«ҲАМА ҶО АНҶУМАНИ НАВРӮЗ АСТ…». Дар Хоруғ ҳамоиши тантанавӣ бахшида ба ҷашни байналмилалии Наврӯз баргузор гардид
ДУШАНБЕ, 23.03.2022 /АМИТ «Ховар»/. 22 март дар Вилояти Мухтори Кӯҳистони Бадахшон ҳамоиши тантанавӣ бахшида ба ҷашни байналмилалии Наврӯз дар боғи фарҳангӣ-фароғатии шаҳри Хоруғ баргузор гардид, ки дар он Котиби шӯрои амнияти Ҷумҳурии Тоҷикистон Насрулло Маҳмудзода, Раиси Вилояти Мухтори Кӯҳистони Бадахшон Алишер Мирзонабот ва дигар намояндагони Ҳукумати Ҷумҳурии Тоҷикистон иштирок намуданд, хабар медиҳад АМИТ «Ховар» бо истинод ба мақомоти иҷроияи ҳокимияти давлатии ВМКБ.
Дар оғози чорабинӣ ҳайати расми аз намоишгоҳи соҳаи кишоварзии вилоят дидан намуда ба ташкилкунандагони намоишгоҳи мазкур баҳои баланд доданд. Баъд аз ҷамъбасти намоиш меҳмонон дар чорабинии фарҳангӣ бахшида ба ҷашни байналмилалии Наврӯз иштирок ва суханронӣ намуданд.
Раиси ВМКБ Алишер Мирзонабот сокинони вилоят ва меҳмононро ба муносибати рӯзи Наврӯзи ҷаҳонӣ табрику таҳният гуфта зикр кард, ки дар ин иди баҳорон сокиноне, ки дар ободонии Ватан саҳми худро пайваста мегузоранд, муборакбодии беандоза, умри дароз, саломатии комил, хушҳолии беканор ва баракати зиёди зиндагӣ насибашон бошад.
Котиби Шӯрои амнияти Ҷумҳурии Тоҷикистон Насрулло Маҳмудзода дар чорабинии бошукӯҳи фарҳангӣ бахшида ба ҷашни байналмилалии Наврӯз дар Вилояти Мухтори Куҳистони Бадахшон иштирок намуда сокинони вилоятро бо ин рузи саид аз номи Ҳукумати Ҷумҳурии Тоҷикистон табрику муборакбод намуд. Ӯ афзуд, ки дар солҳои Истиқлолияти давлатӣ дар кишвари мо эҳёи анъанаҳои ниёгон ва дар маҷмӯъ, масъалаи маънавиёт ҳамеша дар мақоми аввал қарор дошта, таҳти сарварии Пешвои миллат муҳтарам Эмомалӣ Раҳмон барои расидан ба ҳадафҳои ватандӯстона таҳаввулоти маданӣ амалӣ гардида, имкон оварда шуд, ки дар Тоҷикистон гузариши амиқи иҷтимоиву маданӣ ва баромадан ба зинаи нав дар тамоми ҷанбаҳои ҳаёт таъмин гардад.
Ёдовар мешавем, ки дар дигар ноҳияҳои Вилояти Мухтори Кӯҳистони Бадахшон низ тантанаҳои наврӯзӣ ҷараён гирифта, бо шукуҳу шаҳомат ва бо оростани дастархони идонаи «ҳафт син» ва «ҳафт шин» ин иди аҷдодиро таҷлил намуданд.
Аксҳо: МИҲД-и ВМКБ
«ДОСТОНИ ХУДШИНОСӢ». Китоби нави Шоири халқии Тоҷикистон Давлат Сафар рӯнамоӣ гардид
Пагоҳ Душанбе мизбони Бозиҳои XX Делфии ҷавонони кишварҳои аъзои ИДМ мегардад
Даври ниҳоии Озмуни ҷумҳуриявии «Донандаи беҳтарини асарҳои Пешвои миллат» оғоз гардид
ЗАБОН–САДОИ ХОТИРАИ МИЛЛАТ. Мулоҳизаҳои академик Фарҳод Раҳимӣ ба ифтихори Рӯзи забони давлатӣ
Президенти Тоҷикистон: «Мутахассисони соҳа бояд, ки истилоҳоти дурусту фаҳмо ва мувофиқ ба мазмуну муҳтавои соҳаҳои гуногунро барои истифода пешниҳод намоянд»
ЗАБОНИ МОДАРИИ МО—ЗАБОНИ ШИРИНУ ШЕВО ВА ШОИРОНАИ ТОҶИКӢ! Иқтибосҳо аз суханрониҳои Президенти Тоҷикистон Эмомалӣ Раҳмон
«ҶАҲОНИ РАССОМ». Дар Осорхонаи миллии Тоҷикистон намоиши асарҳои Дӯст Азизов ташкил гардид
Дар Душанбе Рӯзҳои синамои Қирғизистон доир мегарданд
Дар Осорхонаи миллии Тоҷикистон барои омӯзгорон сайри идонаи осорхонавӣ ташкил гардид
«НАМАКДОНИ МИЛЛАТ КАФИ ДАСТИ ӮСТ!». Таҳти чунин унвон китоби Давлат Сафар рӯнамоӣ гардид
ЗАБОН ВА 35 СОЛИ ИСТИҚЛОЛ. Бахшида ба Рӯзи забони давлатӣ конференсияи илмӣ-амалии ҷумҳуриявӣ доир шуд
Барои Сарвазири Тотористон ва ҳамроҳонаш сайри осорхонавӣ ташкил гардид
