Вазорати тандурустӣ ва ҳифзи иҷтимоии аҳолӣ муроҷиати шаҳрвандонро ба таври электронӣ ба роҳ мемонад
ДУШАНБЕ, 01.02.2022 /АМИТ «Ховар»/. Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ба хотири фаъолияти самараноки шуъбаҳои умумӣ дар дастгоҳи марказӣ, дастгоҳи марказии Хадамоти назорати давлатии фаъолияти тандурустӣ ва ҳифзи иҷтимоӣ, намояндагиҳои он дар вилоятҳои Хатлон, Суғд ва ВМКБ таҷҳизоти махсус (серверҳо) харидорӣ ва насб намуд, ки тавассути ин низом тартиби муроҷиати шаҳрвандон ба тариқи электронӣ роҳандозӣ мегардад, иттилоъ доданд ба АМИТ «Ховар» аз маркази матбуоти Вазорати тандурустӣ ва ҳифзи иҷтимоии аҳолии мамлакат.
31 январ барои кормандони шуъбаи умумии вазорат, мутахассисони Хадамоти назорати давлатии фаъолияти тандурустӣ ва ҳифзи иҷтимоӣ ва намояндагиҳои он дар вилоятҳо даври омӯзишӣ баргузор гардид. Зимни омӯзиш созандагони барнома, мутахассисони Лоиҳаи «Беҳтар намудани хизматрасонии тиббӣ» ва мутахассисони хадамот оид ба роҳу усулҳои муроҷиат, дастрас намудани он ба мутахассисону масъулон дар сатҳи деҳот, шаҳру ноҳия, вилоят ва ҷумҳурӣ андешаҳои худро баён намуданд.
Ҳамчунин ба ин таҷҳизот хати интернети оптикӣ гузаронида шудааст. Дар баробари ин, барои ин марказҳо таҷҳизоти компютерӣ харидорӣ ва насб карда шуд.
Дар самти амалишавии Лоиҳаи «Беҳтар намудани хизматрасонии тиббӣ» яке аз фаъолияти пешбинишуда- ин ворид намудани системаи электронии муроҷиати шаҳрвандон мебошад. Ин механизм дар доираи рушди ҳукумати электронӣ бо назардошти қонунҳои амалкунандаи Ҷумҳурии Тоҷикистон, аз ҷумла Қонуни Ҷумҳурии Тоҷикистон «Дар бораи муроҷиати шахсони воқеӣ ва ҳуқуқӣ» таҳия гардидааст.
Тавассути ин система тартиби муроҷиати шаҳрвандон ба тариқи электронӣ роҳандозӣ мегардад, ки ба сарфаи вақт ва маводи конселярӣ мусоидат мекунад. Бо дастрасӣ ба ин тартиб ҳамаи шаҳрвандони кишвар ва берун аз марзи Тоҷикистон қарордошта метавонанд тавассути почтаи электронӣ ва зангҳои телефонӣ бо дилхоҳ дархосту пешниҳод ва арзу шикоят ба муассисаҳои тандурустӣ муроҷиат кунанд.
Лоиҳа дар доираи фаъолияти худ ҷалби мутахассисон ва дастгирии онҳоро барои амалисозии босамари механизми мазкур ба роҳ мондааст.
АКС аз Вазорати тандурустӣ ва ҳифзи иҷтимоии аҳолии ҶТ
Дар Шанхай вохӯрии роҳбарони сохторҳои минтақавӣ оид ба ҳолатҳои фавқулодаи минтақаҳои наздимарзии давлатҳои аъзои СҲШ доир гардид
Даври ҷумҳуриявии Фестивал-озмуни «Беҳтарин армуғон» ҷамъбаст гардид
Нахустин маротиба дар Тоҷикистон амалиёти ҷарроҳӣ бе буриш аз даҳон гузаронида шуд
Дар шаҳри Хуҷанд Рӯзи байналмилалии оила таҷлил карда шуд
Муассисаҳои тиббии Тоҷикистон бо таҷҳизоти муосир таъмин карда мешаванд
Дар Тоҷикистон оид ба дарки коррупсия таҳқиқоти маҷмуии сотсиологӣ анҷом дода шуд
Дар «Боғи Ирам» Фестивал-озмуни «Беҳтарин армуғон» доир мегардад
Аввалин таҳқиқоти Маркази яхшиносии Тоҷикистон оид ба тавозуни зимистона гузаронида шуд
Масъалаи хизматрасонии тиббӣ ба модару кӯдак баррасӣ гардид
«Корвони саломатӣ». Ба сокинони деҳоти дурдасти вилояти Суғд хизмати ройгони тиббӣ расонида шуд
Наваскарони қисмҳои ҳарбии Вазорати мудофиаи Тоҷикистон савганди садоқат ёд намуданд
Дар Муассисаи давлатии «Боғи Ирам» даври сеюми Фестивал-озмуни «Беҳтарин армуғон» баргузор мешавад
