Русия ба табодули таҷрибаи хеш ҷиҳати ҳудудмуайянкунии* сарҳад миёни Душанбе ва Бишкек омода аст
ДУШАНБЕ, 11.02.2022 /АМИТ «Ховар»/. Русия омода аст, таҷрибаи ғании худро ҷиҳати ҳудудмуайянкунии сарҳад миёни Тоҷикистон ва Қирғизистон мубодила кунад. Дар ин бора зимни мусоҳиба бо ТАСС муовини Вазири корҳои хориҷии Русия Андрей Руденко изҳори назар намуд.
«Русия омода аст, таҷрибаи ҳудудмуайянкунии сарҳадро бо Душанбе ва Бишкек табодул намояд. Таҷрибаи мо ғанӣ аст. Хусусан бо ҳамсояи муштараки онҳо – Қазоқистон», — гуфт муовини вазир.
Руденко таъкид кард, ки вазъ дар сарҳади Қирғизистону Тоҷикистон дар водии Фарғона ноором боқӣ мондааст, ки ин ҳолат боиси нигаронии ҷиддии Русия мегардад. «Мо пайваста ҷонибдори ҳалли ҳама баҳсҳое ҳастем, ки танҳо бо роҳи сулҳомез ҳал мешаванд: риояи қатъии созишномаҳои оташбас, хуруҷи неруҳо ва техникаи ҳарбӣ, роҳ надодан ба барангехтани кинаю адовати миллӣ, аз ҷумла дар ВАО», — афзуд ӯ.
Ба гуфтаи ӯ, омили аввалини ин ҳодиса маълум аст. «То замоне ки мушкили делимитатсия ва демаркатсияи сарҳадҳо ҳал нашавад, такроршавии даргириҳоро истисно кардан мумкин нест. Сарҳадҳои ҳамоҳангнашуда низ хатари дигареро низ дар пай доранд — вуруди гурӯҳҳои тундрави радикалӣ, ки аъзои онҳо дар навбати худ нафарони аз ҷиҳати иҷтимоӣ осебпазирро ба сафи худ ҷалб мекунанд»,- гуфт Руденко.
Муовини вазири корҳои хориҷии Федератсияи Русия ҳамчунин зикр кард, ки СААД саъю кӯшиши Тоҷикистон ва Қирғизистонро барои ҳалли тамоми баҳсҳо дар руҳияи муттаҳидӣ ва ҳамсоягии нек, ки асоси фаъолияти ин Созмон мебошанд, ҷонибдорӣ мекунад.
Тавре ТАСС менависад, дарозии сарҳад миёни Тоҷикистон ва Қирғизистон тақрибан 980 километрро ташкил медиҳад, ки пас аз барҳамхӯрии Иттиҳоди Шӯравӣ дар он даҳҳо қитъаҳои баҳсбарангез боқӣ мондаанд. Ҳоло дар ҷараёни делимитатсия ва демаркатсияи сарҳад тақрибан 2/3 хати гузаргоҳи марз аллакай муайян шудааст. Дар баъзе минтақаҳо гоҳ-гоҳ миёни сокинони маҳаллии мавзеъҳои наздисарҳадӣ баҳсу муноқишаҳо ба амал меоянд.
АКС: © Sputnik / Нина Зотина
________________________________________
* Ҳудудмуайянкунӣ — ин корҳои кадастрӣ барои ба ду ё бештар тақсим кардани як қитъа мебошанд. Сарфи назар аз он ки истилоҳи ҳуқуқии “ҳудудмуайянкунӣ” вуҷуд надорад, худи ин тартиб аз ҷониби қонун хуб танзим карда мешавад ва инчунин метавонад барои равшан кардани сарҳадҳо дар баҳсҳо миёни ҳамсояҳо ва дар ҳолатҳои дигар талаб карда шавад.
СААД баимзорасии Шартнома байни Тоҷикистон ва Қирғизистон дар бораи сарҳади давлатиро истиқбол менамояд
Барои кормандзанони мақомоти корҳои дохилӣ барномаи идонаи бошукуҳ доир гардид
Дар Душанбе ҷаласаи Комиссияи даъвати ҷумҳуриявӣ баргузор шуд
Котиби Шурои амнияти Ҷумҳурии Тоҷикистон бо Директори Кумитаи иҷроияи Сохтори минтақавии зиддитеррористии СҲШ мулоқот намуд
«БЕҲТАРИН РАСМИ МОДАР ВА ДУХТАР БО ЛИБОСИ МИЛЛӢ». Таҳти ин унвон озмун баргузор мегардад
Сарфармондеҳи Олии Қувваҳои Мусаллаҳ: «Артиши миллии Тоҷикистон ба яке аз рукнҳои муҳимми давлатдории навини тоҷикон мубаддал гардидааст»
ИМРӮЗ — РӮЗИ ТАЪСИСИ ҚУВВАҲОИ МУСАЛЛАҲИ ТОҶИКИСТОН. Давлат бо Артиши миллӣ муқтадиру пойдор мемонад
СИПАҲСОЛОРИИ ПЕШВОИ МИЛЛАТ. Артиши миллӣ — артиши дар ибтидо пароканда ва номукаммале, ки имрӯз ба қувваи бузург ва ифтихори тоҷикон табдил ёфтааст
ҶОННИСОР, ШАБЗИНДАДОР ВА БОИСИ ИФТИХОР! Имрӯз Артиши миллии Ҷумҳурии Тоҷикистон сипари боэътимоди давлат ва миллат аст
ЗАНОНИ НИЗОМИПӮШ. Дар баробари зан-модар будан масъулияти ҳимояи Ватанро низ бар дӯш доранд
Эмомалӣ Раҳмон: «Ҳимояи Ватан ва ҳаёти осоиштаи мардум барои ҳар ҷавонмарди бонангу номус вазифаи муқаддас ва пуршараф ба ҳисоб меравад»
Дар шаҳри Бишкек ҷаласаи муштараки ҳайатҳои ҳукуматии Тоҷикистону Қирғизистон оид ба делимитатсия ва демаркатсияи сарҳади давлатӣ баргузор шуд
