон пешниҳод гардид, 3809-то буд, ки аз он 1260-тояш дар доираи муассисаҳои таълимии таҳсилоти миёнаи касбӣ ва 2549-тои дигараш дар доираи муассисаҳои таълимии таҳсилоти олии касбиянд. Шумораи умумии ихтисосҳое, ки тибқи нақшаи қабули тасдиқгардида барои қабули донишҷӯён ба муассисаҳои таълимии таҳсилоти миёнаи касбӣ дар заминаи таҳсилоти умумии асосии синфи 9 имсол пешниҳод гардид, 87 ададро ташкил дод, ки нисбат ба соли гузашта 8-то зиёд аст.
Хуршед Икромӣ зикр намуд, ки дар доираи гурӯҳҳои ихтисосҳо ҳиссаи бештари довталабони дар имтиҳонҳо иштирокдошта аз шумораи умумӣ соли 2021 ба гурӯҳи ихтисосҳои 4-ум – ҷомеашиносӣ ва ҳуқуқ 91,35 фоиз рост меояд. Аз рӯйи ин нишондиҳанда соли 2021 дар ҷойи 3-юм гурӯҳи ихтисосҳои 3-юм – филология, педагогика ва санъат (90,36 фоиз) қарор дорад.
Ба зикри мавсуф, нишондиҳандаи нисбатан пасти иштирокро дар соли 2021 довталабони гурӯҳи ихтисосҳои 1-ум – табиӣ ва техникӣ (85,89 фоиз) доранд. Нишондиҳандаи мазкур дар доираи гурӯҳи ихтисосҳои 2-юм – иқтисод ва география низ аз гурӯҳи ихтисосҳои 5-ум – тиб, биология ва варзиш фарқи зиёд надорад.
Дар ҷараёни нишаст гуфта шуд, ки иштироки нисбатан хуби довталабон дар имтиҳонҳо аз рӯйи минтақаҳо дар соли 2021 ба шаҳри Душанбе рост меояд, яъне тибқи ин нишондиҳанда дар ҳамаи солҳои баргузории ИМД иштироки довталабони шаҳри Душанбе дар имтиҳонҳо нисбатан фаъол аст.
АКС: АМИТ «Ховар»
«ХОНАНДАИ БЕҲТАРИНИ АСАРҲОИ ПЕШВОИ МИЛЛАТ». Озмуни ҷумҳуриявӣ ҷамъбаст гардид
«ПАНҶ ҚИТЪА». Таҳти чунин унвон дар Сирки давлатии Тоҷикистон намоиш баргузор мешавад
Мудирони Осорхонаи миллии Тоҷикистон ва Осорхонаи таърихи табиати Британияи Кабир таҳкими ҳамкориро дар Лондон баррасӣ намуданд
ЗИ ҲАМРОҲОН ҶУДОӢ МАСЛИҲАТ НЕСТ. Андешаҳои Шоири халқии Тоҷикистон Камол Насрулло ба муносибати Рӯзи Мавлоно
Муҳриддин Низомӣ: «Беш аз ҳаштсад сол аст мардум шефтаи рафтору гуфтор ва осори безаволи Мавлоно мебошанд»
НАЗМИ ОЛАМГИРИ МАВЛОНО. Дар Душанбе бахшида ба Рӯзи Ҷалолиддини Балхӣ маҳфили адабию фарҳангӣ баргузор гардид
«ХОНАНДАИ БЕҲТАРИНИ АСАРҲОИ ПЕШВОИ МИЛЛАТ». Адлия Шоева бо мақсади санҷиши дониш дар озмуни ҷумҳуриявӣ иштирок намуд
ГИРОМИДОШТИ ЗАБОНУ ФАРҲАНГ ДАР ОСОРИ МАВЛОНО. Дар Академияи миллии илмҳои Тоҷикистон конференсия баргузор гардид
Дар намоиши «Роҳи бузурги Абрешим» дар Осорхонаи Британия ёдгориҳои Тоҷикистон муаррифӣ шуданд
Олимон бо таҳқиқи зери пиряхи Туэйтс хавфи эҳтимолиро барои сайёра ошкор намуданд
Дар намоиши асарҳои рассомӣ дар Чин санъат ва фарҳанги миллати тоҷик муаррифӣ карда шуд
«ЗАБОН ВА ИСТИҚЛОЛ». Бахшида ба Рӯзи забони давлатӣ дар Душанбе конференсияи ҷумҳуриявӣ баргузор мегардад
