Бахшида ба ҷашни Наврӯз дар Сарраёсати хадамоти давлатии оташнишонӣ мусобиқаи бандкашӣ баргузор шуд
ДУШАНБЕ, 17.03.2022 /АМИТ «Ховар»/. 16 март бахшида ба Иди байналмиллалии Наврӯз дар шаҳри Душанбе мусобиқаи даставии Сарраёсати хадамоти давлатии оташнишонии ВКД ҶТ оид ба бандкашӣ байни дастаҳои ҷузъу томҳои Хадамоти давлатии оташнишонии гарнизони шаҳр баргузор гардид. Дар натиҷа ҷойи аввалро дастаи варзишгарони Раёсати хадамоти давлатии оташнишонии шаҳри Душанбе, мақоми дуюмро дастаи варзишгарони қисми мустақили 5-и ҳарбикунонидашудаи Хадамоти давлатии оташнишонӣ оид ба муҳофизати ноҳияи Синои пойтахт ва зинаи сеюмро дастаи варзишгарони қисми мустақили 1-и ҳарбикунонидашудаи Хадамоти давлатии оташнишонӣ оид ба муҳофизати ноҳияи Шоҳмансури шаҳри Душанбе ишғол намуданд. Дар ин бора АМИТ «Ховар» бо истинод ба Вазорати корҳои дохилии Ҷумҳурии Тоҷикистон хабар медиҳад.
Дар мусобиқаи намуди бандкашӣ 17 дастаи варзишгарони Хадамоти давлатии оташнишонӣ байни худ қувваозмоӣ намуданд.
Тавре саркотиби мусобиқа-муҳандиси калони шуъбаи хизмат ва омодагии СХДО ВКД ҶТ, подполковники хизмати дохилӣ Шариф Шарифзода гуфт, мусобиқаи даставии мазкур мутобиқи қоидаҳои Федератсияи байналмиллалии TWIF (бо анъанаҳои миллӣ) таври олимпӣ, яъне хориҷ шудан баъди бохт гузаронида мешаванд. Ҳайати дастаҳо аз 7 нафар варзишгар ва 1 нафар мураббӣ иборат буда, дастаҳои варзишгарон мувофиқи қуръапартоиӣ қаблӣ бо якдигар рақобат мекунанд. Ғолибони мусобиқа бошанд, аз рӯи шумораи зиёди ғолибият муайян карда мешаванд.
Дар интиҳои чорабинӣ ёрдамчии сардори СХДО, подполковники милитсия Аслиддин Шоҳиён ба ғолибони мусобиқа Ҷому Диплом ва Ифтихорномаву туҳфаҳои хотиравӣ тақдим кард.
АКСҲО: ВКД ҶТ
Доир ба нақши ВАО дар муқовимат ба терроризм ва экстремизм ҳамоиши ҷумҳуриявӣ баргузор гардид
Меъморон ва бинокорони «заминаи рақамӣ»
35-СОЛАГИИ ИСТИҚЛОЛИ ДАВЛАТӢ. Дар ноҳияи Мурғоб 100 иншоот ба истифода дода шуд
Имрӯз дар Тоҷикистон борон меборад
Дар рӯзҳои Ҷашни байналмилалии Наврӯз дар ноҳияи Файзобод иншооти гуногун ба истифода дода шуданд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон раъду барқ ба амал меояд
Варзишгарони паралимпии Тоҷикистон бо 37 медал ба Ватан баргаштанд
Шарҳи расмии Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон оид ба раддабандии ҷумҳурӣ аз лиҳози ифлосшавии ҳавои атмосферӣ
Имрӯз дар баъзе ноҳияҳои Тоҷикистон борони кӯтоҳмуддат меборад
Имрӯз дар Тоҷикистон чангу ғубор ба амал меояд
МегаФон Тоҷикистон дар ҷумҳурӣ нахустин пайвасткунии тарофаҳо ва хизматрасониҳоро тавассути сомонаи расмӣ ба роҳ монд
