35-СОЛАГИИ ИСТИҚЛОЛИ ТОҶИКИСТОН. Ба пешвози ин ҷашн дар Кӯлоб иншооти маданиву маишӣ ва хизматрасонӣ ифтитоҳ гардиданд
ДУШАНБЕ, 29.03.2022 /АМИТ «Ховар»/. Дар доираи таҷлили сазовори ҷашни 35-солагии Истиқлоли давлатии Ҷумҳурии Тоҷикистон бо ибтикори Мақомоти иҷроияи ҳокимияти давлатии шаҳри Кӯлоб ва ҷалби соҳибкорони ватанӣ дар шаҳри Кӯлоб якчанд иншооти маданиву маишӣ ва хизматрасонӣ мавриди баҳрабардорӣ қарор гирифтанд.
Тавре ба АМИТ «Ховар» дар бахши матбуоти Мақомоти иҷроияи ҳокимияти давлатии шаҳри Кӯлоб хабар доданд, бо иштироки раиси шаҳри Кӯлоб Бахтиёр Назарзода ва намояндаи Ҳукумати Ҷумҳурии Тоҷикистон Азим Иброҳим дар деҳаи Бахтободи Ҷамоати деҳоти «Зиракӣ» мағозаи фурӯши масолеҳи сохтмонӣ ва сехи истеҳсоли хишти сементӣ мавриди истифода қарор гирифта, 8 нафар сокинон бо ҷои кори доимӣ таъмин шуданд. Минбаъд сокинони чанд деҳаи ин ҷамоат имкон доранд, ки ин масолеҳи сохтмониро бо нархи дастрас аз ин нуқта харидорӣ кунанд.
Дар деҳаи Маҳмадалӣ Ғаффори ҷамоати мазкур аз тарафи соҳибкорон майдончаи варзишии футболи хурди ҷавобгӯ ба талаботи имрӯза мавриди баҳрабардорӣ қарор дода шуд. Ин тадбир дар заминаи ҷалби бештари наврасону ҷавонон ва сокинон ба ташаккули тарзи ҳаёти солим роҳандозӣ гардидааст. Ҳамчунин чунин майдончаи варзишии дигар дар Ҷамоати деҳоти «Даҳана» ба истифода дода шуд.
Инчунин дар деҳаи Лавоваи Ҷамоати деҳоти «Даҳана» бинои замонавии бунгоҳи тиббӣ муҷаҳҳаз бо таҷҳизоти тиббӣ мавриди истифода қарор дода шуд. Бояд гуфт, ки солҳои зиёд сокинони ин деҳа аз набудани бунгоҳи тиббӣ танқисӣ дошанд.
Дар хиёбони Исмоили Сомонии шаҳри Кӯлоб маркази чакандӯзӣ ва кошонаи ҳусн ба фаъолият оғоз намуд. Дар ин марказ занону бонувони ҳунарманд имкон доранд чакандӯзию кашидадӯзӣ ва дигар ҳунарҳои мардумиро равнақ бахшида, аз ҳисоби фурӯши маҳсулоти истеҳсолшуда сатҳи зиндагии хешро беҳтар намоянд.
Иттилоъ дода шуд, ки дар марказ беш аз 20 нафар ҳунармандон ҷалб шуда, метавонанд дар баробари омода сохтани армуғонҳо фармоиши ансамблҳо ва ширкатҳоро ҷиҳати омода намудани либоси саҳнавӣ қабул ва омода созанд.
АКСҲО:МИҲД-и шаҳри Кӯлоб
Дар мавзуи мубориза бо коррупсия барои ҷавонон дарси кушоди омӯзишӣ баргузор гардид
Гурӯҳи кории Хадамоти иҷро бо фаъолият ва шароити кории иҷрочиёни шаҳру ноҳияҳои Суғд шинос гардид
Дар шаҳри Истаравшан 4 муассисаи таълимӣ сохта мешавад
Президенти Ҷумҳурии Тоҷикистон Эмомалӣ Раҳмон дар ноҳияи Данғара корхонаи навбунёди ҶДММ «Оксус Интеразия»-ро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Данғара ба сохтмони марҳилаи дуюми корхонаи ҶДММ «Сипар Групп» санги асос гузоштанд
Пешвои миллат Эмомалӣ Раҳмон дар ноҳияи Данғара ба бунёди коргоҳи дару тиреза ва панелҳои алюминии ҶДММ «Куруши Кабир Индастри» санги асос гузоштанд
Тоҷикистон ба ҳайати Комиссияи панаврупоии Созмони ҷаҳонии тандурустӣ оид ба масъалаҳои иқлим ва тандурустӣ дохил шуд
Оилаи Саидвалӣ Тоиров аз ноҳияи Фирдавсии шаҳри Душанбе соҳиби Шоҳҷоизаи озмуни «Оилаи беҳтарин» гардид
«ОИЛА-МАКОНИ МЕҲРУ САДОҚАТ». Таҳти чунин унвон ҳамоиш доир шуд
ИМРӮЗ — РӮЗИ БАЙНАЛМИЛАЛИИ ОИЛА. Бунёди ҷомеаи солим ва тарбияи насли ояндасоз яке аз масъалаҳои муҳими оила аст
Дар Душанбе Озмуни ҷумҳуриявии «Оилаи беҳтарин» ҷамъбаст карда мешавад
ОГОҲӢ. Дар Тоҷикистон то 17 май ҳарорати ҳаво баланд мешавад
