Дар «Кохи Борбад» намоиши молу маҳсулоти истеҳсоли ватанӣ ташкил мегардад

Март 22, 2022 11:32

ДУШАНБЕ, 22.03.2022 /АМИТ «Ховар»/. Дар арафаи моҳи шарифи Рамазон 25, 26 ва 27 март сокинону меҳмонони пойтахт имкон  доранд, дар  «Кохи Борбад»-и пойтахт  аз намоишгоҳи молу маҳсулоти гуногуни истеҳсоли ватанӣ  боздид ва харид намоянд, хабар доданд дар Вазорати саноат ва технологияҳои нави ҷумҳурӣ ба АМИТ «Ховар».

Намоишгоҳи  молу маҳсулоти истеҳсоли ватанӣ дар доираи лоиҳаи «Тамғаи писандидаи Тоҷикистон-2022» гузаронида шуда, дар он беш аз 30 ширкату корхонаҳои истеҳсолию маишии Тоҷикистон, назири «Рамазон», «Файзи Расул», «Покиза», «Ҳавас», «Баҳори пурфайз», «Мармарӣ», «Кок», «Раҳмат-2004»,  «Шоколатье», «Шири Душанбе», «Молочная радость», «Фаровон-1», «Авицена», «Сиёма», «Шоҳамбарӣ», «Артел», «Рамис», «Химус», «Евродент», Маркази зебоии «Сафия», «Қолинҳои форс», «Parimatch», «Ҳимоя» молу маҳсулоти хушсифат ва намудҳои гуногуни хизматрасониҳоро ба намоиш ва фурӯш мегузоранд.

Намоиш ва фурӯши молу маҳсулоти истеҳсоли ватанӣ бо ибтикори Вазорати саноат ва технологияҳои нави ҷумҳурӣ ва ширкати «Тайрон» дар доираи лоиҳаи «Тағмаи писандидаи Тоҷикистон-2022» ташкил карда шуда, ҳадафаш тарғиби молу маҳсулоти ватанӣ, мусоидат ба беҳдошти сифати маҳсулот, коҳиши нархи маҳсулот дар бозор ва дастгирии соҳибкорони тоҷик мебошад. Маҳз соҳибкорон  неъматҳои моддӣ офарида, иқтисодиёти кишварро рушд медиҳанд ва ба сол то сол беҳтар шудани сатҳи зиндагии мардум мусоидат менамоянд.

Сокинон ва меҳмонони  пойтахт имкон доранд аз намоишгоҳи молҳои истеҳсоли ватанӣ- гӯшти гов, гӯшти мурғ, ҳасибу ҳасибчаҳои хушмазза, орд, макарон, равған, тухм, шир, қаймоқ,  сметана, торт, намудҳои гуногуни қанду шоколад, кулчақандҳои бомазза, шарбатҳои табиии мевагӣ, обҳои газноку минералӣ ва анвои дигари маҳсулоти хӯрокворӣ, ҳамчунин маводи шустушӯӣ, гилему қолинҳои хушранг, мошинаи ҷомашӯӣ, яхдон, тафдон, телевизор ва дигар таҷҳизоти рӯзгорро бо нархҳои  дастрас харидорӣ намоянд.

Дар намоишгоҳ барои меҳмонон ҳамчунин мавзеи дилхушӣ ташкил  шудааст.

 

АКС аз манбаъҳои боз

Март 22, 2022 11:32

Хабарҳои дигари ин бахш

Ҳайати Тоҷикистон дар ҷаласаи Шурои маъмурии Ташкилоти патентии Авруосиё иштирок намуд
Дар Конгресси ҷаҳонии обуҳавошиносӣ татбиқи ташаббуси ҷаҳонии «Огоҳкуниҳои бармаҳал барои ҳама» баррасӣ гардид
Дар шаҳри Хоруғ 13 корхонаи нави саноатӣ ба фаъолият оғоз намуд
Дар нуҳ моҳ беш аз 1,5 миллион сайёҳ мавзеъҳои ҷолиби Тоҷикистонро тамошо намуданд
Дар Тоҷикистон беш аз 45 ҳазор хоҷагии деҳқониро занон роҳбарӣ менамоянд
Кишоварзони вилояти Хатлон нақшаи ҷамъоварии пахтаро 90 фоиз иҷро намуданд
Намояндаи Тоҷикистон дар ҷаласаи Ассотсиатсияи байналмилалии рушд дар Амрико иштирок намуд
Дар ҷаласаи машваратии мудирони Хазинаи байналмилалии асъор шарҳи вазъи монетарии минтақа пешниҳод гардид
Алӣ Ғиёсуддин Муҳаммад: «Тоҷикистон имкон дорад бо истифода аз захираҳои табиӣ ба яке аз давлатҳои пешрафтаи ҷаҳон табдил гардад»
Бонки миллии Тоҷикистон ҳамкориро бо Бонки миллии Швейтсария тақвият медиҳад
АСАЛ ДАВОИ ДАРД. Имрӯз дар Душанбе «Фестивали занбӯрпарварон, намоиш ва фурӯши асал» баргузор гардид
Дар Тоҷикистон 250 навъи харбуза парвариш карда мешавад