НИШАСТИ МАТБУОТӢ. Тибқи Кодекси нави андоз имтиёзҳо зиёд гардиданд, ки ин сабаби хавф мегардад. Чӣ бояд кард?
ДУШАНБЕ, 02.002.2022 /АМИТ «Ховар»/. Раиси Кумитаи андози назди Ҳукумати Ҷумҳурии Тоҷикистон Нусратулло Давлатзода имрӯз зимни нишасти матбуотӣ дар посух ба суоли рӯзноманигорон дар мавриди он ки дар сурати зиёд пешбинӣ гардидани сабукӣ ва имтиёз ба андозсупорандагон оё ин ҳолат сабаби иҷро нагардидани нақшаи андоз намешавад, чунин гуфт:
«Албатта, ҳангоме ки имтиёзҳо зиёд гардиданд, дар ин самт хавф ба вуҷуд меояд. Аммо дар ҳолати ташкили ҷойҳои нави корӣ, рушди истеҳсолот, ташкили коргоҳу корхонаҳои саноатии нав, дуруст истифода бурдани имтиёзҳо ва, аз ҳама муҳим, сари вақт супоридани андозҳою риояи қонунгузории мазкур аз ҷониби андозсупорандагон манбаъҳои иловагӣ ба миён омада, ин хавфро аз байн мебаранд».
«Кодекси нави андоз ба андозсупорандагон имтиёзи бештаре дода, ҳамзамон дар фаъолияти озоди соҳибкорӣ марҳилаи нав ворид менамояд. Аз ҷумла, шумораи андозҳо аз 10 ба 7 намуд кам карда шуда, меъёрҳои андозӣ аз даромади шахсони воқеӣ низ паст карда шудаанд. Қаблан он 8 ва 13 фоизро ташкил медод, вале дар кодекси нав 12% муқаррар гардидааст. Меъёри андоз аз даромади шахсони ҳуқуқӣ аз 23% ба 20% баробар карда шуд. Ҳамчунин он маблағҳое, ки сармоягузорон барои рушди фаъолияти соҳибкорӣ ва хариди таҷҳизоти нав ба корхона ворид мекунанд, дар шакли истеҳсолот аз 5 то 10% дар соли аввал пешбинӣ шудааст, ки ин ҳам ба рушди соҳибкорӣ мусоидат мекунад»,- иттилоъ дод ба хабарнигорон муовини Раиси Кумитаи андози назди Ҳукумати Ҷумҳурии Тоҷикистон Нарзулло Маликзода.
Мавсуф иброз дошт, ки тибқи моддаи 251-и Кодекси андоз, воридоти ҳама гуна таҷҳизоти кишоварзӣ, қисмҳои эҳтиётӣ барои онҳо ва таҳвили минбаъдаи он дар ҷумҳурӣ аз андоз озод карда шудааст.
Ҳамчунин зикр карда шуд, ки бо назардошти аз 1 январи соли равон мавриди амал қарор додани Кодекси андози Ҷумҳурии Тоҷикистон дар таҳрири нав ва бо мақсади бо шаҳрвандон, мутахассисион ва андозсупорандагон анҷом додани корҳои фаҳмондадиҳӣ оид ба муқаррароти Кодекси нави андоз дар кумита нақшаи чорабиниҳо қабул гардида, тибқи он дар якҷоягӣ бо вазорату идораҳои дахлдор 13 барномаи телевизионӣ омода ва намоиш дода шуд.
АКСҲО: АМИТ «Ховар»
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
Дар Вашингтон дурнамои ҳамкории Тоҷикистон бо Бонки ҷаҳонӣ дар самти рушди инфрасохтори роҳу нақлиёт баррасӣ шуд
Тоҷикистон ҳамкориро бо Барномаи ҷаҳонии озуқаворӣ дар самти устувории иқлимӣ тақвият медиҳад
То соли 2030 ҳаҷми савдо байни Тоҷикистон ва Қазоқистон ба 2 миллиард доллар расонида мешавад
Тоҷикистон ба таҷрибаи бузургтарин оператори бозори неруи барқи Аврупо — Nord Pool мароқ зоҳир намуд
Дар Бохтар таҳти роҳбарии муовини Сарвазири Тоҷикистон Усмоналӣ Усмонзода ҷаласаи гурӯҳи корӣ доир шуд
Хизматрасонии техникии зеристгоҳҳои конвертории тарҳи «CASA-1000» дар Тоҷикистон ва Покистон соли 2028 ба анҷом мерасад
