Дар майдони маҷмааи «Дуои модар»-и назди Фурудгоҳи байналмилалии Хуҷанд ҳамоиши идона доир шуд
ДУШАНБЕ, 02.03.2022 /АМИТ «Ховар»/. Имрӯз бо ибтикори мақомоти иҷроияи ҳокимияти давлатии шаҳри Гулистон дар майдони маҷмааи «Дуои модар»-и назди Фурудгоҳи байналмилалии Хуҷанд бахшида ба Рӯзи Модар ҳамоиши идона доир гардид, хабар медиҳад АМИТ «Ховар» бо истинод ба мақомоти иҷроияи ҳокимияти давлатии шаҳри мазкур.
Ҳамоиш бо гузоштани гулчанбар дар назди муҷассама оғоз ёфта, дар он модарону бонувони касбу кори гуногун, собиқадорони меҳнат, наврасону ҷавонони шаҳри Гулистон ширкат намуданд.
Сипас, тарбиятгирандагони муассисаҳои томактабӣ ва хонандагони муассисаҳои таълимӣ дар васфи модар суруду таронаҳои ҷолиб қироат намуда, ба ҳамоиш шукӯҳи тоза бахшиданд.
Дар шаҳри Гулистон бахшида ба таҷлили бошукӯҳи Рӯзи Модар тибқи нақшаи чорабиниҳо баргузории аксияву ҳамоишҳои идона, аёдати модарону бонувони собиқадору барӯманд, модарони яккаву танҳо ва аз оилаҳои ниёзманд бомаром ҷараён дорад.
Ёдовар мешавем, ки маҷмааи «Дуои модар» ҳамчун рамзи муҳаббати поку самимӣ, эҳтироми бузург, арҷгузорӣ ба Модар ва қадршиносии кулли модарони тоҷик бахшида ба 30-солагии Истиқлолияти давлатии Ҷумҳурии Тоҷикистон бо иштироки Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон 7 марти соли 2021 қомат афрохт. Муҷассамаи «Дуои модар» бо пояаш 13 метрро ташкил дода, баландии худи муҷассама 6,7 ва пояи он 5,5 метр мебошад.
АКСҲО: МИҲД-и ш. Гулистон/АМИТ «Ховар»
Пешвои миллат: «Ҳамеша шукронаи соҳибватаниву соҳибдавлатӣ, сулҳу субот ва зиндагии орому осудаи худро ба ҷо оварем»
Имрӯз дар Тоҷикистон чангу ғубор ба амал меояд
Сергей Лебедев: «Қазоқистон аввалин мизбони Форуми волонтёрони Иттиҳоди Давлатҳои Мустақил мегардад»
Сардори Хадамоти алоқа бо фаъолияти ширкати «МегаФон Тоҷикистон» шинос шуд
МЕГАФОН ТОҶИКИСТОН. Наврасони Душанбе худро ситораи футбол эҳсос карданд
Имрӯз дар дар шаҳри Душанбе ҳаво то 36 дараҷа гарм мешавад
Дар баъзе аз хоҷагиҳои таҷрибавии шаҳри Ҳисор риоя нагардидани қоидаҳои агротехникаи парвариш мушоҳида мегардад
Дар шаҳри Истанбули Туркия гӯшаи миллии Тоҷикистон ташкил карда шуд
Имрӯз дар водиҳои Тоҷикистон ҳаво то 40 дараҷа гарм мешавад
Барои масъулини бахши молиявии Ҳизби Халқи Демократии Тоҷикистон машварати омӯзишӣ оғоз гардид
Маркази миллии тестӣ ба кадом гурӯҳи довталабон имтиёз медиҳад?
Садҳо нафар варзишгарони навраси ноҳияҳои тобеи ҷумҳурӣ ба майдонҳои футбол баромаданд
