Ҳамкории осорхонаҳои Тоҷикистон ва Узбекистон тақвият меёбад
ДУШАНБЕ, 03.03.2022 /АМИТ «Ховар»/. 2 март дар шаҳри Тошканди Ҷумҳурии Узбекистон директори Осорхонаи миллии Тоҷикистон Аҳлиддин Ибодуллозода бо директори Осорхона-мамнӯъгоҳи муҷтамаи давлатии таърихию меъморӣ ва санъати Самарқанд Самариддин Мустафоқулов шартномаи ҳамкорӣ ба имзо расонид, иттилоъ доданд ба АМИТ «Ховар» дар Осорхонаи миллии Тоҷикистон.
Шартномаи мазкур дар доираи сафари хизматии директори Осорхона ва кормандони он ба Узбекистон ва иштироки онҳо дар вохӯрии чоруми Гурӯҳи корӣ оид ба таҳияи намоишгоҳи сайёри «Мероси муштараки Роҳи Абрешим», ки 3-4 март дар шаҳри Тошканд баргузор мегардад, ба имзо расид.
Намоишгоҳи мазкур дар чаҳорчӯби лоиҳаи сесолаи Иттиҳоди Аврупо ва ЮНЕСКО зери унвони «Долонҳои мероси Роҳи абрешим дар Афғонистон, Осиёи Марказӣ ва Эрон — ҷанбаҳои байналмилалии Соли мероси фарҳангии Аврупо» ташкил мешавад.
Ҳадафи ба имзо расонидани шартнома — ин густариши ҳамкории осорхонаҳо дар самтҳои гуногун, аз ҷумла ҳамкории илмӣ ва иштирок дар чорабиниҳои гуногун мебошад. Ба роҳ мондани ҳамкорӣ бо ин осорхона махсусан дар самти илм шароит фароҳам меорад, ки дастовардҳои илмии осорхонаҳои ҳамдигар истифода ва дар рушди самтҳои дигари фаъолияти осорхонаҳо саҳми назаррас гузошта шавад.
Бояд гуфт, ки Осорхона-мамнӯъгоҳи муҷтамаи давлатии таърихию меъморӣ ва санъати Самарқанд соли 1874 таъсис ёфта, 8 осорхона, 6 ёдгории таърихӣ ва 4 зиёратгоҳро дар бар мегирад. Фонди осорхонаи мазкур беш аз 210 000 нигора дорад.
АКС: Осорхонаи миллии Тоҷикистон
Дар Донишкадаи санъати тасвирӣ ва дизайни Тоҷикистон даврҳои омӯзишии «Эбру», 3D ва колиграфия ифтитоҳ шуданд
«ЗЕБОИИ ТОҶИКИСТОН–МЕРОС БАРОИ ОЯНДА». Дар Бишкек намоишгоҳи санъати тасвирии Тоҷикистон ифтитоҳ ёфт
Дар Хуҷанд даври шаҳрии Озмуни ҷумҳуриявии «Тоҷикистон— Ватани азизи ман» оғоз шуд
Рӯзҳои кинои Ҷумҳурии Тоҷикистон дар Ҷумҳурии Қирғизистон ифтитоҳ гардиданд
Дар Душанбе Фестивали фарҳангии Тоҷикистону Корея-2026 баргузор мешавад
Дар Тоҷикистон Рӯзҳои фарҳанги Федератсияи Русия баргузор мешаванд
Дар доираи Рӯзҳои фарҳанги Тоҷикистон дар Қирғизистон ҳамоиши илмӣ — адабӣ баргузор гардид
Дар маҳфили Фирдавсӣ дар Теҳрон аз сиёсати фарҳангии Пешвои миллат Эмомалӣ Раҳмон ёдовар шуданд
Зафаршо Иброҳимзода: «Осорхонаҳо оинаи кишваркушои таърих, фарҳанг ва тамаддуни ҳар халқу миллат мебошанд»
«КӮДАКОНУ НАВРАСОН — ОЯНДАИ МИЛЛАТ». Бахшида ба 35-солагии Истиқлолияти давлатӣ Озмуни ҷумҳуриявии филмноманависон доир мегардад
«ГАНҶИНАИ ТАЪРИХ ВА ФАРҲАНГИ ТОҶИКОН». Таҳти ин унвон дар Тоҷикистон озмуни ҷумҳуриявӣ баргузор мешавад
Доир ба рушди соҳаи телевизион ва радио байни Тоҷикистон ва Чин Ёддошти тафоҳум оид ба ҳамкорӣ ба имзо расид
