Ҳайати Тоҷикистон дар ҷаласаи марбут ба минтақаҳои калидии гуногунии биологӣ дар Швейтсария иштирок намуд
ДУШАНБЕ, 19.03.2022 /АМИТ «Ховар»/. Ҳайати Тоҷикистон иборат аз кормандони масъули Кумитаи ҳифзи муҳити зисти назди Ҳукумати Ҷумҳурии Тоҷикистон дар чорабиниҳои канорӣ (сайд-ивент), ки доир ба масъалаи ҳифзи минтақаҳои калидии гуногунии биологӣ дар ҳошияи иҷлосияи Мақоми ёрирасони Конвенсияи Созмони Милали Муттаҳид оид ба гуногунии биологӣ дар шаҳри Женеваи Швейтсария доир гардид, иштирок намуд, иттилоъ доданд ба АМИТ «Ховар» дар Кумитаи ҳифзи муҳити зисти назди Ҳукумати Ҷумҳурии Тоҷикистон.
Дар ҷаласа тарафҳо ба мувофиқа расиданд, ки минтақаҳои калидии гуногунии биологӣ ҳамчун самти асосии ҳифзи гуногунии биологӣ ба ҳадафу вазифаҳои «Барномаи глобалии ҳифзи гуногунии биологӣ то соли 2030» ворид карда шаванд. Дар иртибот ба ин кишварҳои аъзои Конвенсия уҳдадор гардиданд, ки ҳифзу истифодаи оқилонаи ин минтақаҳоро таъмин намоянд.
Мавриди зикр аст, ки дар ҷаҳон 36 мавзеи арзишнок ва минтақаҳои калидии гуногунии биологӣ муайян карда шудаанд, ки ҳамчун макони зисти набототи нодиру камёфт ва намудҳои эндемикӣ муайян гардидаанд.
Ҳадди аққал дар онҳо 1500 намуди растаниҳои эндемикӣ мавҷуд буда, беш аз аз 70 фоизи он флораву набототи аслии табиии худро гум кардаанд.
АКСҲО: Кумитаи ҳифзи муҳити зисти назди Ҳукумати ҶТ
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳру ноҳияҳои Тоҷикистон борони кӯтоҳмуддат меборад
Дар Академияи миллии илмҳо бахшида ба 90 – солагии профессор Муқаддима Ашрафӣ конференсия баргузор шуд
Имрӯз дар баъзе шаҳру ноҳияҳои Тоҷикистон борони кӯтоҳмуддат меборад
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
