Пагоҳ дар шаҳри Ваҳдат намоиш-фурӯши китобҳои тозанашри Муассисаи нашриявии «Адиб» доир мешавад
ДУШАНБЕ, 25.02.2022 /АМИТ «Ховар»/. Пагоҳ дар майдони Қасри фарҳанги шаҳри Ваҳдат намоиш-фурӯши китобҳои тозанашри Муассисаи нашриявии «Адиб» доир мегардад, иттилоъ доданд ба АМИТ «Ховар» дар муассисаи мазкур.
Чун аънана дар ин намоиш — фурӯш низ як зумра шоирону нависандагони маъруфи тоҷик иштирок намуда, ба китобҳои харидаи иштирокдорон соядаст мегузоранд. Дар ин маъракаи фарҳангӣ донишҷӯёну омӯзгорон ва сокинони шаҳр бо шоирону нависандагони маъруфи тоҷик аз наздик шинос шуда, суҳбат менамоянд.
Ба гуфти масъулини Муассисаи нашриявии «Адиб», ҳадаф аз баргузории ин ярмарка ҳарчи бештар ба мардум дастрас намудани китоб аст.
Ёдовар мешавем, ки Муассисаи нашриявии «Адиб» тӯли се сол аст, ки иқдоми мазкурро дар саросари мамлакат амалӣ мегардонад. Дар доираи ин тадбири муҳими фарҳангӣ беш аз 5000 нусха китоб, ки фарогири асарҳои бадеӣ, адабиёти классикии форсу тоҷик, адабиёти муосири тоҷик, адабиёти ҷаҳон ва адабиёти кӯдакона бо забонҳои тоҷикӣ, русӣ, англисӣ, узбекӣ ва ҳуруфоти ниёгон мебошанд, ба фурӯш гузошта шуданд.
Хотиррасон мешавем, ки бори нахуст дар таърихи кишвар бо ибтикори Президенти Ҷумҳурии Тоҷикистон ва аз ҳисоби Фонди захиравии Сарвари давлат силсилаи китобҳои қаламкашони барҷастаи тоҷик «Ахтарони адаб» иборат аз 50 ҷилд бо сифати баланд ба нашр расид. Дар ин силсилакитоб осору ашъори адибони тоҷик аз Одамушшуаро Абӯабдуллоҳи Рӯдакӣ то нависандагону шоирони муосири мо гирд оварда шудаанд.
Маросими рӯнамоии силсилакитоби «Ахтарони адаб» ва китобҳои дигари тозанашр, ки тавассути нашриёти «Адиб» ба табъ расидаанд, 10 феврали соли равон дар толори Китобхонаи миллии Тоҷикистон бо иштироки олимону адибон, намояндагони муассисаҳои илмию фарҳангӣ ва иттиҳодияҳои эҷодии кишвар баргузор гардид.
АКСҲО: АМИТ «Ховар»
«ДОСТОНИ ХУДШИНОСӢ». Китоби нави Шоири халқии Тоҷикистон Давлат Сафар рӯнамоӣ гардид
Пагоҳ Душанбе мизбони Бозиҳои XX Делфии ҷавонони кишварҳои аъзои ИДМ мегардад
Даври ниҳоии Озмуни ҷумҳуриявии «Донандаи беҳтарини асарҳои Пешвои миллат» оғоз гардид
ЗАБОН–САДОИ ХОТИРАИ МИЛЛАТ. Мулоҳизаҳои академик Фарҳод Раҳимӣ ба ифтихори Рӯзи забони давлатӣ
Президенти Тоҷикистон: «Мутахассисони соҳа бояд, ки истилоҳоти дурусту фаҳмо ва мувофиқ ба мазмуну муҳтавои соҳаҳои гуногунро барои истифода пешниҳод намоянд»
ЗАБОНИ МОДАРИИ МО—ЗАБОНИ ШИРИНУ ШЕВО ВА ШОИРОНАИ ТОҶИКӢ! Иқтибосҳо аз суханрониҳои Президенти Тоҷикистон Эмомалӣ Раҳмон
«ҶАҲОНИ РАССОМ». Дар Осорхонаи миллии Тоҷикистон намоиши асарҳои Дӯст Азизов ташкил гардид
Дар Душанбе Рӯзҳои синамои Қирғизистон доир мегарданд
Дар Осорхонаи миллии Тоҷикистон барои омӯзгорон сайри идонаи осорхонавӣ ташкил гардид
«НАМАКДОНИ МИЛЛАТ КАФИ ДАСТИ ӮСТ!». Таҳти чунин унвон китоби Давлат Сафар рӯнамоӣ гардид
ЗАБОН ВА 35 СОЛИ ИСТИҚЛОЛ. Бахшида ба Рӯзи забони давлатӣ конференсияи илмӣ-амалии ҷумҳуриявӣ доир шуд
Барои Сарвазири Тотористон ва ҳамроҳонаш сайри осорхонавӣ ташкил гардид
