Юсуф Раҳмон: Аз ҷониби мақомоти Прокуратура беш аз 85 ҳазор қонунвайронкуниҳо ошкор гардиданд
ДУШАНБЕ, 02.02.2022 /АМИТ «Ховар»/. Соли 2021 вобаста ба назорати риояи иҷрои дақиқ ва якхелаи қонунҳо дар маҷмӯъ 6291 санҷишҳои прокурорӣ гузаронида шуда, 85 198 қонунвайронкунӣ ошкор гардида, ҳуқуқу манфиатҳои поймолшудаи 184 514 нафар шаҳрвандон барқарор карда шуд. Дар ин бора имрӯз зимни нишасти матбуотӣ Прокурори генералии Ҷумҳурии Тоҷикистон Юсуф Раҳмон маълумот дод, иттилоъ медиҳад хабарнигори АМИТ «Ховар» аз ҷараёни нишаст.
Ба гуфтаи Прокурори генералӣ, дар фаъолияти корӣ мақомоти Прокуратураи кишвар диққати асосиро ба таъмини иҷрои дастуру супоришҳои Асосгузори сулҳу ваҳдати миллӣ, Пешвои миллат, муҳтарам Эмомалӣ Раҳмон дода, тарзу усулҳои нави прокурорӣ ба роҳ монда, самаранокии фаъолиятро баланд бардоштанд.
Зикр гардид, ки соли 2021 дар ҷумҳурӣ 24 ҳазору 118 ҷиноят ба қайд гирифта шудааст, ки нисбат ба соли 2020 2,8 фоиз зиёд буда, кушодашавии онҳо 80,4 фоизро ташкил медиҳад.
Мавсуф зикр намуд, ки дар як вақт ҷиноятҳои одамкушӣ 4 адад, ғоратгарӣ 23 адад, авбошӣ 101 ва ҷиноятҳои дорои хусусияти экстремистӣ-террористӣ 143 адад нисбат ба соли қаблӣ камтар содир шудаанд. Ҳодисаҳои даст ба худкушӣ задани шаҳрвандон нисбат ба соли 2020 30 адад камтар содир шудаанд.
Иттилоъ дода шуд, ки баррасии саривақтию пурра ва холисонаи муроҷиатҳои шахсони воқеӣ ва ҳуқуқӣ, барқарорсозии ҳуқуқу манфиатҳои поймолшудаи онҳо таҳти назорати доимии роҳбарияти мақомот қарор гирифта, аз ҷониби дастгоҳи марказӣ 1750 нафар шаҳрвандон ба қабули шахсӣ пазируфта шуда, тавассути телефони боварӣ 178 муроҷиати шифоҳӣ ва тариқи интернет-қабулгоҳи Прокуратураи генералӣ 200 муроҷиати шахсони воқеӣ ва ҳуқуқӣ қабул ва чораҷӯӣ карда шудаанд.
АКСҲО: АМИТ «Ховар»
Дар Душанбе интиқолдиҳандаи маводи мухаддир бо 31 кг “ҳашиш” боздошт ва ба 13 соли зиндон маҳкум шуд
Кӯшиши интиқоли ғайриқонунии маводи нашъаовар дар сарҳади ҷанубии Тоҷикистон пешгирӣ карда шуд
Дар конфронси байналмилалӣ масъалаи ташаккули дониши кӯдакон оид ба бехатарии ҳаракат дар роҳ баррасӣ мегардад
Вазири мудофиаи Тоҷикистон дар Машварати навбатии вазирони мудофиаи давлатҳои аъзои Созмони ҳамкории Шанхай иштирок намуд
Вазири адлияи Тоҷикистон дар ҷаласаи нуздаҳуми Шурои вазирони адлияи давлатҳои аъзои ИДМ иштирок намуд
АРТИШИ МИЛЛӢ НА ТАНҲО ҚУДРАТИ ҲАРБӢ, БАЛКИ РАМЗИ ВАҲДАТ АСТ. Андешаҳои Вазири мудофиаи Ҷумҳурии Тоҷикистон дар ин мавзуъ
Котиби Шурои амнияти Тоҷикистон дар Вохӯрии 20-уми котибони шуроҳои амнияти давлатҳои аъзои СҲШ дар Пекин иштирок намуд
Қочоқи калони маводи мухаддир дар сарҳад бо Афғонистон пешгирӣ карда шуд
Дар ноҳияи Мир Саид Алии Ҳамадонӣ қочоқи беш аз 90 кг маводи мухаддир пешгирӣ гардид
Дар Хатлон гурӯҳи ҷиноятии фаромиллӣ бо 102 кг маводи нашъаовар дастгир шуд
Юсуф Раҳмон дар ҷаласаи навбатии Кумитаи Котибони шуроҳои амнияти давлатҳои аъзои СААД ва Вохӯрии дуюми Котибони шуроҳои амнияти Осиёи Марказӣ-Русия иштирок намуд
Намояндаи Тоҷикистон дар ҷаласаи Кумитаи амнияти САҲА дар Вена иштирок намуд
